Sélimɛ 1:16 - Cebaara Bible 2010

¹⁶ A Kolocɔlɔɔ gbɛ̀ɛnyirige-yakpoloyo siin sámaga. Wogbɔɔtelegi í tɛ́ɛn cángi làla nyúngo na, wobiigi si tɛ́ɛn yébiligi nyúngo na. A wi wɔ́ɔ̀ ŋɔripiigèle sámaga.

Sélimɛ 1:16 Iomraidhean Croise

Sélimɛ 1:15

Yee bee si pye gbɛ̀ɛnyirige-yariya ǹjogi ni, nyɛ̀ʔɛni na bàā gbɛ̀ɛ́nmi yirigi tári na.» A gi wɔ́ɔ̀ pye nya.

Zyɔbi 31:26

kapye mii n cángi gbɛ̀ɛnmɛ wéle lǎli ni gi wáa lè, ní yesóli, àmɛɛ li táanri lè,

Zyɔbi 38:7

lǎli ni nyǐnjerigi ŋɔripiigéle da pínɛ ni ŋúu lè, á Kolocɔlɔɔ pìíbèle myɛ pínɛ ni fundaanra yákpogèle wáa lè?

Ŋúnuyi 148:3

Yaa wi sòoló, cángi ní yégi! Yaa wi sòoló, yele ŋɔripiigèle myɛ ye nyín lè!

Ŋúnuyi 148:5

Ki n yɛlɛ yáriri myɛ í da Yawe mɛ́ɛgi sòoló! Níì cán wi n syɛɛnrɛ joo, a di sámaga.

Ŋúnuyi 19:6

Cángi i yirigi nyǐngi nyɔ́ɔ na àmɛɛ cefɔɔn fɔ́lɔ nyɛ, wee wi yirigi wi tɛɛ̀sinɛgi ni lè, ki fundaanri wɔ́ɔ i nyɛ àmɛɛ kàfyaafan-sànbali wóro nyɛ, wee wi fànʔa taa kàfyaali na lè.

Ŋúnuyi 74:16

Cángi i nyɛ mɔ wóʔo, a yébiligi wɔ́ɔ i nyɛ mɔ wóʔo, mɔ wi yégi ní cángi sámaga.

Ŋúnuyi 8:3

Mɔ n mɔ fangi télege pìíbèle ní yireŋɔribèle nyɔ́ɔyɔ báriga ni, mɔ kasiitun-nyɛ́nbèle kéele na, koro ga pye bi nigoow ní gɔ̀lɔ́-wòlow nyɔ́ɔ tɔ́n.

Ezayi 13:10

Níì cán nyɛ̀ʔɛni ŋɔ́ripiigéle ní ŋɔrisyɔɔnw a ní ba nyaa í, cángi a ba kàri yébilimɛ bi séli ki làrivololi ni, yégi a ní fílige í.

Ezayi 24:23

Yégi a círige, cángi a pye fɛ̀ɛrɛ wóʔo ní. Níì cán Nyɛ̀ʔɛni Sùlasiibéle Kafɔlɔ wi lè Yawe, woro a tɛ́ɛn fǎngi na Siyɔn nyanbelegi na, Zyerusalɛmi ni. Nìjanri a ra daragi wi wolɛɛbèle yɛ́ʔɛ ma.

Ezayi 40:26

Ye nyapiigèle yìrige yaa wéle ǹjoʔo ma! Wìí wi yáriri bee sámaga, kapye wee wi ŋɔripiigèle sámaga n taani keyɛɛ na lè woro ban í? Wi i ke myɛ nibin nibin yiri ke mɛ́ɛyi na. Wi fàngbɔɔgi, ní wi séekpɔɔw báriga ni, yafyɛn o fɔ̀ngí ge ni í.

Ezayi 45:7

Mii i gbɛ̀ɛ́nmi sámagi, ní wɔ́ɔ i yébilimi kpéʔele, mii i bɛ̀ɛ́li légi, ní wɔ́ɔ i wɔʔɔgi kpéʔele. Mii Yawe, mii wi koro myɛ kpéʔele.

Zyeremii 31:35

Yawe wi syɛ́ɛnri naa joo, woro wee wi cángi télege lè kaa gbɛ̀ɛnmɛ yirigi cángi làla ni, n wɔ́ɔ̀ yégi ní ŋɔripiigèle télege kaa gbɛ̀ɛnmɛ yirigi yébiligi làla ni, woro wi sólomi lɔ̀ʔɔ tugu ni yìrigí, ni gi kùnguruyi kàfulogo kpéʔele, woro wee mɛ́ʔɛ gi nyɛ lè Yawe wi lè Nyɛ̀ʔɛni Sùlasiibéle Kafɔlɔ,

Habakuki 3:11

Cángi ní yégi i yèré tɛɛnijangi ni mɔ ŋáayi gbɛ̀ɛnmɛ na yi syée lè, ní mɔ tabaaw gbɛ̀ɛnmɛ darigala na.

Matye 24:29

«Wɔʔɔli bee canya kàdoʔo ma, cángi a kàri yébilimɛ terire, yégi a ní fílige í, ŋɔripiigèle sáā yìrigí nyɛ̀ʔɛni na bi ba ra tuun tári na, nyɛ̀ʔɛni fàngboloyo a cúngo.

Matye 27:45

Nlaʔa cânvugi làla na a tári myɛ kàri yébilimɛ n taa n baa nan cangàrigi na.

1 Korɛnti ye 15:41

Nìjanri félegaa i nyɛ cángi ma, felegaa nikwɔɔ si i nyɛ yégi ma, á kàa si i nyɛ ŋɔripiigèle ma. Alí ŋɔripiigèle myɛ nìjanra o nyɛ sèjira í.

Làlwaw Kaanziin 4:19

Mi wɔ́ɔ maa miyɛɛ kɔ̀rɔsíi, koro ga pye mɔ ga mɔ nyapiigèle yìrige n le nyɛ̀ʔɛni ni, níì cángi, ní yégi, ní ŋɔripiigèle nyaa, ti lè nyɛ̀ʔɛni yárira myɛw, mɔ a kɔ́ miyɛɛ yaʔa di kpɔ̀ʔɔrɔ láaw í mɔ taa mɔ í da kpùmɔnɔ́ di yɛʔɛ̀ ma í. Yawe mɔ Kolocɔlɔw n dee bee kaan nyɛ̀ʔɛni láara syɛɛnfeleye myɛ bìnɛw ma.

Tɛ̀ɛnnɛ 21:23

Kěgi màko o nyɛ cángi gbɛ̀ɛnmɛ na í, wàlá yégi wómɔ na í, níì cán Kolocɔlɔɔ nìjangbɔɔri di nyɛ ki gbɛ̀ɛ́nmi, á Bàpili si i nyɛ gi fètinni.