Sélimɛ 10:19 - Cebaara Bible 2010

¹⁹ Kanaan ye láʔagoloyi n séli Siidɔn na n kári Gerari kàbangi na, fwɔɔ n sáà nan Gaza na. Ní níì sɔ̀lɔ n fala Sodɔmi, ní Gomɔri, ní Adima, ní Seboyimi kàbangi na, fwɔɔ n sáà nan Lesya na.

Sélimɛ 10:19 Iomraidhean Croise

Sélimɛ 10:18

ní Arivadi ye, ní Semari ye, ní Hamati ye na. Koro kàdoʔo ma Kanaan túlugi wòolo cariga.

Sélimɛ 10:20

Poro be nyɛ Kami jáabèle, n yɛlɛ ní be túluyi, ní be syɛɛnfeleri ní, be tátɛɛyi, ní be syɛɛnfeleyi ni.

Sélimɛ 14:2

a gi pye a be pan ba kapɛɛnnɛ kpúmɔn ní fànʔafɔbèle bele ní be pye lè Sodɔmi ye fànʔafɔw Bera, ní Gomɔri ye fànʔafɔw Birisya, ní Adima ye fànʔafɔw Syineyabi, ní Seboyimi fànʔafɔw Syemeyebɛɛri n fàra Bela fànʔafɔw na. Pe wɔ́ɔ i Bela yiri Sowari.

Sélimɛ 14:3

A bele bee myɛ sáà peyɛɛ gbóʔoro Sidiimi jǐnlɔgi ni. Tɛ́ɛgi bee gi nyɛ Solonɛʔɛmi lɔ̀ʔɔ.

Sélimɛ 18:20

Lǎli bee ni a Yawe gi joo Abirahami ma níì jo: «Sùpiigèle be wáa lè Sodɔmi ní Gomɔri ye kéeli na, sùpiiwáari bee n níì kpɔ́ʔɔ n baa sɔ̀lɔ. Pe kapeegèle n líbe n baa sɔ̀lɔ.

Sélimɛ 20:1

A Abirahami yìri yaà beè n kári wòrogulo tári ma ní sáà tɛ́ɛn Kadɛsyi, ní Syuri níngi ni, ní náa baa kári n sáà kòro Gerari ni.

Sélimɛ 26:1

A kateegaa níì too tári na gee kàdoʔo ma, gee ki da sélì too lè Abirahami lǎli ni. A Izaaki kári Gerari ma Filisitini ye fànʔafɔw ma, pe da ni yiri lè Abimelɛki.

2 Cányi kèlē 14:12

Aza ní syɛ́ɛnbèle be pye ní wi ní lè, a poro be kɔ́ri n láa ni nɛnɛ fwɔɔ n sáà nan Gerari na. A Kusyi ye syɛɛnnɛʔɛmi i tuun ni kúu, pe ga gbàn n peyɛɛ zyɔɔ í, níì cán pe maa cɔ̀nʔɔ n wo Yawe ní wi kapɛɛnkpumɔnbèle yɛ́ʔɛ ma. A Aza ní wi syɛ́ɛnbèle yanɛʔɛrɛ taa kapɛɛnni na.

2 Cányi kèlē 14:13

A be Gerari taana kěyi myɛ kálagi níì cán Yawe fyáakpɔɔri maa yi cò, a be kěyi myɛ fuguri níì cán yanɛʔɛrɛ maa pye yi ni.

Zyɔbi 38:20

koro ga pye mɔ í sa bi cò pi láʔagologi na, si bi tɛɛkòrogi kóbiigéle cán?

Ezayi 23:11

Yawe n wi kɔ́gi sánʔa sólomi lɔ̀ʔɔ ǹjoʔo ni. Wi n fǎnyi cúngo. Wi n gi joo n gbàn Kanaan ma níì jo wi wi tɛɛniriyi kálagi.

Ezayi 23:4

Fɛ̀ɛrɛ n yɛlɛ di mɔ taa Siidɔn! Níì cán sólomi lɔ̀ʔɔ n syɛ́ɛnri naa joo, sólomi lɔ̀ʔɔ tɛɛnirige, ki n jo: «Mii ga fícɛnnɛ yáama cán í, mii ga pyà see í, mii ga nìgɔcaribéle gbóo í, mii ga pìcaala nàʔa í.»

Zyeremii 25:20

ní canʔajeemɛ ye myɛw na, ní Usi fànʔafɔbèle myɛ na, ní Filisitini tári fànʔafɔɔlɔ myɛ na, ní Asikalɔn na, ní Gaza na, ní Ekurɔn na, ní bele na be kòro Asidɔdi ye ni lè,

Zyeremii 47:1

Wéle, Yawe syɛ́ɛnri di nan kanyaajoow Zyeremii na lè sáni Faraɔnw í ba too Gaza na lè, toro di nyɛ dee naa:

Ezekyɛli 28:21

«Syɔɔn-pya, mɔ yɛ́ɛgi wáa Siidɔn kàbangi na, mí kérigèle nyaa mi joo wi kánmi na.

Oze sɛ́bɛw 11:8

Kanmìí na mii a dée gbǎn mɔ yaʔa Efirayimi? Ba mɛ̀ɛ́ mii a dée gbǎn mɔ le kɔlɔ̀ ni, Isirayɛli? Kanmìí na mii a dée gbǎn mɔ kpéʔele àmɛɛ Adima nyɛ lè? Ba mɛ̀ɛ́ mii a dée mɔ kpéʔele àmɛɛ Seboyimi nyɛ lè? Mii fúngi n baa wáa n kàri, mii fúngi yárira myɛ i nyaʔami mii ni.

Kapyegèle 8:26

A Kàfɔw tundunwaa joo ní Filipi ní níì wi pye: «Yìri mi tìgi canʔa parima ma wòrogulo kàbangi na, kólogee gi yìri lè Zyerusalɛmi ma ni syée Gaza ma ki lè fìími tára wóʔo, maa syée gee bee ni.»

Làlwaw Kaanziin 2:23

Avii ye be pye lè wodɛ́ɛnbéle ní kèpiigèle ni fwɔɔ n sáà nan Gaza na, Kafitɔri ye be yiri Kafitɔri ni lè, a poro pan n baa be kálagi n yirige yaà níì tɛ́ɛn pe sìndɛɛgi ni.

Làlwaw Kaanziin 32:8

Wee wi nyɛ Pe Myɛ Nyúngo na lè, lǎli ni wi kɔrigɔ kaan syɛɛnfeleyi ma lè, lǎli ni wi Adami pìíbèle wàli n láʔa peyɛɛ na lè. Wi n syɛɛnfeleyi láʔagoloyo wòlo, n yɛlɛ ní Isirayɛli pìíbèle nyɔ́ɔ ní.

Zyozuwe 19:28

Ní níì taʔa n fala Eburɔn, ní Ereyɔbi, ní Hamɔn, ní Kana ma, níì kári fwɔɔ n sáà nan Siidɔn na wi lè wogbɔɔw.

Jàbɔbèle 16:1

Cangaa a Samisɔn kári Gaza ma. A wi sáà nànjaacewaa nyaa yaà beè, a wi sínɛ ní wi ní.

Jàbɔbèle 6:4

Pe i gáà pan n baa tɛ́ɛn be taana si tári yaliifálara kálagi fwɔɔ bi kári sa nan Gaza na. Pe o gáà yaliire, wàlá byà, wàlá sikaà, wàlá nɔ̀ɔ wàlá jòfani yaʔa Isirayɛli ni í.

1 Samyɛli 13:18

á kabigaa wàli n fala Bɛti-Horɔn ma, á kabigee wàli n fala láʔagologi kólogo ni ki tìgi Seboyimi jǐnlɔgi kàbaan na lè fìími tára kabaan na.