Wɔrɔmi ye 9:1 - Cebaara Bible 2010

¹ Kányɛɛgi mii nyuu Kirisi ni, mii o finɛ í, mii fúngi tiimaa i nyɛ mii séera Pìicǎnni báriga ni.

Wɔrɔmi ye 9:1 Iomraidhean Croise

Wɔrɔmi ye 1:9

Kolocɔlɔwee fáli mii kpéʔele lè ní mii fúngi myɛ ní ní i Syɛɛnjóocǎnri nyuu lè wi Jáaw kéele na, wi i nyɛ mii séera ncan mii i yele kéeli nyuu mii nyɛ́ɛriyi ni làla o làla.

Wɔrɔmi ye 2:15

Níì cán kérigèle gele Mowizi làlwaw tɛ̀ɛn lè, yi kapyegèle ga ni yɛlɛgi ní gele bee ní, gee bee i gi tèé làlwaw n sɛ́bɛ yi fúnyi ni. Yi fúnyi i nyɛ yi séera, ncan làlaa ni yi sɔ̀nguri i kolomɔ kaangi yi ma, làlaa ni ti wɔ́ɔ i tànʔa kaangi yi ma.

Wɔrɔmi ye 8:16

Pìicǎnni tiimaa li gi fíligi ni tèé wolo pìígèle na níì jo wolo i nyɛ Kolocɔlɔɔ pìibēle.

Wɔrɔmi ye 9:2

Koro gi nyɛ mii fúngi n curugo gbanʔama ní i mii yáa làrigèle myɛ ni.

2 Korɛnti ye 1:12

Gee gi nyɛ lè wolo kpɔ́ɔmi nyúngo, koro gi nyɛ àmɛɛ wolo fúnyi gi fílige n tɛ̀ɛn wolo na lè ncan wolo i táanri dulunyanw ni funjànya ní funviire na Kolocɔlɔɔ yɛ́ʔɛ ma, àlí tánʔaganmi bee na wolo da ni táanri yele níngi ni, syɔɔn sícilimɛ báriga ni ban wolo táanri í, Kolocɔlɔɔ kpɔ́ʔɔri báriga ni wolo táanri.

2 Korɛnti ye 1:23

Mii si n Kolocɔlɔɔ láa wi pye mii fúngi séera, ncan gee na mii da mii gàriw sàa lè yele Korɛnti ye ma, koro gi nyɛ jàngó ki a kɔ́ gbàn yele ma í.

2 Korɛnti ye 11:10

Kirisi kányɛɛgi gi mii ma lè, koro bárigaw ni mii jo pe a gbǎn mii yérige kpɔ́ɔmi naa joolo na Akayi tári tɛ́nɛmaa faala ni í.

2 Korɛnti ye 11:31

Kàfɔw Zyezu Kolocɔlɔw, wi lè wi Tóow, woro wee wi lè dùbanaa-bàngwɔɔw fɔ́lɔ, woro n gi cán mii o finɛ í!

2 Korɛnti ye 12:19

Nlaa yaà làridɔɔnnɔ ni yele i gi sɔ̀ngí mɔ a jo wolo i tànʔa caa yele ma. Eʔe, mii syɛɛn-nidaanmabèle, Kolocɔlɔɔ yɛ́ʔɛ ma wolo nyuu àmɛɛ wolo nyɛ lè Kirisi ni, koro myɛ si i nyɛ bi kàa taʔa yele na.

Galasi ye 1:20

Syɛ́ɛnri naa mii sɛ́bɛ lè bi tórigo yele ma, Kolocɔlɔɔ n gi cán jànvaa o nyɛ di ni í.

Filipikaʔa ye 1:8

Kolocɔlɔɔ i nyɛ mii séera ncan yele myɛ láagi i nyɛ mii na Kirisi Zyezu tàmagi ni.

1 Tesaloniki ye 2:5

Níì cán wolo da ni lɛ́ɛlɛgɛ syɛ́ɛnrɛ nyuu nyáana í àmɛɛ yele gi cán lè. Wolo da wɔ́ɔ ni kanmaa faala kpéʔele jàngó bi yarigaa nɔ̀ʔɔrɔ́ syɔɔ yele ma làrama ni í, Kolocɔlɔɔ i nyɛ gee bee séera.

1 Timɔte 1:5

Joogbanni naa nyúngo i nyɛ tàmagi, gee gi yìri lè zɔ̀njǎnw, ní funviiri, ní tágadeeli ma.

1 Timɔte 2:7

Gee bee na Kolocɔlɔɔ mii télege mii í pye wi kanyaajooo, ní wi pìituɔn mii i kányɛɛgi nyuu, mii o finɛ í, mii i nyɛ syɛɛnfeleyi wozanya tamafɔlɔ tágali, ní kányɛɛgi ni.

1 Timɔte 5:21

Mii a gi joo bi gbàn mɔ ma, Kolocɔlɔɔ ní Kirisi Zyezu, ní nyɛ̀ʔɛni tundunnyɛnɛ-wòlobēle nyɛ́nɛ na, ki n yɛlɛ mɔ í syɛ́ɛnri naa cò, ki ga yɛlɛ mɔ í kɔ́ keelaa joo ceri li sìnvilige sìnján ni í, sáā syɛ́ɛnbèle pèle yirigi pèle ni í.