Biblia Todo Logo
Bìoball air-loidhne

- Sanasan -




Sélimɛ 1:14 - Cebaara Bible 2010

14 A Kolocɔlɔɔ jo: «Gbɛ̀ɛnyirige-yariya n yɛlɛ yi pye ǹjogi ni, nyɛ̀ʔɛni na, bi cángi ní yébiligi wàli bi láʔa tiyɛɛ na. Yee bee a pye bàā làrigèle, ní cányi, ní yɛ́ɛgèle wɛ̀ɛ́.

Faic an caibideil Dèan lethbhreac




Sélimɛ 1:14
43 Iomraidhean Croise  

A gi pye cângwɔʔɔ nyɔ́ɔ, ní wɔ́ɔ baa pye nyɛ̀ʔɛ nyɔ́ɔ. Koro gi pye candaanri wógi.


Yee bee si pye gbɛ̀ɛnyirige-yariya ǹjogi ni, nyɛ̀ʔɛni na bàā gbɛ̀ɛ́nmi yirigi tári na.» A gi wɔ́ɔ̀ pye nya.


Lǎlee myɛ ni si tári a pye beè lè, yaliilùgu-lǎli, ní yaliilaa-lǎli, ní wéeri làla, ní káfugi làla, ní wɔ̀ɔ́gi, ní gbɛ̀ɛ́ngi làla, ní cángi, ní yébiligi làla a tée kwɔ́ɔ í.»


Mii a mii kùlobariw yaʔa wi pye nyɛ̀ʔɛni na, woro í pye joogaanni fɛ̀ɛ, joogaanni li nyɛ lè mii ní tári wòolo nínge ni.


A córogwɔɔ i nyɛ lé wi sùlasiibèle kabiya na? Wìí wi nyɛ wi gbɛ̀ɛ́nmi o yirigi wi ma í?


Wéle, yégi tiimaa o nyín í, ŋɔripiigèle ga mùnu wi nyɛnɛ na í,


Ki n yɛlɛ ki nyìnwirimi ŋɔ́ripiigéle í pye yébilimɛ, kaa gbɛ̀ɛ́nmi sige, pi si a kɔ́ pan í, ki a kɔ́ nyǐnjerigi nyaa í.


Mɔ kajoo-mí-cerigèle báriga ni yáriri myɛ nyɛ beè níjanʔa, níì cán yafaanri myɛ i nyɛ mɔ fáliw na.


Yaa wi sòoló, cángi ní yégi! Yaa wi sòoló, yele ŋɔripiigèle myɛ ye nyín lè!


Wi n di sámaga n télege di kòro nya làla o làla bàngwɔɔ. Wi n làlwa télege, wee wi lè wi a kálagi í.


Aleluya! Yaa Kolocɔlɔɔ kpɔ̀ʔɔrɔ́ wi tɛɛcǎngi ni! Yaa wi kpɔ̀ʔɔrɔ́ wi séew tɛ́ʔɛ ni, nyɛ̀ʔɛni ni!


Yaa ŋúnugo ŋúu yaa maa ní tàmábèle kɔ̀nʔɔrɔ ní, n fàra kɔ̀rítàánw ní dǎngbogèle na!


Ye nyapiigèle yìrige yaa wéle ǹjoʔo ma! Wìí wi yáriri bee sámaga, kapye wee wi ŋɔripiigèle sámaga n taani keyɛɛ na lè woro ban í? Wi i ke myɛ nibin nibin yiri ke mɛ́ɛyi na. Wi fàngbɔɔgi, ní wi séekpɔɔw báriga ni, yafyɛn o fɔ̀ngí ge ni í.


Yawe wi syɛ́ɛnri naa joo níì jo: «Yele a kɔ́ ra syɛɛnfeleyi tánʔaganma tɛ́ɛlɛ í, yele a kɔ́ nyɛ̀ʔɛni fɛ̀ɛbēle yaʔa be fyáakpɔɔrɔ wáa yele na í, níì cán pe i fyáakpɔɔrɔ wáa syɛɛnfeleyi na.


Yawe wi syɛ́ɛnri naa joo, woro wee wi cángi télege lè kaa gbɛ̀ɛnmɛ yirigi cángi làla ni, n wɔ́ɔ̀ yégi ní ŋɔripiigèle télege kaa gbɛ̀ɛnmɛ yirigi yébiligi làla ni, woro wi sólomi lɔ̀ʔɔ tugu ni yìrigí, ni gi kùnguruyi kàfulogo kpéʔele, woro wee mɛ́ʔɛ gi nyɛ lè Yawe wi lè Nyɛ̀ʔɛni Sùlasiibéle Kafɔlɔ,


«Yawe wi syɛ́ɛnri naa joo níì jo: ‹Joogaanni li nyɛ mii ní cángi nínge ni lè, kapye yele a gbǎn li sàa, ní joogaanni li nyɛ mii ní yébiligi nínge ni lè, bi loro sàa jàngó ki a ní kɔ́ pye canʔa ní yébilige ti lǎli ni í,


Yawe wi syɛ́ɛnri naa joo níì jo: ‹Kapye mii da mii joogaanni kpéʔele ní cángi, ní yébiligi ní í, kapye mii da nyɛ̀ʔɛgèle ní tári làlwabéle télege í,


«Kàfɔw Yawe wi syɛ́ɛnri naa joo níì jo: ‹Fungo ma kadàali kpàánweele li nyɛ canʔafolomɔ kabangi na lè, li a kòro wodɔnnɔ ní fáliw canya kɔrɔni fúngo ni, kàjáa li a múgu cândɛnɛgi canʔa na, si wɔ́ɔ múgu yevɔngi na.


Yevɔngi canʔa na, wi a tɛɛlɛ fun náapebile nibin, ní bàpiigéle kɔrɔni, ní bàpɔlɔ nibin wòlo sáriga di pye tɛɛlɛ fun wóro.


Tári i cɛ̀lɛ́ pe yɛʔɛ̀ ma, a nyɛ̀ʔɛni cúngo, cángi, ní yégi i kàragí yébilimɛ, ŋɔripiigèle gbɛ̀ɛnmɛ i kwóo ni syée.


Wee wi ŋɔrisyɔɔnw ní gòkuruw sámaga lè, ní i yébiliwɔɔli kàragí nyǐnjerige, ní i cángi làla kàragí, ki n pye yébilige, ní ní i sólomi lɔ̀ʔɔ yiri n ba ni ŋuu tári na, woro mɛ́ɛgi gi nyɛ Yawe.


Cángi bee na mii a gi yaʔa cángi í too lǎli ni ki ga tɛ́ɛn nyùngo ni lè, si tári kàriga yébiliwɔɔlɔ cânvulɛɛli làla ni,» Kàfɔw Yawe wi jo nya.


n baa yíbege kpéʔele níì jo: «Pìíwee be see lè tɔ́ɔliw ni, woro wee wi nyɛ lè Zyefubèle fànʔafɔlɔ, sán wi nyɛ? Wolo maa pye yaà canʔafolomɔ ma níì wi ŋɔripili nyaa, a wolo si pan ba wi kpɔ̀ʔɔrɔ.»


«Wɔʔɔli bee canya kàdoʔo ma, cángi a kàri yébilimɛ terire, yégi a ní fílige í, ŋɔripiigèle sáā yìrigí nyɛ̀ʔɛni na bi ba ra tuun tári na, nyɛ̀ʔɛni fàngboloyo a cúngo.


«Kàjáa wɔʔɔli bee canya kàdoʔo ma ‹cángi a kàri yébilimɛ, yégi a ní fílige í.


níì cán cángi maa kàri yébilimɛ, fàniw pe da pari lè kpɔ̀ʔɔrɔli kpaʔa fúngo ni, a wi yabi siin.


Mi wɔ́ɔ maa miyɛɛ kɔ̀rɔsíi, koro ga pye mɔ ga mɔ nyapiigèle yìrige n le nyɛ̀ʔɛni ni, níì cángi, ní yégi, ní ŋɔripiigèle nyaa, ti lè nyɛ̀ʔɛni yárira myɛw, mɔ a kɔ́ miyɛɛ yaʔa di kpɔ̀ʔɔrɔ láaw í mɔ taa mɔ í da kpùmɔnɔ́ di yɛʔɛ̀ ma í. Yawe mɔ Kolocɔlɔw n dee bee kaan nyɛ̀ʔɛni láara syɛɛnfeleye myɛ bìnɛw ma.


A Bàpili ga fɛ̀ɛ kɔrɔni wów múgu, a mii tári nyaa, a di cúngo gbanʔama, a cángi kàri wowɔʔɔ ní àmɛɛ gɔ̀nvaʔaga nyɛ lè, gee be tìin ní síiwɔɔrɔ ní lè. A yégi myɛ kàri wonyɛnʔɛ ní àmɛɛ sìsyaan nyɛ lè,


A nyɛ̀ʔɛni tundun-sicɛrɛ wóo wi búruw wìi. A Kolocɔlɔɔ fala n cángi tílaya taanri wóʔo kpúmɔn n fàra yégi tílaya taanri wóʔo, ní ŋɔripiigèle tílaya taanri wóʔo na, koro ga pye yi tílayi taanri-daanri wóyo í kàri yébilimɛ, gbɛ̀ɛnmɛ ga pye syɛ́ɛnbèle ma cángi tílaya taanri wóʔo na í, a yégi ní ŋɔripiigèle gbɛ̀ɛnmɛ tílaya taanri wóʔo wɔ́ɔ baa pye ànbée yébiligi làla ni.


A li fala n weecurugi múgu, a wírige i yirigi gi ni àmɛɛ naakpɔʔɔ wírige nyɛ lè. A weecurugi wírige fala n cángi ní nyɛ̀ʔɛni kàriga yébilimɛ.


Lean sinn:

Sanasan


Sanasan