Wɔrɔmi ye 9:5 - Cebaara Bible 2010

⁵ Booma tofɔlɛɛbèle wɔ́ɔ i nyɛ be wòolo, poro ni Kirisi wɔ́ɔ̀ yiri céri kàbaan na, woro wee wi lè yáriri myɛ nyúngo na ní i nyɛ Kolocɔlɔɔ, wee má dùbaw nyɛ lè làrigèle myɛ ni. Amiina!

Wɔrɔmi ye 9:5 Iomraidhean Croise

Sélimɛ 12:3

Bele pe ga ni dùba kpéʔele mɔ ma lè, mii a dùbaw taʔa bele bee na. Bele si pe ga ni mɔ dángi lè, mii a wɔ́ɔ bele bee dánga. Mɔ ni tári narigbaaya myɛ a ba dùbaw taa.»

Sélimɛ 49:10

Fǎngi kàgbeele a tée yiri Zyuda narigi ni í. Kùndigiri sàbinnɛ a wɔ́ɔ yiri wi tɔ́lɔyi lariga ni í. Fwɔɔ bi taa li Kàfɔw í pan. Woro wee má syɛɛnfeleyi a ba yiyɛɛ gaan lè.

1 Fànʔafɔbèle 1:36

Benayahu wi lè Yehoyada jáaw, a woro fànʔafɔw yari: «Amiina! Ni kàfɔlɔ mɔ wi lè fànʔafɔw, Yawe wi lè mɔ Kolocɔlɔw, ki n yɛlɛ woro í gi kpéʔele kánmi bee na.

1 Cányi kèlē 16:36

Yawe Isirayɛli Kolocɔlɔw n yɛlɛ waa wi kpɔ̀ʔɔrɔ́ làrigèle myɛ ni kwɔ́ɔmɔ fun. Syɛ́ɛnbèle myɛ n yɛlɛ be jo: «Amiina! Aleluya.»

Ŋúnuyi 103:19

Yawe n wi fàngoli sámaga n télege nyɛ̀ʔɛni na, wi fǎngi i nyɛ yáriri myɛ nyúngo na.

Ŋúnuyi 106:48

Yawe Isirayɛli Kolocɔlɔw n yɛlɛ waa wi kpɔ̀ʔɔrɔ́ làrigèle myɛ ni, kwɔ́ɔmɔ fun! Syɛ́ɛnbèle myɛ n yɛlɛ be jo: «Amiina!» Aleluya!

Ŋúnuyi 41:13

Mɔ si n tɔ̀nɔ n mii tɔʔɔ n yérige mii sínvoroli ni, mɔ n mii tɛ́ʔɛ mii í kòro mɔ yɛ́ʔɛ ma làla o làla.

Ŋúnuyi 45:6

Pe n mɔ ŋáayi fìrige, syɛɛnfeleyi a ra tuun mɔ láari ni. Yi a ra jǐn fànʔafɔw nigoolo zɔnbéle ni.

Ŋúnuyi 72:19

Wi nìjangbɔɔri mɛ́ʔɛ n yɛlɛ ní kpɔ̀ʔɔrɔlɔ ní làla o làla! Tári myɛ n yɛlɛ bi nyìn wi nìjangbɔɔri na! Amiina! Amiina!

Ŋúnuyi 89:52

Ee Yawe, mɔ nigoobèle be faʔari kpéʔele, pe i mɔ wonyɛnɛ-wòlow nyɔ̌nlaagéle faari.

Ezayi 11:1

Káganbile a folo bi yiri Izayi tiinyungi na, tiifiinvɔ́ngɔ i yirigi ki nǐnri na.

Ezayi 7:14

Gee bee na Kàfɔw tiimaa a fɛ̀ɛ kaan yele ma: Wéle, pìcaaw a fícɛnnɛ taa, wi a pyà see nàɔn, si wi mɛ́ɛgi le paa wi yiri Emanuwɛli.

Zyeremii 28:6

Kanyaajoow Zyeremii n jo: «Amiina! Ki n yɛlɛ Yawe í gi kpéʔele nya! Ki n yɛlɛ Yawe í syɛ́ɛnri foro, dee mɔ nyaa n joo lè, si Yawe kpáagi yayigelere yaʔa di yìri yaà Babilɔni ma bi lúru pan tɛ́ɛgi naa ma, n fàra bele myɛ na be cò n kári lè.

Misye 5:2

Koro na wi a be wáa yaʔa fwɔɔ bi taa ba nan lǎli na, lee ni céw yɛlɛ ba pìíw see lè, wee wi yɛlɛ bi see lè, wi senyɛnnǎnbèle wozanbèlē si lúru pan Isirayɛli pìíbèle ma.

Matye 28:20

yáā be tama paa kérigèle myɛ kpéʔele gele mii joo n gbàn yele ma lè. Ye wéle, mii i nyɛ ní yele ní canʔa o canʔa bi taa sa nan gi kwɔ́ɔmi na.»

Matye 6:13

Ki ga yɛlɛ mɔ í yarigaa yaʔa gi wolo kárima bi lége kapeele ni í. Ki n yɛlɛ mɔ í wolo syɔɔ Wobeew ma. [Níì cán fǎngi, ní séew, ní nìjangbɔɔri myɛ i nyɛ mɔ wóro làla o làla. Amiina!]›

Luki 20:44

Amɛɛ si Davidi wi yeri lè Kàfɔw, mɛ̀ɛ́ wi a gbǎn ní pye wi jaà bi sɛ́ɛ?»

Zyan 10:30

Mii Tóow ní mii ní wolo i nyɛ nibin.»

Kapyegèle 20:28

Yaa yeyɛɛ kɔ̀rɔsíi, ye wɔ́ɔ yaa bǎbèle myɛ kɔ̀rɔsíi, bele yɛ́ʔɛ na Pìicǎnni yele kínige lè, jàngó yele í pye Kolocɔlɔɔ Egiliziw nàʔafɔɔlɔ, wee wi syɔɔ lè wi tiimaa sìsyaanw báriga ni.

Kapyegèle 3:13

Abirahami, ní Izaaki, ní Zyakɔbi Kolocɔlɔw wi lè wolo tóolɛɛbèle Kolocɔlɔɔ, woro wi nìjangbɔɔri taʔa wi falipyew Zyezu na, wee yele da le wi nigoobèle kɔ́yɔ ni lè, ní wɔ́ɔ̀ wi cée Pilati yɛ́ʔɛ ma, lǎli ni wi da joo wi a wi yaʔa waa syée lè.

Wɔrɔmi ye 1:25

poro bele be Kolocɔlɔɔ kányɛɛgi fàli lè jànvaaw na. Yáriree Kolocɔlɔɔ faan lè, pe n ba ni dee bee kpɔ̀ʔɔrɔ́ ní i di fáliw kpéʔele. Pe si ga fɔ̀lɔ ni di Faanfɔw kpɔ̀ʔɔrɔ́ í, woro wee wi yɛlɛ lè ní kpɔ̀ʔɔrɔli ní làla o làla. Amiina!

Wɔrɔmi ye 1:3

Syɛɛnjóocǎnri bee i wi Jáaw kéele nyuu, woro wee wi nyɛ lè Zyezu Kirisi, wi lè wolo Kàfɔw, pe n baa wi see Davidi yòdaʔayi ni céri kàbaan na,

Wɔrɔmi ye 10:12

Wàlima o nyɛ Zyefubèle ní syɛɛnfeleyi wozanya nínge ni í, níì cán Kàfɔlɔ nibin wi nyɛ pe myɛ nyúngo na, bele be wi mɛ́ɛgi yiri lè, wi i nyɛ yarigaa fɔ́lɔ bele bee myɛ kàbaan na.

Wɔrɔmi ye 11:28

Isirayɛli ye i nyɛ Kolocɔlɔɔ nígoolo Syɛɛnjóocǎnri kàbaan na yele kéeli na. Kàjáa pe i nyɛ wi syɛɛn-nidaanmabéle nyɛ́nɛ-wòloli kàbaan na pe tofɔlɛɛyi kéele na.

1 Korɛnti ye 14:16

Kapye koro ban í, mɔ ga ni Kolocɔlɔɔ kpɔ̀ʔɔrɔ́ ní mɔ pili yagana ní, syɔ́ɔnwee wi nyɛ lè yele níngi ni ki kɔ́rɔw sìnján ni, mɛ̀ɛ́ wee bee a gbǎn amiina joo bi sɛ́ɛ mɔ kpɔʔɔrɔli kéele na níì cán wi ga mɔ wojoori cán í?

2 Korɛnti ye 11:31

Kàfɔw Zyezu Kolocɔlɔw, wi lè wi Tóow, woro wee wi lè dùbanaa-bàngwɔɔw fɔ́lɔ, woro n gi cán mii o finɛ í!

Làlwaw Kaanziin 10:15

Mɔ tóolɛɛbèle yagana si na Yawe tan, a be kéeli wi dɛ́nɛ, a wi be yòdaʔayi nyɛ́nɛ n wòlo be kàdoʔo ma, yi lè yele, n yele yirige syɛɛnfeleyi myɛ nínge ni, àmɛɛ wo gi nyaa lè níjanʔa.

1 Timɔte 3:16

Kolocɔlɔɔ yɛ́ɛgi fyáara kalarala n kpɔ́ʔɔ gbanʔama, kàkabalaga o nyɛ gi ni í, wi maa wiyɛɛ dɛ̀ɛn syɔɔn, wi maa tànʔa taa Pìicǎnni báriga ni, nyɛ̀ʔɛni tundunbéle maa wi nyaa, syɛ́ɛnbèle pèle maa sa ni wi kéeli nyuu syɛɛnfeleyaa nínge ni, pèle maa tága wi na dulunyanw ni, Kolocɔlɔɔ maa wi yìrige n lúrugo ǹjogi ni nìjangbɔɔri tɛ́ʔɛ ma.

1 Timɔte 6:15

wee Kolocɔlɔɔ a ba tɛ̀ɛn lè wi làridɛɛnni ni, woro wee nibin wi nyɛ lè dùbaw, ní séew myɛ Kàfɔlɔ, ní i nyɛ fànʔafɔbèle myɛ Fànʔafɔlɔ, ní wɔ́ɔ i nyɛ kàfɔbèle myɛ Kàfɔlɔ,

2 Timɔte 2:8

Sɔ̀ngi mi taa Zyezu Kirisi na wi lè Davidi yòdaʔagi, wi n nyán n yiri kúbèle nínge ni n yɛlɛ ní Syɛɛnjóocǎnri ní mii nyuu lè,

Heburubèle 7:24

Kàjáa Zyezu i nyɛ sìi na làla o làla, koro na wi sáriga-wòlo-fáliw a gbǎn kaan wàa nikwɔɔ ma í.

1 Zyan 5:20

Wolo n wɔ́ɔ̀ gi cán Kolocɔlɔɔ Jáaw n pan n baa sícilimɛ kaan wolo ma koro ga pye wolo í Wodelew cán. Wolo i nyɛ Wodelew ni wi Jáaw Zyezu Kirisi bárigaw ni. Woro wi nyɛ Kolocɔlɔɔ wodelew, ní wɔ́ɔ i nyɛ sìibangwɔɔw.

Tɛ̀ɛnnɛ 1:18

mii wi nyɛ Woweew. Mii maa kùu, kàjáa wéle, mii ní i nyɛ sìi na làla o làla kwɔ́ɔmɔ fun. Mii má kùúw ní kúbèle tɛɛkòrogo làkilebéle nyɛ.

Tɛ̀ɛnnɛ 22:16

Mii Zyezu wi mii nyɛ̀ʔɛni tunduɔn tun jàngó wi sa kérigèle bee séera joo Egilizibèle ma. Mii wi nyɛ Davidi nǐnri, ní wi yòdaʔagi, mii wi nyɛ Nyǐndaliŋɔni, lee li nyín lè gbanʔama.»

Tɛ̀ɛnnɛ 22:20

Wee wi kérigèle naa séera kpéʔele lè, woro wi gi joo níì jo: «Ɛɛn, cɛɛri ga pye mii a pan.» «Amiina! Da maa Kàfɔw Zyezu!»

Tɛ̀ɛnnɛ 5:14

A sìi yáriyi sicɛrɛ i gi nyuu níì jo: «Amiina!» A wolɛɛbèle fala n too n pe yɛ́ɛyi cíbele ní i kpɔ̀ʔɔrɔli kpéʔele.