Sélimɛ 10:15 - Cebaara Bible 2010

¹⁵ Kanaan wi Siidɔn see, woro wi pye wi pìilɛɛw, ní wɔ́ɔ̀ Hɛti see,

Sélimɛ 10:15 Iomraidhean Croise

Sélimɛ 23:3

Koro kàdoʔo ma a Abirahami yìri wi céw kúcere taana n kári n sáà joo ní Hɛti yòdaʔayi ní níì jo:

Sélimɛ 24:3

mii si mɔ kɔ́ri mɔ í kàli mii ma Yawe na, wi lè nyɛ̀ʔɛni Kolocɔlɔɔ ní tári Kolocɔlɔɔ, si jo mɔ a tée cɔlɔɔ láa Kanaan ye calipiigèle nínge ni bi kaan mii jáaw ma í, poro bele nínge ni mii nyɛ lè wee wodɛ́ɛɔn ní.

Sélimɛ 49:13

Zabulɔn a tɛ́ɛn sólomi lòkpɔʔɔ nyɔ́ɔ na. Wi a pye bàtobèle tɛɛ̀yérege nyɔ́ɔ na wi láʔagologi a kári fwɔɔ sa nan Siidɔn nyɔ́ɔgi na.

2 Samyɛli 11:3

A Davidi tun, a be sáà céw bee kéele yíbe. A pe baa wi pye: «Bati-Syeba wii, wi lè Eliyami pìíw ní i nyɛ Urii céw, Urii wi lè Hɛti ye wów.»

2 Samyɛli 24:6

Níì kári n sáà jée Galaadi tɛ́nɛmi ni, ní Takitimi-Hodisyii tári ni n kári n sáà nan Dan-Yaan na, ní tɛ́ɛyi yi Siidɔn màʔa lè.

1 Cányi kèlē 1:13

Kanaan wi Siidɔn see, woro wi pye wi pìiseliw, n fàra Hɛti,

Yirile 3:8

A mii si tìgi n pan ba be yirige Ezyipiti ye kɔ́yi ni, bi be yirige tári bee ni bi kári ní be ní táraa ma, dee di nyɔɔ lè níì kpɔ́ʔɔ. Táraa dii, dee di nyìn nɔ́nɔw, ní sárigi na ni fóo lè. Kanaan ye, ní Hɛti ye, ní Amɔri ye, ní Perezi ye, ní Hɛvi ye, ní Yebusi ye be yaà tári bee ni.

Yirile 34:11

Gee mii nyuu ni gbàngí mɔ ma lè gee níjanʔa, ki n yɛlɛ mi yákirii yaʔa gi na. Koro gi nyɛ mii a Amɔri ye, ní Kanaan ye, ní Hɛti ye, ní Perezi ye, ní Hɛvi ye, ní Yebusi ye nɛnɛ bi yirige yaà mɔ yɛ́ʔɛ ma.

Ezayi 23:4

Fɛ̀ɛrɛ n yɛlɛ di mɔ taa Siidɔn! Níì cán sólomi lɔ̀ʔɔ n syɛ́ɛnri naa joo, sólomi lɔ̀ʔɔ tɛɛnirige, ki n jo: «Mii ga fícɛnnɛ yáama cán í, mii ga pyà see í, mii ga nìgɔcaribéle gbóo í, mii ga pìcaala nàʔa í.»

Zyeremii 47:4

Níì cán cángi i maa, gee ni Filisitini ye myɛ a kálagi lè. Bele myɛ be nyɛ lè Tiiri ní Siidɔn dɛ̀ɛmɛfɔbèle, poro a tɔ̀nɔ́ kálagi yiri yaà. Yawe a Filisitini ye kálagi, pe lè Kafitɔri lǒgi nínge tátɛɛlɛ wozanbèlē.

Ezekyɛli 27:8

Siidɔn ye ní Arivadi ye be pye mɔ batofanbèle, bele si be pye lè kacandelebèle mɔ níngi ni, ee Tiiri, poro be pye mɔ batow falipyebèlē.

Ezekyɛli 28:21

«Syɔɔn-pya, mɔ yɛ́ɛgi wáa Siidɔn kàbangi na, mí kérigèle nyaa mi joo wi kánmi na.

Zyozuwe 11:8

A Yawe be le Isirayɛli ye kɔ́yi ni. A be fànʔa taa be na, níì be kɔ́ri n láa ni nɛnɛ ni syée fwɔɔ n sáà nan Siidɔn na ki lè kèkpɔɔgi, ní wɔ́ɔ sáà nan Misirefɔti-Mayɛn, ní Misipa jǐnlɔgi na canʔafolomɔ kabangi na. A pe be kálagi n kwɔ́ɔ. Pe ga wàa nibin yaʔa a wi syɔɔ í.

1 Samyɛli 26:6

A Davidi syɛ́ɛnri láa n gi joo Ahimelɛki ma, wi lè Hɛti ye wów, ní Abisyayi ma, wi lè Seruya jáaw ní i nyɛ Zyowabi senyɛnnɛ̀, níì jo: «Wìí wi a tìgi kári ní mii ní tɛɛ̀tɛ́ɛngi ma, Sawuli ma?» A Abisyayi wi yari: «Mii wi a tìgi yaà ní mɔ ní.»