Sélimɛ 1:29 - Cebaara Bible 2010

²⁹ A Kolocɔlɔɔ jo: «Wéle, mii n tári yaliire myɛ ní tiisanri kaan yele ma, ti nyɛ lè ní cèegēle ní, toro í pye yele yaliiri.

Sélimɛ 1:29 Iomraidhean Croise

Sélimɛ 2:16

A Yawe Kolocɔlɔɔ syɛ́ɛnri naa joo n gbàn nǎnw ma níì wi pye: «Tíiree myɛ di nyɛ nángwɔɔw ni lè, mɔ a gbǎn ra di yasanri líi.

Sélimɛ 6:21

Mɔ si na, tàa láa yáriri féleye myɛ ni ti nyɛ lè lìimɛ, mi lége yaà, dee bee a pye yele yaliiri, mɔ ní bele ní ye nyɛ lè yaà.»

Sélimɛ 9:3

Yáriree myɛ di fíigi ni máari lè, ní i nyɛ sìi na, ti a pye yele ma lìile. Mii n toro kaan yele ma àmɛɛ mii tiisanri kaan yele ma lè.

Zyɔbi 36:31

Kérigèle bee wi téeri ni syɛɛnfeleyi náari, ní i yaliiri kaangi wonɛʔɛrɛ ní.

Ŋúnuyi 111:5

Wi n lìile kaan bele ma be fɛ̀ɛgí wi na lè, wi i sɔ̀ngí ni taagi wi joogaanni na làla o làla.

Ŋúnuyi 115:16

Nyɛ̀ʔɛni i nyɛ Yawe nibin wólo, kàjáa wi n tári kaan syɔɔn ye ma.

Ŋúnuyi 136:25

Woro wee wi lìile kaangi lè sìíw yárira myɛ ma, níì cán wi funjǎngi a tée kwɔ́ɔ í!

Ŋúnuyi 146:7

Bele na be fǎngi gbàn lè, wi i be dɛ̀ɛmɛ́. Wi i lìile kaangi kateèjaabèle ma. Yawe i kàsolebèle yirigi ni yaari.

Ŋúnuyi 147:9

Wi i wi lìíli kaangi yaweeri ma be nàʔá lè, ní kàanriyi pìibēle ma lǎli ni be yákpogèle wáa lè.

Ŋúnuyi 24:1

Davidi ŋúnugi. Tári ní di yáriri i nyɛ Yawe wóro, dulunyanw ní wi fúngi syɛ̀ɛnnɛ i nyɛ Yawe wòolo!

Ezayi 33:16

wee bee fɔ́lɔ a tɛ́ɛn ǹjoʔo ma tɛ́ɛyi ni, fálaya kpaataʔa-tɔ́nɔyɔ yi a pye wi tɛɛlaragi. Lìile a kaan wi ma, wi lǒgi kéele a cɔɔnri.

Oze sɛ́bɛw 2:8

Gee bee na wéle, mii a wi kólogi tɔ́n ní wúuro tiipiire ní, mii a gi faan sùlu ní gungo ní jàngó wi a ní kɔ́ wi kobiigèle caa nyaa í.

Matye 6:11

Yaliiri mɔ kaangi wolo ma lè canʔa o canʔa, mi níjanʔa wóri kaan wolo ma.

Kapyegèle 14:17

Koro ní ki myɛ ní wi ga wi séeraw kpéʔelele yaʔa í, wi i kacǎngèle kpéʔele, àmɛɛ wi zěgi yaari ki i yìrigí nyɛ̀ʔɛni na ni tuun yele ma lè, ní wɔ́ɔ i yaliiri làrilaala kaangi yele ma, koro ga pye yele í da yaliire saʔa taagi, fundaanra si pye yele ni.»

Kapyegèle 17:28

Níì cán woro bárigaw ni wolo myɛ sìi taa n pye syɛ̀ɛnnɛ, ni táanri ni máari. Anbée yele ŋùuvɔbèle pèle wɔ́ɔ̀ gi joo níì jo: ‹Wolo wɔ́ɔ i nyɛ Kolocɔlɔɔ yòdaʔaya.›

1 Timɔte 4:3

Pe i gi nyuu níì jo cèpɔrigɔ a kɔ́ ra kpéʔele í, páā yaliiraa féleye fúun, dee Kolocɔlɔɔ sámaga lè koro ga pye tágafɔbèle pe kányɛɛgi cán lè, paa di líi sáā bariga kaangi woro ma.

1 Timɔte 6:17

Ki joo mi gbàn dulunyanw naa lɔrɔfɔɔlɔ ma mí be pye, pe a kɔ́ ra peyɛɛ gbɔ́ʔɔgi í, mí wɔ́ɔ gi joo be ma pe a kɔ́ be sɔ̀ngumi taʔa lɔ́ri na í, níì cán ti i nyɛ yakwɔʔɔ, fwɔɔ pe be sɔ̀ngumi taʔa Kolocɔlɔɔ na, woro wee wi yáriri myɛ kaangi wolo ma lè wonɛʔɛrɛ ní, koro ga pye wolo í da fundaanra kpéʔele.