Sélimɛ 1:3 - Cebaara Bible 2010

³ A Kolocɔlɔɔ jo: «Gbɛ̀ɛ́nmi n yɛlɛ bi yiri.» A gbɛ̀ɛ́nmi yiri.

Sélimɛ 1:3 Iomraidhean Croise

Sélimɛ 2:4

Kánmi bee na nyɛ̀ʔɛni ní tári sélimɛ da pye lǎli ni di faan lè. Lǎli ni Yawe Kolocɔlɔɔ tári ní nyɛ̀ʔɛni faan n kwɔ́ɔ lè,

Zyɔbi 36:30

Wéle, wi i wi gbɛ̀ɛ́nmi caragi ni wiyɛɛ máari, wi i sólomi lɔ̀ʔɔ tɛɛcùruyo tɔ́ngi.

Zyɔbi 38:19

Kologìí gi syée gbɛ̀ɛ́nmi tɛɛkòrogo ma? A yébilimi doò, sán bi tɛɛkòrogi nyɛ,

Ŋúnuyi 104:2

Mɔ n miyɛɛ mígi ní gbɛ̀ɛ́nmi ní àmɛɛ burogbɔʔɔ nyɛ lè. Mɔ n nyɛ̀ʔɛni cariga àmɛɛ fànikpaʔa nyɛ lè.

Ŋúnuyi 118:27

Yawe i nyɛ Kolocɔlɔɔ, wi i gbɛ̀ɛnmɛ yirigi wolo ma. Ye sárigaw yaweele pwɔɔ ní mɛɛngéle ní, ye sa nan sáriga-wòlo-yafaangi nyɛ́ngéle na!

Ŋúnuyi 148:5

Ki n yɛlɛ yáriri myɛ í da Yawe mɛ́ɛgi sòoló! Níì cán wi n syɛɛnrɛ joo, a di sámaga.

Ŋúnuyi 33:6

Nyɛ̀ʔɛgèle n sámaga Yawe syɛ́ɛnri báriga ni, ke ŋɔripiigèle myɛ n sámaga wi nyɔ́ɔgi káfalaga báriga ni.

Ŋúnuyi 33:9

Níì cán wi n joo, a gi wɔ́ɔ̀ pye nya. Wi n joo n gbàn, a gi wɔ́ɔ̀ foro nya.

Ŋúnuyi 97:11

Gbɛ̀ɛ́nmi i nyín syɛɛnsinw ma, bele fúnyo yi sín lè, fundaanra i nyɛ bele bee ma.

Ezayi 45:7

Mii i gbɛ̀ɛ́nmi sámagi, ní wɔ́ɔ i yébilimi kpéʔele, mii i bɛ̀ɛ́li légi, ní wɔ́ɔ i wɔʔɔgi kpéʔele. Mii Yawe, mii wi koro myɛ kpéʔele.

Ezayi 60:19

Cángi ban ki a ní pye mɔ má gbɛ̀ɛnmɛ cángi làla ni í, wàlá yégi ban ki a ní da gi gbɛ̀ɛ́nmi yirigi mɔ ma í. Kàjáa Yawe wi a pye mɔ gbɛɛnmi làla o làla, mɔ Kolocɔlɔw a pye mɔ gbɛɛngbɔɔmi.

Matye 8:3

A Zyezu wi kɔ́gi sánʔa n tánga wi na níì jo: «Mii n fɔ̀lɔ, pɔʔɔ mi nyɔɔ.» Tɛ́ɛgi bee ni a yaanyɛɛnmi fala n láʔa wi na a wi pɔʔɔ.

Zyan 1:5

Gbɛ̀ɛ́nmi i nyín yébilimi ni, yébilimi si ga fɔ̀lɔ bi na í.

Zyan 1:9

Gbɛ̀ɛ́nmi wodelemɛ bi pye, bee bi pan lè dulunyanw ni, ní i nyín syɛ́ɛnbèle myɛ ma.

Zyan 11:43

A wi ga dee bee joo n kwɔ́ɔ, a wi yákpoli wáa gbanʔama níì jo: «Lazari, yìri mi yiri naa!»

Zyan 3:19

Wee naa wi nyɛ kútiiw, gbɛ̀ɛ́nmi n pan dulunyanw ni, koro ní ki myɛ ní a yébilimi baa syɛ́ɛnbèle dɛ́nɛ n sɔ̀lɔ gbɛ̀ɛ́nmi na, níì cán be kapyegèle ga nyɔɔ í.

2 Korɛnti ye 4:6

Níì cán Kolocɔlɔɔ wi gi joo lè níì jo: «Gbɛ̀ɛ́nmi í da nyín da yirigi yébilimi ni,» woro wonijanw wi wɔ́ɔ̀ gbɛ̀ɛ́nmi lége wolo fúnyi ni, jàngó woro nìjangbɔɔri cánna gbɛɛnmɛ í da nyín da yirigi Kirisi yɛ́ɛgi ni.

Efɛzi ye 5:14

Níì cán keele o keele li yiri lè gbɛ̀ɛ́nmi na, li n kàri gbɛ̀ɛnmɛ. Gee bee na gi jo: «Yìri, mɔ wi ŋúnɔ lè, mi nyán mi yiri kúbèle nínge ni, koro ga pye Kirisi a gbɛ̀ɛnmɛ yirige mɔ ma.»

Efɛzi ye 5:8

Yele maa sélì pye yébilimɛ, kàjáa tɔ́ɔliw ni yele i nyɛ gbɛ̀ɛnmɛ Kàfɔw ni. Ki n yɛlɛ yele í da táanri gbɛ̀ɛ́nmi pìibēle tánʔaganma na.

1 Timɔte 6:16

woro wee nibin wi nyɛ lè bànguu, woro wee wi nyɛ lè gbɛ̀ɛ́nmi ni bee bi lè syɔɔn a gbǎn nùuni bi na í, syɔɔnwaa faala si ga kɔ́ɔ̀ wi nyaa í, pe wàa a wɔ́ɔ gbǎn wi nyaa í, woro na kpɔ̀ʔɔrɔli ní séew yɛlɛ làla o làla! Amiina.

1 Zyan 1:5

Syɛ́ɛnree wolo da lóʔo wi ma lè bi joo yele ma, toro di nyɛ dee naa, ti n jo: Kolocɔlɔɔ i nyɛ gbɛ̀ɛnmɛ, yébilimɛ o nyɛ wi ni nyáana í.

1 Zyan 2:8

Koro ní ki myɛ ní tundunvɔ́nrɔ mii sɛ́bɛ bi tórigo yele ma, dee di nyɛ lè kányɛʔɛ Kirisi ni, ní wɔ́ɔ i nyɛ kányɛʔɛ yele ni. Níì cán yébilimi i kwóo ni syée, á gbɛ̀ɛndelemi si i nyín ni yirigi n kwɔ́ɔ.