Wɔrɔmi ye 9:4 - Cebaara Bible 2010

⁴ Poro be nyɛ Isirayɛli syɛ́ɛnbèle, bele Kolocɔlɔɔ kpéʔele lè woro pìibēle, níì wi nìjangbɔɔri, ní wi joogaangèle* kaan be ma, n fàra wi làlwaw, ní wi kpɔ̀ʔɔrɔli, ní wi nyɔɔfaliyi na.

Wɔrɔmi ye 9:4 Iomraidhean Croise

Sélimɛ 15:18

Cángi bee na a Yawe joogaanna kpéʔele ní Abirami ní níì jo: «Mii n tári naa kaan mɔ yodaʔayi ma, nlaa yaà Ezyipiti cábigi na n kári fwɔɔ n sáà nan cábikpɔɔgi na, gi lè Ufurati.

Sélimɛ 17:10

Wéle, kánmee na yele a joogaanni cò, lee mii kpéʔele ní yele ní lè, mɔ ní mɔ yodaʔayi ní, mɔ kadoʔo ma, koro gi nyɛ, bele myɛ be nyɛ lè nǎnbèle yele níngi ni, ki n yɛlɛ be kɛ́nɛw kpéʔele.

Sélimɛ 17:2

Mii a mii joogaanni yaʔa li pye mii ní mɔ níngi ni, si tɔ̀nɔ́ mɔ kpéʔele syɛɛnnɛʔɛmɛ.»

Sélimɛ 17:7

Mii a mii joogaanni yaʔa li kòro mii ní mɔ níngi ni, si wɔ́ɔ ba kòro mii ní mɔ yodaʔayi nínge ni mɔ kadoʔo ma. Li a kòro mii ní be làrigèle myɛ syɛ̀ɛnnɛ nínge ni bàā syée yaà làla o làla. Kánmi bee na mii a pye mɔ Kolocɔlɔw, si wɔ́ɔ ba pye mɔ yodaʔayi Kolocɔlɔɔ mɔ kadoʔo ma.

Sélimɛ 32:28

A nǎnw wi pye: «Mɛ̀ɛ́ pe mɔ yiri?» A wi jo: «Pe i mii yiri Zyakɔbi.»

1 Fànʔafɔbèle 8:11

A fàfaangi gi kaan sáriga-wòlobèle ga gbàn n kòro yaà bàā fáliw kpéʔele í, níì cán Yawe nìjangbɔɔri maa baa Yawe kpáagi nyìn.

Nehemii 13:29

Ee mii Kolocɔlɔw, sɔ̀ngi mi taa be na, níì cán pe n sáriga-wòlobèle, ní Levii ye sáriga-wòlori fáli, ní joogaanni nɔ́nʔɔ.

Ŋúnuyi 147:19

Wi i wi syɛ́ɛnri tèé Zyakɔbi na, ni wi làlwaw kèlē, ní wi kajoogèle tèé Isirayɛli na.

Ŋúnuyi 63:2

Ee Kolocɔlɔɔ! Mɔ wi nyɛ mii Kolocɔlɔw, mii i mɔ caa, n mii yaʔa lɔ̀ʔɔ fun tári ni di lè wɔʔɔgi tára, mɔ kéeli i nyɛ mii fúngi ni àmɛɛ lògbaʔa syɔɔn jáa lè, mii céri i mɔ láaw pingi gbanʔama.

Ŋúnuyi 73:1

Azafi ŋúnugi. Kányɛʔɛ na, Kolocɔlɔɔ n tɔ̀nɔ n nyɔɔ Isirayɛli ye ma, bele fúnyo yi fíligi lè, wi n nyɔɔ poro ma.

Ŋúnuyi 78:61

Wi n wi séew fɛ̀ɛ le púlori ni, n wi nìjanri le wi kàsiitun-nyɛ́nw kɔ́yɔ ni.

Ŋúnuyi 89:3

Níì cán mii n jo: «Mɔ funjǎngi n báriga n kòro beè làla o làla. Mɔ n mɔ kányɛɛgi sámaga n cɔ́rɔ nyɛ̀ʔɛni na.»

Ŋúnuyi 89:34

Mii funjǎngi si a tée kwɔ́ɔ wi kàbangi na í, mii a tée fɔ̀lɔ mii kányɛɛgi í kálagi í.

Ŋúnuyi 90:16

Mɔ kapyeli tɛ̀ɛn mɔ falipyebèle na, ní mɔ nijangbɔɔri darigala be pìíbèle na!

Yirile 12:25

Táree Yawe a kaan yele ma lè n yɛlɛ ní wi syɛ́ɛnri ní, lǎli ni yele ga sáà jée di ni lè, yaa kalɛɛli bee kpéʔele.

Yirile 34:27

A Yawe gi joo Mowizi ma níì wi pye: «Ki n yɛlɛ mi syɛ́ɛnri naa sɛ́bɛ. Níì cán joogaanni mii kpéʔele ní mɔ ní Isirayɛli ye ní lè, mii n li kpéʔele n yɛlɛ ní di ní.»

Yirile 4:22

Lǎli bee ni mɔ a gi joo Faraɔnw ma si wi pye Yawe n jo: ‹Isirayɛli i nyɛ mii jáa, mii jáaseliw wii.

Yirile 40:34

Lǎli bee ni a fàfaangi tìgi n baa Syɛ́ɛnmi Tɛɛfaraga fànikpaʔa tɔ́n. A Yawe nìjangbɔɔri kpɔ̀ʔɔrɔli fànikpaʔa nyìn.

Ezayi 41:8

«Mɔ si na, Isirayɛli, mii falipyew Zyakɔbi, mɔ wee mii nyɛ́nɛ n wòlo lè, Abirahami wi lè mii tàannyɛnw, woro yòdaʔagi,

Ezayi 46:3

«Zyakɔbi kpáagi wòolo, ye lóʔo mii ma, yele bele myɛ ye kòro lè Isirayɛli kpáagi wòolo ni, yele bele mii láa lè n pye mii túgoro sáni pe yele see lè, yele bele mii láa lè mii túgoro yele canzeegi na!

Ezayi 5:2

Wi maa gi túgu n yìrige níì kàdɛnɛri láa n yirige gi ni, níì ɛrɛzɛn tíricànra cɔ́rɔ gi ni, níì kpaataʔa-tɔ́nɔgɔ faan gi níngi ni, ní caà ɛrɛzɛn lɔ́ʔɔ tɛɛnùgugo sámaga gi ni. A wi i wéle gi ma ní i sɔ̀ngí ki a ɛrɛzɛncàɔn san, kàjáa a gi yasanbeere san.

Ezayi 60:19

Cángi ban ki a ní pye mɔ má gbɛ̀ɛnmɛ cángi làla ni í, wàlá yégi ban ki a ní da gi gbɛ̀ɛ́nmi yirigi mɔ ma í. Kàjáa Yawe wi a pye mɔ gbɛɛnmi làla o làla, mɔ Kolocɔlɔw a pye mɔ gbɛɛngbɔɔmi.

Zyeremii 31:20

A Efirayimi i nyɛ lé jaafɔwaa, wee kéele li kpɔ́ʔɔ mii ma lè, pìiwaa, wee kéele li mii dɛ́nɛ lè gbanʔama? Níì cán àmɛɛ mii nyuu wi kéeli na lè, ànbée wi kéeli sɔ̀ngurɔ kpɔ́ʔɔgi mii fúngi ni. Mii fúngi yárira i cɛ̀lɛ́ mii ni wi nyɔɔmi kéele na, mii a tɔ̀nɔ́ nyinimɛ taa wi na,» Yawe wi jo nya.

Zyeremii 31:33

«Kàjáa joogaanni mii a kpéʔele ní Isirayɛli kpáagi wòolo ní lè cányi bee kàdoʔo ma, loro li nyɛ lee naa,» Yawe wi jo nya, «mii a mii làlwaw lége be fúnyi ni, mii a wi sɛ́bɛ pe zɔ̌nbèle na, ki a ní pye kàdɛnɛgɛ kàlagorigēle na í. Mii a pye be Kolocɔlɔw, pé pye mii syɛ́ɛnbèle.

Zyeremii 31:9

Pe i nyaan ni maa, mii si i maa ní be ní pe nyɛ́ɛrigboloyi nínge ni. Mii i syée ní be ní lǒyi ma yi fóo lè, kojànga ni, gee ni lè pe a gbǎn kpírige í. Níì cán mii i nyɛ Tofɔlɔ Isirayɛli ma, Efirayimi si i nyɛ mii pìiseliw.

Ezekyɛli 1:28

Amɛɛ kùlobariw kánma gáà pye fàfanʔa na lè zàʔá canʔa ni, ànbée gbɛ̀ɛ́nmi kánma da pye n wi màʔa n kpàra. Gee bee n pye Yawe nìjangbɔɔri tɛ̀ɛnnɛ. Mii gee bee nyaa lè a mii too n yɛ́ɛgi cíbele tári na. A mii wàa yákpolo lóʔo, a wi i nyuu.

Oze sɛ́bɛw 11:1

«Lǎli ni Isirayɛli pye lè wojáriɔ ní, wi kéeli maa mii dɛ́nɛ, mii n mii jáaw yeri n yirige Ezyipiti ni.

Córolo 7:89

Lǎli ni Mowizi da ni jǐn ni nyuu ní Yawe ní lè syɛ́ɛnmi tɛɛfaraga fànikpaʔa ni, wi maa ni yákpoli lúro a li i nyuu ní wi ní kapeegèle kùsulugo tɛ́ʔɛ ǹjoʔo ni ki nyɛ lè séeraw joogaanna kásu ǹjoʔo ni syerubɛnbèle siin nínge ni, a wi i nyuu ní wi ní.

Matye 21:33

«Ye ní ye kàseelaa nikwɔɔ lóʔo lee. Nànwaa maa pye kàcoolofɔlɔ, a wi ɛrɛzɛn séʔe sámaga níì gi faan n sùlu. Níì ɛrɛzɛnw yasanra tɛɛnùgugo sámaga gi ni, níì kpaatɔnɔgɔ faan yaà, níì ségi bee kàlifáa sefalabèle pèle ma páā woro lɛɛli kaangi woro ma. Níì yiri n kári kùlaa ni.

Zyan 1:17

Níì cán Mowizi wi da làlwaw kaan wo ma, á Zyezu Kirisi si baa kpɔ́ʔɔri ní kányɛɛgi kaan wo ma.

Zyan 1:47

A Zyezu ga Natanayɛli wéle n nyaa wi i maa woro ma, a wi jo: «Wee naa tɔ̀nɔ i nyɛ Isirayɛli ye syɛɛncandelewaa, ncan wi o syɔɔn fáana í.»

Kapyegèle 2:39

Níì cán Kolocɔlɔɔ maa li nyɔ́ɔgi fàli yele ní yele pìíbèle ma n fàra bele myɛ na be nyɛ lè léelige, poro bele kánma wolo Kàfɔw Kolocɔlɔɔ a yeri lè.»

Wɔrɔmi ye 3:2

Gee gi Zyefuo pɔ́rɔ n sɔ̀lɔ syɛɛnsanbèle na lè, ki n kpɔ́ʔɔ kánmi féleye myɛ na. Ki wozeligi gi nyɛ ncan Zyefubèle má Kolocɔlɔɔ da wi nyɔɔsyɛɛnri kàlifáa.

Wɔrɔmi ye 8:15

Pǐlee yele taa lè, li o nyɛ pìlaa félege, lee li a yele kàriga lè pulobèlē si yele nyìn fyáari na níìgēle í, kàjáa Pǐli yele taa lè, lee bee n yele kpéʔele Kolocɔlɔɔ pìibēle, a koro wolo kaan wolo i gi nyuu ni yákpogèle wáa níì jo: «Abaa! Wolo Tóow!»

Wɔrɔmi ye 9:6

Gee bee ga jo Kolocɔlɔɔ syɛ́ɛnri n sàa wii í. Níì cán Isirayɛli yòdaʔayi myɛ o nyɛ Isirayɛli syɛ̀ɛnnɛ kányɛʔɛ ni í.

2 Korɛnti ye 11:22

A be i nyɛ lé Heburubèle pèle? Mii wɔ́ɔ i nyɛ poro wàa. A be i nyɛ lé Isirayɛli ye wóbèle pèle? Mii wɔ́ɔ i nyɛ poro wàa. A be i nyɛ lé Abirahami yòdaʔaya? Anbée mii wɔ́ɔ̄ nyɛ.

Galasi ye 3:16

Kolocɔlɔɔ si maa wi nyɔɔfaliyi kaan Abirahami ní wi yòdaʔagi ma. Ki si da jo yòdaʔanɛʔɛyɛ kéele na í, kàjáa nibin kéele na ki da joo níì jo: «Ki a ba pye mɔ yodaʔagi ma,» yòdaʔagi bee gi nyɛ Kirisi.

Efɛzi ye 2:12

Lǎli bee ni yele da Kirisi cán í, yele lɛɛlɛ da wɔ́ɔ̀ pye Isirayɛli ye wɔ́rɔbiigèle nínge ni í, yele maa pye nibɔɔnnɔ nyɔɔfaligi joogaangéle kabaan na, níì pye dulunyanw ni sɔ̀ngumɔ tɛɛtaʔaga fun, yele da wɔ́ɔ̀ Kolocɔlɔɔ cán í.

Làlwaw Kaanziin 14:1

«Yele i nyɛ Yawe yele Kolocɔlɔw jàala. Yele a kɔ́ yele céri kɔnɔgi í, wàlá bi yele gbáagèle ǹjoʔo ma kùnu kùugo kéele na í.

Làlwaw Kaanziin 29:1

A Mowizi Isirayɛli ye myɛw yeri ní baa be pye: «Yele n gi nyaa, gee myɛ Yawe kpéʔele yele nyɛ́nɛ na lè Ezyipiti tári ni, Faraɔnw, ní wi syɛɛnkpolobèle myɛ, ní wi tári myɛ na lè,

Làlwaw Kaanziin 29:14

Kàjáa bele be naa lè wo níngi ni woyérebéle ní níjanʔa Yawe wolo Kolocɔlɔw yɛ́ʔɛ ma, ní bele be lè pe o naa woyérebéle ní í, li n wɔ́ɔ̀ kpéʔele ní bele bee ní.

Làlwaw Kaanziin 31:16

A Yawe Mowizi pye: «Wéle, mɔ wi a kùu wee, táree ni syɛ́ɛnbèle naa a jée lè, pe a yìri bàā kanɔnʔɔri kpéʔele ní kolocɔlɔ-nibɔnbèle ní. Pe a mii cée si wɔ́ɔ mii joogaanni kálagi, lee mii kpéʔele ní be ní lè.

Làlwaw Kaanziin 4:13

Wi n wi joogaanni tɛ̀ɛn yele na níì gi joo n gbàn níì jo yele í li foro, li lè wi kajoodɛɛngèle kɛɛ, a wi ge sɛ́bɛ kàdɛnɛyɛ kàlagorigēle siin na.

Làlwaw Kaanziin 7:6

Níì cán mɔ i nyɛ syɛɛnfelejànga Yawe mɔ Kolocɔlɔw ma. Yawe mɔ Kolocɔlɔw n mɔ nyɛ́nɛ n wòlo mɔ í pye woro tiimaa syɛɛnfelege syɛɛnfeleyi myɛ nínge ni, yi nyɛ lè tásaligi yɛ́ʔɛ kurugo.

Heburubèle 9:1

Kolocɔlɔɔ kpɔ̀ʔɔrɔli kajoodɛɛngēle maa pye joogaanzelili ni, n fàra tɛɛcǎngi na, gi lè dulunyanw wóʔo.

Heburubèle 9:10

Níì cán kajoogèle bee maa pye céri wòʔolo, ní i nyuu yaliiri, ní yagbaari, ní lòwelidi féleye yagana kéele na, ti n kòro beè n taa n baa nan lǎli na, lee ni Kolocɔlɔɔ yáriri myɛ sámaga a di sín lè.

Heburubèle 9:3

Fàni siin wów be tɛ́ʔɛ n kpáagi pari lè, kpaafunzangi maa pye wee bee màʔama na, pe i gi yiri Tɛɛcàndelegi.

Heburubèle 9:5

Nìjanri syerubɛnbéle maa pye kásuw ǹjoʔo ni n kapeegèle kùsulugo tɛ́ʔɛ tɔ́n. Làla a gbǎn taa tɔ́ɔliw ni bi joo kérigèle bee myɛ nibin nibin na í.

Heburubèle 9:6

Amɛɛ yáriri bee sámaga n kwɔ́ɔ lè, sáriga-wòlobèle maa ni jǐn Kolocɔlɔɔ kpɔ̀ʔɔrɔli fànikpaa-fúnzelige ni làla o làla ni fáliw kpéʔele.