Sélimɛ 1:4 - Cebaara Bible 2010

⁴ A Kolocɔlɔɔ gi nyaa gbɛ̀ɛ́nmi n nyɔɔ. A wi gbɛ̀ɛ́nmi wàli n láʔa yébilimi na.

Sélimɛ 1:4 Iomraidhean Croise

Sélimɛ 1:10

A Kolocɔlɔɔ i tɛɛwaagi yiri tára. Lǒyee yi kpóʔoro yiyɛɛ na lè ní i koro yiri sólomi lɔ́ʔɔ. A Kolocɔlɔɔ gee bee nyaa a gi nyɔɔ.

Sélimɛ 1:12

A tári i yáriri fíin. Gee bee n jo nyàági gi lùguzíiw kpéʔele lè n yɛlɛ ní di féleyi ní, ní tíiri di sangi lè tári na n yɛlɛ ní di féleyi ní, cèégèle si i nyɛ di ni. A Kolocɔlɔɔ gee bee myɛ nyaa a gi nyɔɔ.

Sélimɛ 1:18

jàngó yi pye cángi ní yébiligi nyúngo na bi gbɛ̀ɛ́nmi ní yébilimi wàli bi láʔa tiyɛɛ na. A Kolocɔlɔɔ gee bee nyaa a gi nyɔɔ.

Sélimɛ 1:25

Kánmi bee na Kolocɔlɔɔ sìnbirigi yaweere sámaga n yɛlɛ ní di féleyi ní, ní wɔ́ɔ̀ kěgi yaweere sámaga n yɛlɛ ní di féleyi ní, n fàra yáriree na di fulolo lè. A Kolocɔlɔɔ gee bee nyaa a gi nyɔɔ.

Sélimɛ 1:31

A Kolocɔlɔɔ wi yafaanri myɛ wéle n di nyaa a di tɔ̀nɔ n nyɔɔ gbanʔama. A gi pye cângwɔʔɔ nyɔ́ɔ, ní wɔ́ɔ baa pye nyɛ̀ʔɛ nyɔ́ɔ. Koro gi pye canya kɔrɔni wógi.

Ŋúnuyi 145:10

Yawe, mɔ yafaanri myɛ a ra bariga kaangi mɔ ma! Mɔ tágala syɛ́ɛnbèle a ra mɔ kpɔ́ʔɔgi.

Ŋúnuyi 145:9

Yawe n nyɔɔ syɛ́ɛnbèle myɛ kàbaan na, wi i nyinimɛ taagi wi yafaanri myɛ na.

Syɛɛnjóow 11:7

Gbɛ̀ɛ́nmi n tɛ́nɛ, cángi nyáana i nyɛ yacanga nyapiigèle ma.

Syɛɛnjóow 2:13

Gee mii nyaa lè koro gi nyɛ ncan tɔ̀nɔ i nyɛ sícilimi ni n sɔ̀lɔ labalami na, àmɛɛ tɔ̀nɔ nyɛ gbɛ̀ɛ́nmi ni lè n sɔ̀lɔ yébilimi na.

Ezayi 45:7

Mii i gbɛ̀ɛ́nmi sámagi, ní wɔ́ɔ i yébilimi kpéʔele, mii i bɛ̀ɛ́li légi, ní wɔ́ɔ i wɔʔɔgi kpéʔele. Mii Yawe, mii wi koro myɛ kpéʔele.