Wɔrɔmi ye 9:3 - Cebaara Bible 2010

³ Ki ga maa pye bi gbǎn kpéʔele, mii mǎà dée ra caa Kolocɔlɔɔ í mii dánga mii í láʔa Kirisi na mii senyɛnbèle syɔɔlɔ kéele na, bele be lè mii felegefɔ-nyɛ́nbèle céri kàbaan na.

Wɔrɔmi ye 9:3 Iomraidhean Croise

Sélimɛ 29:14

A Laban jo: «Mɔ tɔ̀nɔ́ i nyɛ mii kacelegaa, ní mii céri tɛ́ɛgaa.» A Zyakɔbi yebogo nibin kwɔ́ɔ Laban tɛ́ɛgi ni.

Ɛsitɛri 8:6

Wɔʔɔgi ki a too mii syɛ́ɛnbèle na lè, mɛ̀ɛ́ mii a gbǎn gi nyaa si gi kpàraco? Ba mɛ̀ɛ́ mii a gbǎn mii naridulugi wòolo kwɔ́ɔ-mí-yirigele nyaa si pyèri bi sɛ́ɛ?»

Yirile 32:32

Mii si i mɔ nyɛ́ɛri mi be kùsulugi syɔɔ. Koro ga jáa mi mii mɛ́ɛgi kpóo mi yirige sìíw sɛ́bɛ ni, wee mɔ sɛ́bɛ lè.»

Kapyegèle 13:26

Ni senyɛ̀nnɛ, yele bele ye nyɛ lè Abirahami yòdaʔayi, n fàra yele bele na ye wɔ́ɔ̄ fɛ̀ɛgí lè Kolocɔlɔɔ na, ye gi cán wolo má pe da syɛ́ɛnri naa tórigo di nyɛ lè syɔɔli wóro.

Kapyegèle 22:5

Sáriga-wòlobèle kàfɔgbɔɔɔ ní wolɛɛbèle myɛ i nyɛ mii séera kéeli bee na. Alí poro má mii da caà sɛ́bɛbèle taa, bele mii a dée sa kaan wolo felegefɔ-nyɛ́nbèle ma Damasi ni lè, beè mii da ni syée lè tágafɔbèle kurugo bele be yaà lè bi sa be pwɔɔ bàā maa ní be ní Zyerusalɛmi ma koro ga pye bi ba be wɔʔɔ.»

Kapyegèle 28:21

A be wi pye: «Sɛ́bɛ faala ga yìri yaà Zyude tári ma n baa kaan wolo ma mɔ kéeli na í, senyɛnwaa faala ga wɔ́ɔ̀ pan naa n baa syɛɛnpeere joo mɔ kéeli na nɛɛ naa í.

Wɔrɔmi ye 1:3

Syɛɛnjóocǎnri bee i wi Jáaw kéele nyuu, woro wee wi nyɛ lè Zyezu Kirisi, wi lè wolo Kàfɔw, pe n baa wi see Davidi yòdaʔayi ni céri kàbaan na,

Wɔrɔmi ye 11:1

A gee bee jo lé Kolocɔlɔɔ n Isirayɛli ye cée? Eʔe dɛ! Níì cán mii tiimaa i nyɛ Isirayɛli ye wówaa, mii i nyɛ Abirahami yòdaʔagaa, ní wɔ́ɔ i nyɛ Bɛnzyamɛ ye wówaa.

Wɔrɔmi ye 11:14

koro ga pye bi kayaʔa lége mii felegefɔ-nyɛ́nbèle ni, jàngó poro pèle í taa syɔɔ.

Wɔrɔmi ye 16:11

Ye mii kpaʔa wów Herodyɔn syáanri yaà. Ye Narisiisi kpáagi wòolo syáanri, bele be nyɛ lè Kàfɔw wòolo.

Wɔrɔmi ye 16:21

Mii falipyenyɛnw Timɔte n yele syáanri, woro ní Lusyusi, ní Zyasɔn, ní Sosipatɛri be lè mii kpaʔa wóbèle.

Wɔrɔmi ye 16:7

Ye mii kpaʔa wóbèle syáanri yaà, pe nyɛ lè Anduronikusi ní Zyunyasi, pe pye lè ní mii ní kàsow ni, á pe mɛ́ɛyi tɔ̀nɔ n yiri pìitunbèle nínge ni, àlí pe n tága Kirisi na mii yɛ́ʔɛ na.

Wɔrɔmi ye 9:2

Koro gi nyɛ mii fúngi n curugo gbanʔama ní i mii yáa làrigèle myɛ ni.

1 Korɛnti ye 12:3

Gee bee na mii a gi joo fílige yele ma si yele pye syɔɔn o syɔɔn wi nyuu Kolocɔlɔɔ Pǐli báriga ni lè, wi a fɔ̀lɔ́ jo, «Zyezu n dánga» í. Wàa faala a wɔ́ɔ gbǎn jo, «Zyezu wi nyɛ Kàfɔw» í, kapye Pìicǎnni báriga ni ban í.

1 Korɛnti ye 16:22

Kàfɔw kéele ga pye li ga syɔ́ɔnwee dɛ́nɛ lè í, ki n yɛlɛ wi dánga! Maranata.

2 Korɛnti ye 12:15

Ki n mii dɛ́nɛ gbanʔama bi mii lɔ́ri kaan yele ma si wɔ́ɔ niyɛɛ gaan yele pìígèle kéele na. Amɛɛ si mii tàmaga le ní yele ní lè gbanʔama, a mii tàmagi yɛlɛ lé ki ba cɛ́rɛ yele fúnyi ni?

Galasi ye 1:8

Alí wolo wàa ga ní sáà syɛɛnjóocànraa nikwɔɔ joo yele ma dee di lè ti o nyɛ wolo wojoolɛɛri í, wàlá a nyɛ̀ʔɛni tundunwaa náa sáà di joo yoo, ki n yɛlɛ wee bee í dánga.

Galasi ye 1:9

Amɛɛ wolo da sélì gi joo lè, ànbée mii a ní gi joo taʔa tɔ́ɔliw ni, si jo, wàa faala ga ní sáà syɛɛnjóocànraa nikwɔɔ joo yele ma, n gi yaʔa ti o nyɛ dee ni yele da sélì yére lè í, ki n yɛlɛ wee bee í dánga.

Galasi ye 3:10

Bele myɛ si be peyɛɛ daʔa lè Mowizi làlwaw kapyegèlē na, dángaw i nyɛ bele bee na, níì cán ki maa sɛ́bɛ níì jo: «Kérigèle ge sɛ́bɛ làlwaw sɛ́bɛ ni lè, syɔɔn o syɔɔn wi lè wi o gele bee myɛ kpéʔele ni forogi í, wee bee n dánga.»

Galasi ye 3:13

Kirisi n baa wolo syɔɔ làlwaw dánga ma, àmɛɛ wi dángaw yaʔa a wi too woro na wolo sìndɛɛgi ni lè, níì cán ki n sɛ́bɛ níì jo: «Syɔɔn o syɔɔn be cɔ̀rɔ lè tiige na, wee bee n dánga.»

Efɛzi ye 6:5

Púlobèle, bele be nyɛ lè yele kàfɔbèle céri kàbaan na, ki n yɛlɛ yaa lúro be ma. Yaa gee bee kpéʔele ní fyáara, ní cɛ̀lɛlɛ ní, yaa lúro be ma ní funviire ní, àmɛɛ yele lúro lè Kirisi ma.

Làlwaw Kaanziin 21:23

wi kútɔw a kɔ́ syɔ́ɔn tíigi na í, kàjáa mɔ a wi tɔ́n cángi bee wonijanga. Níì cán wee be cɔ̀rɔ tiige na lè, wi i nyɛ dánga yáriga Kolocɔlɔɔ ma. Táree Yawe mɔ Kolocɔlɔw a kaan mɔ ma lè kɔrigɔ, mɔ a kɔ́ di nɔ́nʔɔ í.

1 Samyɛli 14:24

Isirayɛli nǎnbèle maa tɔ̀nɔ n cɔ̀ɔnri cángi bee. Ncan Sawuli maa syɛ́ɛnbèle kɔ́ri a be kàligi naa kàli níì jo: «Syɔ́ɔnwee wi ga lìi lè nɛɛ ní cángi tɛɛ̀kwɔɔlɔ ma fwɔɔ bi taa mii í mii gɔ̀lɔw wòlo mii nigoobèle na, ki n yɛlɛ syɔ́ɔnw bee í dánga.» Syɔɔn faala ga wɔ́ɔ̀ yaliile laala n wéle syɛ́ɛnbèle ni í.

1 Samyɛli 14:44

A Sawuli jo: «Mɔ a tɔ̀nɔ́ kùu wii, Zyonatan. Kapye koro ban í, wɔʔɔgi gi pee lè ki n yɛlɛ Kolocɔlɔɔ í koro taʔa mii na bi ní kàa fàra gi na.»