Sélimɛ 1:21 - Cebaara Bible 2010

²¹ A Kolocɔlɔɔ sólomi lòkpɔʔɔ fúngo yaweekpoloyo sámaga n fàra sìi yáriri myɛ na di nyaʔami ni máari lè gi ni. A dee bee tɔ̀nɔ n nɛʔɛ gbanʔama n yɛlɛ ní di féleyi ní. A wi wɔ́ɔ̀ fókaanyi yárira myɛ sámaga, dee di yìrigí lè, n yɛlɛ ní di féleyi ní. A Kolocɔlɔɔ gee bee nyaa a gi nyɔɔ.

Sélimɛ 1:21 Iomraidhean Croise

Sélimɛ 1:18

jàngó yi pye cángi ní yébiligi nyúngo na bi gbɛ̀ɛ́nmi ní yébilimi wàli bi láʔa tiyɛɛ na. A Kolocɔlɔɔ gee bee nyaa a gi nyɔɔ.

Sélimɛ 1:20

A Kolocɔlɔɔ jo: «Sìi yárira saʔa n yɛlɛ taa nyaʔami da máari sólomi lɔ́ʔɔ ni, féjɛɛnri si wɔ́ɔ ra yìrigí da nyaari da máari tári ǹjoʔo ni nyɛ̀ʔɛni láara ni.»

Sélimɛ 1:22

A Kolocɔlɔɔ dùbaw taʔa di na níì jo: «Ki n yɛlɛ lǒgi fúngo yárira í da sii bàā nɛʔɛgi bi sólomi lɔ́ʔɔ nyìn, féjɛɛnri si wɔ́ɔ ra nɛʔɛgi tári na.»

Sélimɛ 1:25

Kánmi bee na Kolocɔlɔɔ sìnbirigi yaweere sámaga n yɛlɛ ní di féleyi ní, ní wɔ́ɔ̀ kěgi yaweere sámaga n yɛlɛ ní di féleyi ní, n fàra yáriree na di fulolo lè. A Kolocɔlɔɔ gee bee nyaa a gi nyɔɔ.

Sélimɛ 1:31

A Kolocɔlɔɔ wi yafaanri myɛ wéle n di nyaa a di tɔ̀nɔ n nyɔɔ gbanʔama. A gi pye cângwɔʔɔ nyɔ́ɔ, ní wɔ́ɔ baa pye nyɛ̀ʔɛ nyɔ́ɔ. Koro gi pye canya kɔrɔni wógi.

Sélimɛ 2:19

A Yawe Kolocɔlɔɔ tári tɛ́ʔɛ n sìnbirigi yaweere féleye myɛ, ní féjɛɛnri féleye myɛ sámaga n pan ní di ní nǎnw ma, si gi wéle kánmee na wi a ra di mɛ́ɛyi yiri lè. Mɛ́ʔɛ o mɛ́ʔɛ nǎnw ga le gi kàa na lè, gee bee í kòro gi mɛ́ɛgi.

Sélimɛ 6:20

Di pye nàɔn ní cɔlɔɔ n yɛlɛ ní di féleyi ní, ti lè féjɛɛnri, ní yaweeri, ní yáriri di fulolo lè tári na, dee bee a pan mɔ ma siin-ziin, jàngó bi kòro sìi na.

Sélimɛ 7:14

a sìnbirigi yaweere myɛ, ní kěgi wóro myɛ wɔ́ɔ̀ jée yaà n yɛlɛ ní di féleyi ní. Yáriri di fulolo lè tári na n yɛlɛ ní di féleyi ní, toro ní féjɛɛnri myɛ maa wɔ́ɔ̀ jée yaà n yɛlɛ ní di féleyi ní, gee bee n jo yáriri myɛ di tɛ́nɛ̄ yìrigí lè toro dee na fókaanya nyɛ lè.

Sélimɛ 8:17

Yaweeri féleye myɛ di nyɛ ní mɔ ní lè, ki n yɛlɛ mi wɔ́ɔ dee bee pínɛ mi yirige ní miyɛɛ ní. Gee bee n jo féjɛɛnri, ní yaweeri, ní yáriree myɛ di fulolo lè tári na, jàngó di cariga tári na bi see nɛʔɛ bi tári nyìn.»

Sélimɛ 8:19

Yaweeri myɛ, ní féjɛɛnri myɛ, n fàra yáriree myɛ na di fulolo lè tári na, n yɛlɛ ní di féleyi ní, a toro yiri kɔ́rɔkpɔɔgi ni.

Sélimɛ 9:2

Tári yaweere myɛ, n fàra féjɛɛnri myɛ na, ní yáriree myɛ di fulolo lè, n wɔ́ɔ̀ fàra fábèle myɛ na be nyɛ lè lǒgi ni, yele yɛ́ɛyi fyáara a pye dee bee myɛ na, ti a ra fɛ̀ɛgí yele na gbanʔama. Ti n le yele kɔ́yi ni.

Sélimɛ 9:7

Yele si na, ki n yɛlɛ yaa sii yaa kàa fàra yeyɛɛ na. Ki n yɛlɛ ye pye tári na yaa nɛʔɛgi.»

Zyɔbi 12:7

Mi si yaweeri yíbe, ti a mɔ tama, ní nyɛ̀ʔɛni féjɛɛngèlē, ke a kérigèle tɛ̀ɛn mɔ na.

Zyɔbi 26:5

«Woguubèle be nyɛ lè lǒgi, ní gi yáriri táàma, pe i cɛ̀lɛ́.

Zyɔbi 7:12

A mii i nyɛ lé solomɔ lɔ́ʔɔ, wàlá sólomi lɔ̀ʔɔ yacobeegaa, á mɔ kɔ̀rɔsiifɔɔlɔ cáan mii na?

Ŋúnuyi 148:7

Bi ye yaʔa tári na, yaa Yawe sòoló, yele sólomi lɔ̀ʔɔ yákpoloyo, ní yele weecuruyi myɛ.

Yirile 1:7

A Isirayɛli ye tɔ̀nɔ n baa pìinɛʔɛrɛ see n pye saʔa, a be fǎngi i kpɔ́ʔɔgi ni syée gbanʔama. A tári tɔ̀nɔ n nyìn be na.

Yirile 8:3

Kàjáa a nìnyɔʔɔnɔgi fɔ̀ɔlɔ wɔ́ɔ̀ gi felege kpéʔele pe nìnyɔʔɔnɔgi báriga ni, n jàwaliri yirige a di jée Ezyipiti tári ni.

Ezekyɛli 32:2

«Syɔɔn-pya, funbɛɛnrɛ ŋúnugo ŋùu Faraɔnw kéele na, Ezyipiti fànʔafɔw! Mɔ a wi pye: ‹Mɔ maa pye àmɛɛ càarabɔ-yɛlɛɔ nyɛ lè syɛɛnfeleyi nínge ni. Mɔ maa pye àmɛɛ wócɔɔn nyɛ lè sólomi lòyo ni, mɔ maa ni yegi ni jǐn mɔ cábiyi ni, mɔ maa ni lǒyi nɔ́nʔɔrɔ ní mɔ tɔ́lɔyi ní, mɔ maa ni yi kùnguruyi fúugu,

Zyonasi 2:10

Mii si na, mii a ra sáriga wóo mɔ ma ní bariga kaanna yákpolo ní, nyɔɔfaliyi mii kpéʔele lè, mii a yi foro. Yawe má syɔɔli yìrigí.»

Matye 12:40

Níì cán àmɛɛ ‹Zyonasi da canya taanri ní yébiliye taanri kwɔ́ɔ lè lòkpɔɔgi ni, fákpɔɔgi láʔa ni lè,› ànbée Syɔɔn-pya a wɔ́ɔ ba canya taanri ní yébiliye taanri kwɔ́ɔ tári fúngo ni.