Sélimɛ 1:20 - Cebaara Bible 2010

²⁰ A Kolocɔlɔɔ jo: «Sìi yárira saʔa n yɛlɛ taa nyaʔami da máari sólomi lɔ́ʔɔ ni, féjɛɛnri si wɔ́ɔ ra yìrigí da nyaari da máari tári ǹjoʔo ni nyɛ̀ʔɛni láara ni.»

Sélimɛ 1:20 Iomraidhean Croise

Sélimɛ 1:14

A Kolocɔlɔɔ jo: «Gbɛ̀ɛnyirige-yariya n yɛlɛ yi pye ǹjogi ni, nyɛ̀ʔɛni na, bi cángi ní yébiligi wàli bi láʔa tiyɛɛ na. Yee bee a pye bàā làrigèle, ní cányi, ní yɛ́ɛgèle wɛ̀ɛ́.

Sélimɛ 1:19

A gi pye cângwɔʔɔ nyɔ́ɔ ní wɔ́ɔ baa pye nyɛ̀ʔɛ nyɔ́ɔ. Koro gi pye canya sicɛrɛ wógi.

Sélimɛ 1:21

A Kolocɔlɔɔ sólomi lòkpɔʔɔ fúngo yaweekpoloyo sámaga n fàra sìi yáriri myɛ na di nyaʔami ni máari lè gi ni. A dee bee tɔ̀nɔ n nɛʔɛ gbanʔama n yɛlɛ ní di féleyi ní. A wi wɔ́ɔ̀ fókaanyi yárira myɛ sámaga, dee di yìrigí lè, n yɛlɛ ní di féleyi ní. A Kolocɔlɔɔ gee bee nyaa a gi nyɔɔ.

Sélimɛ 1:22

A Kolocɔlɔɔ dùbaw taʔa di na níì jo: «Ki n yɛlɛ lǒgi fúngo yárira í da sii bàā nɛʔɛgi bi sólomi lɔ́ʔɔ nyìn, féjɛɛnri si wɔ́ɔ ra nɛʔɛgi tári na.»

Sélimɛ 1:30

Gee si gi tári yaweere myɛ kéele kwɔ́ɔ lè, ní féjɛɛnri myɛ, n fàra yáriree myɛ na di fulolo lè tári na, dee ni ŋɔ́ngara nyɛ lè, mii n nyàápungi kaan toro myɛ ma gi pye ti yaliiri.» A gi wɔ́ɔ̀ pye nya.

Sélimɛ 1:7

A Kolocɔlɔɔ gee bee kpéʔele, n táàma lǒgi wàli n láʔa ǹjoʔo ma wógi na. A gi pye kánmi bee na.

Sélimɛ 2:19

A Yawe Kolocɔlɔɔ tári tɛ́ʔɛ n sìnbirigi yaweere féleye myɛ, ní féjɛɛnri féleye myɛ sámaga n pan ní di ní nǎnw ma, si gi wéle kánmee na wi a ra di mɛ́ɛyi yiri lè. Mɛ́ʔɛ o mɛ́ʔɛ nǎnw ga le gi kàa na lè, gee bee í kòro gi mɛ́ɛgi.

Sélimɛ 7:21

Yala o yala ni sìi pye lè, a li i fíigi ni máari tári na, a dee bee myɛ kùu. Gee bee n jo féjɛɛnri, ní kěgi yaweere, ní sìnbirigi wóro, n fàra yáriree na di fulolo tári na lè, ní syɔɔn ye myɛw.

Sélimɛ 8:17

Yaweeri féleye myɛ di nyɛ ní mɔ ní lè, ki n yɛlɛ mi wɔ́ɔ dee bee pínɛ mi yirige ní miyɛɛ ní. Gee bee n jo féjɛɛnri, ní yaweeri, ní yáriree myɛ di fulolo lè tári na, jàngó di cariga tári na bi see nɛʔɛ bi tári nyìn.»

Zyɔbi 12:9

Toro myɛ níngi ni, gìí gi nyɛ ki ga gi cán Yawe kɔ́gi gi gee bee myɛ kpéʔele í?

Ŋúnuyi 148:10

sìnbirigi yaweere, ní yaweeree myɛ be nàʔá lè, yáriree di fulolo lè, ní dee di yìrigí lè fókaanya na,

Syɛɛnjóow 2:21

Ncan syɔɔnwaa i yaà wi n fáliw kpéʔele ní sícilimɛ, ní cánna, ní fàndaara ní, wi lɛɛli n si baa kaan wee ma wi lè wi ga fali pye í. Koro ní i nyɛ gbanzan, ní kapeekpɔʔɔ.

Levii ye sáriga-wòlori 11:42

Yaweepiigèle myɛ ge fulolo tári na lè, wàlá gele ge fulolo láayi na lè, wàlá gele ge táanri tɔlɔyɔ sicɛrɛ na lè wàlá ni táanri tɔnɛʔɛrɛ na, yele a kɔ́ li làa faala káa í, níì cán ke i nyɛ yafuungo.

Levii ye sáriga-wòlori 11:43

Yaweepiigèle bee myɛ ge fulolo lè yele tiimaa a kɔ́ ge tɛ́ʔɛ bi yeyɛɛ kàriga yapeeye í, yele a kɔ́ ge tɛ́ʔɛ bi yeyɛɛ kàriga yanɔnʔɔyɔ bi yeyɛɛ nɔ́nʔɔ í.

Kapyegèle 17:25

Wi màko o nyɛ syɔɔn kɔ́lɔ yakpéʔelege na í, níì cán woro wi sìíw, ní ŋɔ́ngari, ní yáriri myɛ kaangi syɛ́ɛnbèle myɛ ma.