Sélimɛ 1:27 - Cebaara Bible 2010

²⁷ A Kolocɔlɔɔ syɔɔn faan woro niwirio. Wi n wi faan woro Kolocɔlɔɔ niwirio. Wi n be faan nàɔn ní cɔlɔɔ.

Sélimɛ 1:27 Iomraidhean Croise

Sélimɛ 2:18

A Yawe Kolocɔlɔɔ jo: «Nǎnw ga yɛlɛ wi kòro nya wi nibin í. Mii a dɛ̀ɛmɛfɔlɔ sámaga bi kaan wi ma, wi pye wi pínɛnyɛnnɛ.»

Sélimɛ 2:7

A Yawe Kolocɔlɔɔ syɔɔn sámaga ní támiigi ní, níì ŋɔ́ngari le wi fínaagèle ni ní wi tiimaa nyɔ́ɔgi káfalaga ní, a syɔɔn fala n pye sìi na.

Sélimɛ 9:6

Wàa ga wi syɛɛnnyɛnnɛ sìsyaan wo, syɔɔnwaa wi a wɔ́ɔ wee bee fɔ́lɔ wóo wo. Níì cán Kolocɔlɔɔ n syɔɔn kpéʔele woro niwirio.

Ŋúnuyi 139:14

Mii i bariga kaangi mɔ ma, níì cán mii i nyɛ bìngaara yafanʔa. Mɔ kapyegèle i nyɛ bìngaara woʔolo, mii fúngi n gee bee sámaga n cán.

Syɛɛnjóow 7:29

Gee si mii baa nyaa lè koro gi nyɛ: ncan Kolocɔlɔɔ n syɔɔn ye sámaga syɛɛnsinbéle, á pe baa kanmaa saʔa caa n gi gbàn peyɛɛ ma.

Ezayi 43:7

poro bele myɛ be yeri mii mɛ́ɛgi na lè, poro bele mii faan mii nìjangbɔɔri kéele na lè, poro bele mii sámaga lè, poro bele mii kpéʔele lè.»

Zyeremii 29:6

Yaa cèpɔrigi kpéʔele, yaa nànbiigéle ní calipiigèlē sii, yaa càbala pɔri yaa kaangi yele jáabèle ma, yáā yele calipiigèle pɔri nànbēle ma, koro ga pye kaa nànbiigéle ní calipiigèlē sii, yaa nɛʔɛgi tɛ́ɛgee ni yele nyɛ lè, yele a kɔ́ ra cɛ́rɛgi í.

Malasyii 2:15

Yawe ga ye kpéʔele syɔɔn nibin, mɔ ní wi ní ì, céri ní pǐli kàbaan na ì? Nyàʔá kurugo si nibinmi bee nyɛ? Ki o nyɛ bi pìibēle taa, bele Kolocɔlɔɔ a kaan lè ì? Koro na, yaa yele fúnyi kɔ̀rɔsíi, yele wàa faala a kɔ́ wi cárima céw jànváa í.

Matye 19:4

A wi be yari: «Yele ga kɔ́ɔ̀ gi nyaa sɛ́bɛw ni ì, àmɛɛ pe Faanfɔw be faan lè ki sélimi na nàɔn ní cɔlɔɔ ì?»

Mariki 10:6

Kàjáa dulunyanw sélimɛ na ‹Kolocɔlɔɔ n be faan nàɔn ní cɔlɔɔ.

Efɛzi ye 2:10

Níì cán wolo i nyɛ Kolocɔlɔɔ kɔ́yi yakpéʔelere, wi n wolo faan Kirisi Zyezu ni, koro ga pye wolo í da kacǎngèle kpéʔele, gele woro da kɔ̀rirɔ n sámaga lè jàngó wolo í da táanri ge ni.

Efɛzi ye 4:24

yé kanvɔnmɔ le yeyɛɛ na, bee Kolocɔlɔɔ kpéʔele lè pi woro wómi wíri sínni, ní funviiri ni ti yìrigí lè kányɛɛgi ma.

Làlwaw Kaanziin 4:32

«Ki n yɛlɛ mi yíbege kpéʔele canzɔ̀lɔgwɔɔyi kéele na, yee yi sɔ̀lɔ sáni mɔ í pye beè lè, nlaa Kolocɔlɔɔ syɔɔn sámaga tári na lè, bi séli nyɛ̀ʔɛni láʔalee na bi sa nan lee na, a kakpɔɔgi naa felege kɔ́ɔ̀ kpéʔele lé? A gi felege kɔ́ɔ̀ lóʔo lé?

Kɔlɔsi ye 1:15

Kolocɔlɔɔ wi lè syɔɔn o wi nyaagi í, wi Jáaw wi nyɛ wi niwiriw, woro wi nyɛ Kolocɔlɔɔ pìiseliw wi yakpéʔeleri myɛ yɛ́ʔɛ na.

Kɔlɔsi ye 1:26

Kolocɔlɔɔ maa syɛ́ɛnri bee làriga syɛ́ɛnbèle myɛ na nlaa yaà làridɔɔnnɔ ni, kàjáa tɔ́ɔliw ni wi n di tɛ̀ɛn wi syɛɛncanbèle na,

Kɔlɔsi ye 3:10

níì kanvɔnmi le yeyɛɛ na, kàa i fàrá kanvɔnmi bee na làla o làla ni yɛlɛgi ní bi faanfɔw kánma ní, koro ga pye yele í ba kérigèle myɛ cán.

Jàbɔbèle 21:22

Pe tóobèle wàlá be senyɛnbèle ga pan n ba ni fúlo wolo taana, wolo a be pye: ‹Ye nyɔɔ wolo na be kéeli na, níì cán wolo ga càbala taa n cò kapɛɛnni ni a be pe myɛ nibin nibin foro í. Yele si ban ye wɔ́ɔ̀ be kaan be ma í, ki ga maa pye nya, yele a dée kolo.› »