Sélimɛ 1:1 - Cebaara Bible 2010

¹ Làrizelili ni Kolocɔlɔɔ maa nyɛ̀ʔɛni ní tári yirige.

Sélimɛ 1:1 Iomraidhean Croise

2 Fànʔafɔbèle 19:15

A Ezekyasi nyɛ́ɛrigi naa nyɛ́ɛri Yawe yɛ́ʔɛ ma níì jo: «Ee Yawe, Isirayɛli ye Kolocɔlɔw, mɔ wi lè wodɛ́ɛɔn ní syerubɛnbèle ǹjoʔo ni, mɔ nibin wi nyɛ tári fànya myɛ Kolocɔlɔɔ. Mɔ wi nyɛ̀ʔɛni ní tári kpéʔele.

1 Cányi kèlē 16:26

Níì cán syɛɛnfeleyi kolocɔlɔbèlē myɛ i nyɛ kolocɔlɔ-fáanabéle, kàjáa Yawe wi nyɛ̀ʔɛgèle faan.

2 Cányi kèlē 2:11

A Hurami níì jo: «Yawe Isirayɛli ye Kolocɔlɔw wi nyɛ̀ʔɛni ní tári faan lè, wi n yɛlɛ waa wi kpɔ̀ʔɔrɔ́, níì cán wi n cánna pya kaan fànʔafɔw Davidi ma, wee wi nyɛ lè kɔ̀rɔsíi pyà, ní pìisicilio. Woro wi a kpaʔa faan Yawe ma, si wɔ́ɔ fànʔafɔ-gbaʔa faan wiyɛɛ ma.

Nehemii 9:6

Mɔ nibin wi nyɛ Yawe. Mɔ wi nyɛ̀ʔɛgèle sámaga, nyɛ̀ʔɛgèle myɛ ǹjoʔo ma nyɛ̀ʔɛgēle, ní ge yáriri myɛw, ní tári, ní yáriree myɛ di nyɛ di na lè, ní sólomi lòyo, ní yáriree myɛ di nyɛ yi ni lè. Mɔ wi sìíw kaangi toro myɛw ma. Nyɛ̀ʔɛni yárira myɛ i tíri ni tuun mɔ yɛ́ʔɛ ma.

Zyɔbi 26:13

Wi nyɔ́ɔgi káfalaga n nyɛ̀ʔɛni pɛ́ɛ, wàbigi gi fé lè, wi kɔ́gi n gi fùru.

Zyɔbi 38:4

«Lǎli ni mii da tári kàpɔɔn le lè, san mɔ da pye? Ki joo mii ma, kapye mɔ sícilimi a gbǎn gi cán.

Zyɔbi 9:8

Woro nibin wi nyɛ̀ʔɛgèle caragi, ní i táanri sólomi lɔ̀ʔɔ ǹjoʔo ni.

Ŋúnuyi 102:25

Mii n jo: «Mii Kolocɔlɔw, mɔ a kɔ́ mii láa yirige mii sìíw canya nínge ni í, mɔ wee sìi yɛ̀ʔɛlɛ ke a kòro lè bàā syée nya yìrigèle myɛ syɛ̀ɛnnɛ ma!»

Ŋúnuyi 104:24

Ee Yawe, mɔ kakpéʔelegèle n tɔ̀nɔ n nɛʔɛ! Mɔ n gele bee myɛ kpéʔele ní sícilimɛ ní. Tári n nyìn mɔ yakpéʔeleri na.

Ŋúnuyi 104:30

Mɔ i mɔ pili tórogi, ti n faan, mɔ i tári yɛ́ʔɛ kàragí wovɔngɔ ní.

Ŋúnuyi 115:15

Yawe í dùbaw taʔa yele na, woro wee wi nyɛ̀ʔɛni ní tári faan lè.

Ŋúnuyi 121:2

Yawe má mii dɛ̀ɛmɛni a yìri, woro wee wi nyɛ̀ʔɛni ní tári faan lè.

Ŋúnuyi 124:8

Yawe mɛ́ɛgi gi wolo dɛ̀ɛmɛ́, woro wee wi nyɛ̀ʔɛni ní tári faan lè.

Ŋúnuyi 134:3

Yawe wi nyɛ̀ʔɛni ní tári faan lè, ki n yɛlɛ woro í dùba taʔa mɔ na, wee wi a yìri Siyɔn ma lè!

Ŋúnuyi 136:5

Woro wee wi nyɛ̀ʔɛni kpéʔele ní sícilimɛ ní lè, níì cán wi funjǎngi a tée kwɔ́ɔ í!

Ŋúnuyi 146:6

Wee wi nyɛ̀ʔɛni ní tári faan lè, ní sólomi lɔ̀ʔɔ, n fàra di fúnyi yárira myɛ na, wi n kányɛɛgi sámaga n màra làla o làla.

Ŋúnuyi 33:6

Nyɛ̀ʔɛgèle n sámaga Yawe syɛ́ɛnri báriga ni, ke ŋɔripiigèle myɛ n sámaga wi nyɔ́ɔgi káfalaga báriga ni.

Ŋúnuyi 33:9

Níì cán wi n joo, a gi wɔ́ɔ̀ pye nya. Wi n joo n gbàn, a gi wɔ́ɔ̀ foro nya.

Ŋúnuyi 8:3

Mɔ n mɔ fangi télege pìíbèle ní yireŋɔribèle nyɔ́ɔyɔ báriga ni, mɔ kasiitun-nyɛ́nbèle kéele na, koro ga pye bi nigoow ní gɔ̀lɔ́-wòlow nyɔ́ɔ tɔ́n.

Ŋúnuyi 8:4

Mii ga nyɛ̀ʔɛgèle wéle, ke lè mɔ kɔ́gi fáli, n fàra yégi ní ŋɔripiigèle na mɔ sámaga lè,

Ŋúnuyi 90:2

Sáni nyanbeleyi í see lè, n tári ní dulunyanw yaʔa mɔ da kɔ́ɔ̀ di sámaga í, nlaa yaà làrigèle myɛ ni kwɔ́ɔmɔ fun, mɔ wi nyɛ Kolocɔlɔɔ.

Ŋúnuyi 96:5

Níì cán syɛɛnfeleyi kolocɔlɔbèlē myɛ i nyɛ kolocɔlɔ-fáanabéle, kàjáa Yawe wi nyɛ̀ʔɛgèle faan.

Yirile 20:11

Níì cán canya kɔrɔni fúngo ni mii Yawe nyɛ̀ʔɛni ní tári, ní sólomi lɔ̀ʔɔ, ní di fúnyi yárira myɛ sámaga, níì ŋɔ́n n daa canya kɔrɔsiin wógi na. Gee bee na Yawe dùbaw taʔa can-kɔrɔsiin wógi na, níì gi sámaga n yaʔa kɔlɔ̀ na.

Yirile 31:18

Lǎli ni Yawe joo n kwɔ́ɔ ní Mowizi ní lè Sinayii nyanbelegi na, a wi Séeraw kàlagorigēle siin kaan wi ma, kàdɛnɛyɛ kàlagorigèle gele na Kolocɔlɔɔ da sɛ́bɛri sɛ́bɛ ní wi tiimaa kabeli ní lè.

Kàseegèle 16:4

Nyùngo i nyɛ Yawe ma wi yakpéʔeleri myɛ na, àlí syɛɛnpeew i nyɛ wɔʔɔgi canʔa kánma na.

Kàseegèle 3:19

Ní sícilimɛ ní Yawe tári kàpɔɔn le, ní cánna ní wi nyɛ̀ʔɛgèle sámaga n yérige.

Syɛɛnjóow 12:1

Da sɔ̀ngí maa taagi mɔ Faanfɔw na mɔ cárimi canya ni, sáni canbeeyi í da maa lè, yɛ́ɛgèle si nan, gele ni mɔ a ra gi nyuu lè si jo: «Mii yanidaanmaga ní o nyɛ ge ni í,»

Ezayi 37:16

«Ee Yawe, mɔ wi lè Nyɛ̀ʔɛni Sùlasiibéle Kafɔlɔ, Isirayɛli ye Kolocɔlɔw, mɔ wee wi lè wodɛ́ɛɔn ní syerubɛnbèle ǹjoʔo ni, mɔ nibin wi nyɛ tári fànya myɛ Kolocɔlɔɔ. Mɔ wi nyɛ̀ʔɛni ní tári kpéʔele.

Ezayi 40:21

Yele ga gi cán ì? Yele ga kɔ́ɔ̀ gi lóʔo ì? Ki ga kɔ́ɔ̀ joo yele ma nlaa yaà sélimi na ì? Yele ga kɔ́ɔ̀ tári kàpɔɔn tɛ́ɛnganma kéele cán ì?

Ezayi 40:26

Ye nyapiigèle yìrige yaa wéle ǹjoʔo ma! Wìí wi yáriri bee sámaga, kapye wee wi ŋɔripiigèle sámaga n taani keyɛɛ na lè woro ban í? Wi i ke myɛ nibin nibin yiri ke mɛ́ɛyi na. Wi fàngbɔɔgi, ní wi séekpɔɔw báriga ni, yafyɛn o fɔ̀ngí ge ni í.

Ezayi 40:28

Mɔ ga gi cán ì? Mɔ ga kɔ́ɔ̀ gi lóʔo ì? Bàngwɔɔ Kolocɔlɔw wi lè Yawe, woro wi tári láʔagéle myɛ kúun. Wi o fɔ̀rɔgí í, wi bárigaw o kwóo í. Wi sícilimi i nyɛ tɛɛ̀laʔala fun.

Ezayi 42:5

Kolocɔlɔɔ wi lè Yawe, woro wee wi nyɛ̀ʔɛgèle sámaga lè níì ge càli, níì tári cariga n fàra yáriri na di yirigi di ni lè, ní i ŋɔ́ngari kaangi bele ma be nyɛ wodɛ́ɛnbéle ní di ni lè, ní i pìígèle nii bele ni be di fé ni forogi lè, woro wi jo:

Ezayi 44:24

Yawe wi syɛ́ɛnri naa joo, woro wee wi nyɛ lè mɔ Nyunzyɔɔw, woro wee wi da mɔ sámaga yaà sáni pe mɔ see lè, wi n jo: «Mii Yawe, mii wi yáriri myɛ kpéʔele. Mii nibin wi nyɛ̀ʔɛgèle càli ǹjogi ni, mii wi tári sámaga n yérige.

Ezayi 45:18

Níì cán Yawe wi syɛ́ɛnri naa joo, woro wee wi nyɛ̀ʔɛgèle sámaga lè, woro wee wi nyɛ lè Kolocɔlɔɔ nibin, wee wi tári sámaga lè n di yirige, níì di sámaga n yérige. Wi ga di faan níì di yaʔa wowaara ní í. Kàjáa wi n di sámaga koro ga pye syɛ̀ɛnnɛ í tɛ́ɛn di ni, wi n jo: «Mii wi nyɛ Yawe, wàa ní o yaà n fàra mii na í.

Ezayi 51:13

A mɔ si fɛ̀ʔɛ Yawe na woro wee wi mɔ sámaga lè, woro wee wi nyɛ̀ʔɛgèle càli ǹjogi ni lè, níì tári kàpɔɔn le! Mɔ si ga láʔa cɛ̀lɛli na syɛɛnwɔʔɔw fundanʔagbɔɔrɔ yɛ́ʔɛ ma í, àmɛɛ wi wiyɛɛ zámagi bi gàlagí kpéʔele lè! Koro na sán si syɛɛnwɔʔɔw fundanʔagbɔɔrɔ nyɛ tɔ́ɔliw ni?

Ezayi 51:16

Mii n mii syɛ́ɛnri le mɔ nyɔ́ɔgi ni, níì mii kɔ́gi nyínmɛ tɛ́ʔɛ n mɔ tɔ́n, níì nyɛ̀ʔɛni càli ǹjogi ni, níì tári kapɔɔn le, níì Siyɔn pye: «Yele i nyɛ mii syɛ̀ɛnnɛ!»

Ezayi 65:17

«Níì cán mii a nyɛ̀ʔɛvɔngéle ní táfɔnrɔ sámaga. Syɔɔn a ní sɔ̀ngí taa sélimi kasɔ̀lɔgwɔɔgéle na í, ke sɔ̀ngurɔ a ní tìgi syɔɔn fúngo ni í.

Zyeremii 10:12

Wi n tári sámaga wi séew báriga ni, wi n dulunyanw kàpɔɔn le wi sícilimi báriga ni, wi n nyɛ̀ʔɛgèle yérige ǹjogi ni wi kacánni báriga ni.

Zyeremii 32:17

‹Ee Kàfɔw Yawe, mɔ wi nyɛ̀ʔɛgèle ní tári sámaga mɔ séekpɔɔw, ní mɔ kɔ́gi sánʔana báriga ni, yarigaa faala ga mɔ jáa í.

Zyeremii 51:15

Wi n tári sámaga wi séew báriga ni, wi n dulunyanw kàpɔɔn le wi sícilimi báriga ni. Wi n nyɛ̀ʔɛgèle yérige ǹjogi ni wi cánni báriga ni.

Zakarii 12:1

Joogbanna, Yawe syɛ́ɛnri Isirayɛli kéeli na. Yawe wi nyɛ̀ʔɛgèle yérige ǹjogi ni lè, níì tári kàpɔɔn le, ní wɔ́ɔ̀ syɔɔn pili sámaga wi ni lè, wi n jo:

Matye 11:25

Lǎli bee ni a Zyezu fala n gi joo níì jo: «Mii i bariga kaangi mɔ ma, Abaa, mɔ wi lè nyɛ̀ʔɛni ní tári Kàfɔlɔ, níì cán mɔ n kérigèle naa làriga sícilibèle ní kacánbèle na, níì ge tɛ̀ɛn pìíbèle na.

Mariki 13:19

Níì cán cányi bee a ba pye wɔʔɔgɔ canya, nlaa Kolocɔlɔɔ dulunyanw kpéʔele lè n baa nan níjanʔa na, wɔʔɔgi bee félege ga kɔ́ɔ̀ kpéʔele í, gi félegi si a ní wɔ́ɔ kpéʔele gee bee kàdoʔo ma í.

Kapyegèle 14:15

níì jo: «A syɛ̀ɛnnɛ, nyàʔá na yele gee naa kpéʔele? Wolo wɔ́ɔ i nyɛ syɛ̀ɛnnɛ àmɛɛ yele nyɛ lè, wolo n pan ba Syɛɛnjóocǎnri joo yele ma koro ga pye yele í láʔa tɔ̀nɔ fun kérigèle naa na, si kàri Kolocɔlɔɔ woweew ma, woro wee wi nyɛ̀ʔɛni faan lè, n fàra tári, ní sólomi lɔ̀ʔɔ, ní di fúnyi yárira myɛ na.

Kapyegèle 17:24

Kolocɔlɔwee wi dulunyanw ní wi fúngi yárira myɛ faan lè, wi lè nyɛ̀ʔɛni ní tári Kàfɔlɔ, wi o tɛ̀ɛ́n kpɔ̀ʔɔrɔlɔ kpáayi ni yee syɛ́ɛnbèle faanri lè ní be kɔ́yi ní í.

Kapyegèle 4:24

Amɛɛ be gi lóʔo lè, a pe myɛ pínɛ n nyɛ́ɛri Kolocɔlɔɔ ma ní fungo nibin ní níì jo: «Kàfɔgbɔɔw, mɔ wee wi nyɛ lè nyɛ̀ʔɛni, ní tári, ní sólomi lòkpɔʔɔ, ní di fúnyi yárira myɛ faanfɔlɔ,

Wɔrɔmi ye 11:36

Níì cán woro má yáriri myɛ yìri, ti myɛ i nyɛ wi bárigaw ni, ti myɛ i nyɛ wi worò. Woro na nìjangbɔɔri yɛlɛ làla o làla. Amiina!

1 Korɛnti ye 8:6

koro ní ki myɛ ní wolo má, Kolocɔlɔɔ i nyɛ nibin, woro wi nyɛ wolo Tóow, woro wee má yáriri myɛ yìri lè, wolo i nyɛ woro wòolo, Kàfɔw wɔ́ɔ i nyɛ nibin, woro wi nyɛ Zyezu Kirisi, woro wee báriga ni yáriri myɛ nyɛ lè n fàra wolo myɛ na.

Efɛzi ye 3:9

mii si wɔ́ɔ ra kalarali fáli kpéʔele bi li yirige gbɛ̀ɛ́nmi na, Kolocɔlɔwee wi yáriri myɛ faan lè, wi maa kalarali bee làriga wi fúngi ni nlaa yaà làridɔɔnnɔ ni,

Heburubèle 1:10

Ní níì jo: «Kàfɔw, mɔ wi tári kpéʔele làrizelili ni. Nyɛ̀ʔɛni ní li yáriri i nyɛ mɔ kɔ́yi yakpéʔelere.

Heburubèle 1:2

kàjáa wi n baa joo wolo ma wi jáaw ni cányi naa ni yi lè canzanyi. Woro bárigaw ni Kolocɔlɔɔ dulunyanw kpéʔele, níì wi télege wi pye yáriri myɛ kɔriliio.

Heburubèle 11:3

Tágali báriga ni wolo gi cán ncan Kolocɔlɔɔ n dulunyanw sámaga wi nyɔɔsyɛɛnri báriga ni, kánmi bee na yáriree wolo nyaagi lè, yanyaara ban wi tɛ́ʔɛ n di sámaga í.

Heburubèle 3:4

Níì cán kpaʔa o kpaʔa mɔ nyaa lè, syɔɔn wi gi faan. Kàjáa wee si wi yáriri myɛ faan lè, woro wi nyɛ Kolocɔlɔɔ.

2 Pyɛri 3:5

Ncan bele bee n peyɛɛ dɔri, níì kòro kéeli naa sìnjánma ni, loro li nyɛ ncan Kolocɔlɔɔ syɛ́ɛnri báriga ni nyɛ̀ʔɛgèle ní tári téè pye yaà nlaa yaà làridɔɔnnɔ ni, a wi tári yirige lǒgi ni, a di tiyɛɛ fàan n cò lǒgi báriga ni.

1 Zyan 1:1

Sìíw syɛ́ɛnrɛ ti da téè pye yaà lè nlaa gi sélimi na, wolo n baa di lóʔo, ní wɔ́ɔ̀ di nyaa ní wolo nyapiigèle ní, níì di sámaga n wéle, á wolo kɔ́yi wɔ́ɔ̀ tánga di na,

Tɛ̀ɛnnɛ 10:6

níì kàli wee na wi nyɛ lè sìi na làla o làla kwɔ́ɔmɔ fun, ní si i nyɛ nyɛ̀ʔɛni ní li yáriri myɛ kpéʔelefɔlɔ, n fàra tári, ní di yáriri myɛ, ní sólomi lɔ̀ʔɔ, ní gi fúngi yárira myɛ na, wi n kàli níì jo: «Ki a ní mɔn í.

Tɛ̀ɛnnɛ 14:7

A wi i gi nyuu ni yákpoli wáa níì jo: «Yaa fɛ̀ɛgí Kolocɔlɔɔ na, yáā wi mɛ́ɛgi kpɔ́ʔɔgi, ncan wi kútiiw làrijerile n nan. Yaa wi kpɔ̀ʔɔrɔ́ woro wee wi nyɛ̀ʔɛni, ní tári, ní sólomi lɔ̀ʔɔ, ní lǒgi púloweegéle kpéʔele lè.»

Tɛ̀ɛnnɛ 21:6

A wi níì mii pye: «Ki n kpéʔele! Mii wi nyɛ Alifa ní Omega, gi Sélimi ní gi Kwɔ́ɔmi. Lògbaʔa ga wee jáa lè, mii a wi kaan wi gbaa sìíw lɔ́ʔɔ pùnweele ni kawaʔa na.

Tɛ̀ɛnnɛ 22:13

Mii wi nyɛ Alifa ní Omega, Yɛɛ̀kiniw ní Kàdotɔnw, Sélimi ní Kwɔ́ɔmi.

Tɛ̀ɛnnɛ 3:14

«Dee naa sɛ́bɛ mi tórigo Lawodise Egiliziw tunduɔn ma, mí wi pye: ‹Wee be yiri lè Amiina, wi lè séerafɔjǎnw, woro wee wi nyɛ lè wodelew, ní i nyɛ Kolocɔlɔɔ yakpéʔeleri myɛ sélifɔlɔ, woro wi kérigèle naa joo níì jo:

Tɛ̀ɛnnɛ 4:11

«Nìjangbɔɔri, ní kpɔ̀ʔɔrɔli, ní séew n yɛlɛ mɔ na, mɔ wi nyɛ lè wolo Kàfɔw ní wolo Kolocɔlɔw, níì cán mɔ wi yáriri myɛ faan, ki i nyɛ mɔ nyɛ́nɛ kéele di pye beè, mɔ n di faan n yɛlɛ ní mɔ nyɛ́nɛ kéeli ní.»