Sélimɛ 1:2 - Cebaara Bible 2010

² Tári maa pye sìnzamaga ni, yarigaa da pye yaà í. Yébilimi maa lòkpɔɔ-cùrugi tɔ́n, Kolocɔlɔɔ Pǐli si i nyaari ni máari lǒgi ǹjoʔo ni.

Sélimɛ 1:2 Iomraidhean Croise

Zyɔbi 26:14

Gee bee myɛ i nyɛ wi kapyegèle wobiigéle, joomɔ cɛɛri si wolo lúro yagana ge ni, kàjáa wi nyɛ̀ʔɛvōloli kàfulogo doò, wìí wi a gi kɔ́rɔw cán?»

Zyɔbi 26:7

Woro wi solomɔkulo kàbangi caragi yafyɛn funw na, wi n tári yérige dàʔafaliw na.

Zyɔbi 38:9

lǎli ni mii fàfaangi le gi na lè burogo, níì yébiliwɔɔli pye gi fànimigiw,

Ŋúnuyi 104:30

Mɔ i mɔ pili tórogi, ti n faan, mɔ i tári yɛ́ʔɛ kàragí wovɔngɔ ní.

Ŋúnuyi 104:6

Mɔ n lòkpɔɔ-cùrugi tɛ́ʔɛ n di tɔ́n àmɛɛ burogbɔʔɔ nyɛ lè, lǒyi maa nyanbeleyi tɔ́n.

Ŋúnuyi 136:6

Woro wee wi tásaligi cáan lǒyi ǹjoʔo ni lè, níì cán wi funjǎngi a tée kwɔ́ɔ í!

Ŋúnuyi 148:7

Bi ye yaʔa tári na, yaa Yawe sòoló, yele sólomi lɔ̀ʔɔ yákpoloyo, ní yele weecuruyi myɛ.

Ŋúnuyi 33:6

Nyɛ̀ʔɛgèle n sámaga Yawe syɛ́ɛnri báriga ni, ke ŋɔripiigèle myɛ n sámaga wi nyɔ́ɔgi káfalaga báriga ni.

Kàseegèle 8:24

Wi n mii see booma ni lǎli ni lòcuruyi da kɔ́ɔ̀ pye beè lè í, lònɛʔɛgi púloweegéle da wɔ́ɔ̀ pye beè í.

Ezayi 31:5

Kánmee na féjɛɛngèle ge fókaanyi sánʔana lè, ge pìíbèle ǹjoʔo ni, kánmi bee na Nyɛ̀ʔɛni Sùlasiibéle Kafɔlɔ Yawe a Zyerusalɛmi tɔ́n, wi a wi tɔ́n bi wi syɔɔ. Wi a wi yirige bi wi syɔɔ yaʔa.»

Ezayi 45:18

Níì cán Yawe wi syɛ́ɛnri naa joo, woro wee wi nyɛ̀ʔɛgèle sámaga lè, woro wee wi nyɛ lè Kolocɔlɔɔ nibin, wee wi tári sámaga lè n di yirige, níì di sámaga n yérige. Wi ga di faan níì di yaʔa wowaara ní í. Kàjáa wi n di sámaga koro ga pye syɛ̀ɛnnɛ í tɛ́ɛn di ni, wi n jo: «Mii wi nyɛ Yawe, wàa ní o yaà n fàra mii na í.

Zyeremii 4:23

Mii n tári wéle, n gi nyaa ti i nyɛ sìnzamaga ni, yafyɛn ga pye yaà í. Nyɛ̀ʔɛgèle kàbaan ma, ke gbɛ̀ɛ́nmi ga pye yaà í.

Nahumi 2:10

Ye wálifiiw fuguri ye láa! Ye tɛ́ɛw fuguri ye láa! Bàngwɔɔ lɔnɛʔɛrɛ i yaà ní lɔgbanri yárira yaleye féleye myɛ ní.

2 Korɛnti ye 4:6

Níì cán Kolocɔlɔɔ wi gi joo lè níì jo: «Gbɛ̀ɛ́nmi í da nyín da yirigi yébilimi ni,» woro wonijanw wi wɔ́ɔ̀ gbɛ̀ɛ́nmi lége wolo fúnyi ni, jàngó woro nìjangbɔɔri cánna gbɛɛnmɛ í da nyín da yirigi Kirisi yɛ́ɛgi ni.

Làlwaw Kaanziin 32:11

Amɛɛ nyɔɔ̀ wi zyàári caragi ní i nyaari ni máari wi pìíbèle ǹjoʔo ni lè. ní i wi fókaanyi sánʔana ni be lée lè, ni be lée wi fókaansiiri na lè.