Sélimɛ 10:10 - Cebaara Bible 2010

¹⁰ Wi fǎngi sélimɛ keye yi pye Babɛli, ní Erɛki, ní Akadi, ní Kaline, Syineyari tári ni.

Sélimɛ 10:10 Iomraidhean Croise

Sélimɛ 10:9

Wi maa pye tòzoo-sànbali Yawe yɛ́ʔɛ ma. Koro na pe gi nyuu níì jo: «Amɛɛ Nimurɔdi da pye lè tòzoo-sànbali Yawe yɛ́ʔɛ ma.»

Sélimɛ 11:2

A pe ga yìri canʔafolomɔ ma ni maa, a be baa jǐnlɔgbɔʔɔ nyaa Syineyari tári ni, a be tɛ́ɛn yaà beè.

Sélimɛ 11:9

Koro na be gi yiri Babɛli. Níì cán beè Yawe tári syɛ̀ɛnnɛ myɛ syɛ́ɛnrɛ nyáʔami. Nɛɛ bee Yawe be cariga n tórigo tári tɛ́ɛyɛ myɛ yɛ́ʔɛ kurugo.

Sélimɛ 14:1

Amirafɛli wi pye lè Syineyari fànʔafɔw, ní Ariyɔki wi pye lè Elazari fànʔafɔw, ní Kedɔrilawomɛɛri wi pye lè Elami fànʔafɔw, ní Tideyali wi pye lè Goyimi fànʔafɔw, fànʔafɔbèle naa làla ni,

Ezayi 10:9

Kalino o nyɛ sèjira ní Karikemisyi ní ì? Ba Hamati ní Aripadi o nyɛ sèjira ì? Ba Samarii ní Damasi o nyɛ sèjira ì?

Ezayi 11:11

Cángi bee na Kàfɔw a ní wi kɔ́gi sánʔa bi wi syɛ́ɛnbèle wozanbèlē nyúnyo syɔɔ, poro bele pe a kòro lè púlori wòolo ni, Asirii ní Ezyipiti ni, ní Paturɔsi, ní Etyopii, ní Elami, ní Syineyari, ní Hamati, ní sólomi lɔ̀ʔɔ nínge tátɛɛgéle ni.

Ezayi 39:1

Lǎli bee ni Babilɔni fànʔafɔw Merodaki-Baladan, wi pye lè Baladan jáaw, a woro sɛ́bɛ ní kpɔʔɔrɔ tórigo Ezekyasi ma, níì cán wi maa Ezekyasi yáami ni wi pɔʔɔli keele lóʔo.

Zyeremii 21:2

«Yawe yíbe wolo ma. Níì cán Nebukadinezari, wi lè Babilɔni fànʔafɔw, wi i kapɛɛnnɛ kpúmɔn ní wolo ní. Dɔ̀ʔɔ́ Yawe a ní wi kakpɔɔgaa kpéʔele wolo nyɔɔmi kéele na, koro ga pye wi léeli wolo na.»

Zyeremii 50:1

Syɛ́ɛnree Yawe joo lè Babilɔni kéeli na, Kalide ye tári kéele na, kanyaajoow Zyeremii ma a wi joo lè, toro di dee naa:

Zyeremii 50:21

Lúgu mi kári Meratayimi tári kánma na, lúgu mi kári Pekɔdi syɛ́ɛnbèle kánma na! Pe kálagi péw, mɔ a kɔ́ wàa yaʔa í,» Yawe wi jo nya. «Gee mii joo n gbàn mɔ ma lè, ki myɛ kpéʔele!

Ezekyɛli 27:23

Haran, ní Kane, ní Edɛn, ní Saba, ní Asirii, ní Kiilimadi jàgiwáabèle maa bɛ̀ɛ be jàgiwáari na ní mɔ ní.

Danyɛli 1:2

A Kàfɔw Zyuda fànʔafɔw Yehoyakimi le wi kɔ́yi ni n fàra Kolocɔlɔɔ kpáagi yáriraa na. A wi kári ní yáriri ní Syineyari tári ma n sáà lége wi kolocɔlɔw kpaʔa ni, n tɛ́ʔɛ wi kolocɔlɔw lɔ́rɔ tɛɛkɔngɔ kpaafungo ni.

Amɔsi 6:2

Ye sɔ̀lɔ ye kári Kaline ma ye sa nyaa, yé yiri yaà beè ye kári Hamati ma, ki lè wogbɔɔgi, yé tìgi Gati ma, ki lè Filisitini ye wógi. A kěyi bee báriga lé n sɔ̀lɔ yele fǎnyi siin na? Ba a be tásaligi kpɔ́ʔɔ lé n sɔ̀lɔ yele wógi na?

Misye 4:10

Siyɔn calipili, da wɔʔɔ, máā cɛ́ɛn àmɛɛ cɔlɔɔ nyɛ, wee wi nyɛ seeli na lè! Níì cán tɔ́ɔliw ni mɔ a yiri kěgi ni bi sa mɔ tɛɛkòrogi pye sìnbirigi ni, mɔ a kári fwɔɔ bi sa nan Babilɔni na. Bi mɔ yaʔa yaà beè, mɔ a syɔɔ be ma, nɛɛ bee Yawe a mɔ nyúngi syɔɔ bi yirige mɔ nigoobèle kɔ́yɔ ni.

Misye 5:6

Zyakɔbi wogorobèle a pye syɛɛnfele-nɛʔɛyɛ nínge ni àmɛɛ kásaga nyɛ, gee gi yìrigí Yawe ma ni maa lè, ní àmɛɛ zěkpɔʔɔ tuun nyàā na lè, ki o córo syɔɔn na í, ki ga kiyɛɛ daʔa syɔɔn ye na í.

Zakarii 5:11

A wi mii yari: «Pe i syée sa kpaʔa faan gi ma Syineyari tári ni. Ki ga sámaga n kwɔ́ɔ, pe a sa gi tɛ́ʔɛ yaà beè gi tɛ́ɛgi ni.»