Sélimɛ 1:11 - Cebaara Bible 2010

¹¹ A Kolocɔlɔɔ jo: «Yáriri n yɛlɛ di fìin bi tári tɔ́n. Gee bee n jo nyàági, gee ki a ra yaliire kpéʔele lè bi yɛlɛ ní di féleyi ní, ní tíiri, dee ti a ra yasanri sangi lè bi yɛlɛ ní di féleyi ní tári na, di cèégèle si pye di ni.» A gi wɔ́ɔ̀ pye nya.

Sélimɛ 1:11 Iomraidhean Croise

Sélimɛ 1:12

A tári i yáriri fíin. Gee bee n jo nyàági gi lùguzíiw kpéʔele lè n yɛlɛ ní di féleyi ní, ní tíiri di sangi lè tári na n yɛlɛ ní di féleyi ní, cèégèle si i nyɛ di ni. A Kolocɔlɔɔ gee bee myɛ nyaa a gi nyɔɔ.

Sélimɛ 1:29

A Kolocɔlɔɔ jo: «Wéle, mii n tári yaliire myɛ ní tiisanri kaan yele ma, ti nyɛ lè ní cèegēle ní, toro í pye yele yaliiri.

Sélimɛ 2:16

A Yawe Kolocɔlɔɔ syɛ́ɛnri naa joo n gbàn nǎnw ma níì wi pye: «Tíiree myɛ di nyɛ nángwɔɔw ni lè, mɔ a gbǎn ra di yasanri líi.

Sélimɛ 2:5

sìnbirigi tiipiigaa faala da kɔ́ɔ̀ fìin tári na í, nyàā faala da wɔ́ɔ kɔ́ɔ̀ fìin í. Níì cán Yawe Kolocɔlɔɔ da kɔ́ɔ̀ zàʔá cáan tári na í. Syɔɔn da wɔ́ɔ̀ pye yaà bàā tári fála í.

Sélimɛ 2:9

Tiige o tiige gi nyɔɔ lè, ki yasanri si wɔ́ɔ i nyɛ lìijànna, a Yawe Kolocɔlɔɔ dee bee féleye myɛ yaʔa a di fìin n yiri tári na. Sìíw tíige maa wɔ́ɔ̀ pye nángwɔɔw nínge ni n fàra kacànna ní kapeele cánna tíige na.

Zyɔbi 28:5

Tári ni yaliiri taagi lè, ti n nyáʔami di tɛɛcùruyi ni náagi báriga ni.

Ŋúnuyi 1:3

Wi i nyɛ àmɛɛ tiige nyɛ, gee be cɔ́rɔ lókologo nyɔ́ɔ na lè, ki i sangi ki làrizanni ni, ki wári si wɔ́ɔ o fánagi í, keele o keele wi kpéʔele lè, li i nyɔɔgi.

Ŋúnuyi 147:8

Woro wi fàfaanyi téeri ni nyɛ̀ʔɛni tɔ́ngi, woro wi zěgi sámagi tári ma, woro wi nyàági fíin nyanbeleyi na.

Ezayi 61:11

Níì cán àmɛɛ tári di yafiinri fíin ni yirigi lè, ní àmɛɛ nángwɔɔ wi lùguri fíin ni yirigi lè, kánmi bee na Kàfɔw Yawe a sínni, ní sòololi fìin bi yirige tári syɛɛnfeleye myɛ nyɛ́nɛ na.

Zyeremii 17:8

Wi i nyɛ àmɛɛ tiige nyɛ, gee be cɔ́rɔ lɔ̀ʔɔ nyɔ́ɔ na lè, á gi nǐnri kári n sáà nan lǒgi tɛɛ̀foozɔ̀lɔgɔ na. Káfugi gi maa lè, ki o gi nyaagi í, á gi wári kòro wobirire ní. Wáami yɛ́ɛlɛ na, ki fúngi o curugu í, ki i sangi sìnyére ni.»

Matye 3:10

Ye wéle, pe n kpánagi tɛ́ʔɛ n kwɔ́ɔ tíiyi taana. Koro na tiige o tiige gi lè ki o yasanjanra sangi í, pe a gi kpúmɔn wáa náagi ni.

Matye 6:30

Amɛɛ si Kolocɔlɔɔ sìnbirigi nyàā sámagi kánmi naa na lè, gee gi nyɛ lè gee níjanʔa, nyɛ̀ʔɛna pé gi le náagi ni, wi a yele sámaga bi sɔ̀lɔ koro na ì? Yele tágali n cɛ́rɛ.

Mariki 4:28

Tári si di yaliiri kaan di i fíin, ní i tɔnɔgi bi ba puru, koro kàdoʔo ma ti n pye yaliire.

1 Korɛnti ye 15:38

Kolocɔlɔɔ si wi di fíinyi kaangi di ma ni yɛlɛgi ní wi kínidɛnɛgi ní, ànbée wi yaliiri pìifalida myɛ nibin nibin fíinye kaangi di ma ni yɛlɛgi ní di féleyi ní.

Heburubèle 6:7

Zěgi ga ni tuun làrigēle saʔa ni tári na ti i gi gbo, á di fálafɔbèle si i yaliire taagi di ni, Kolocɔlɔɔ n ni dùbaw kpéʔele tári bee na.

Zyaki 3:12

Ni senyɛ̀nnɛ, a děsyaantiige a gbǎn olivye tíige yasanra san lé? Ba ɛrɛzɛn tírige a gbǎn děsyanʔa san lé? Lòtanʔa a wɔ́ɔ gbǎn taa solomɔ lɔ́ʔɔ ni í.