Wɔrɔmi ye 8:9 - Cebaara Bible 2010

⁹ Yele si na, yele o nyɛ céri kôdanʔabéle í, fwɔɔ Pìicǎnni kôdanʔabéle àmɛɛ Kolocɔlɔɔ Pǐli tɛ́ɛn lè yele fúnyi ni. Kirisi Pǐli ga pye li o nyɛ syɔ́ɔnwee fúngo ni lè í, wee bee o nyɛ Kirisi wóo í.

Wɔrɔmi ye 8:9 Iomraidhean Croise

Ezekyɛli 11:19

Mii a fungo nibin kaan be ma, mii a pìifɔnnɔ le yele ni, mii a kàdɛnɛgi fúngo yirige be céri ni, si cere fúngo kaan be ma.

Luki 11:13

Koro na àmɛɛ yele pee lè ní sèʔê gi cán ki n yɛlɛ yele í da yacanri kaangi yele pìíbèle ma, Tofɔw wi lè nyɛ̀ʔɛni na, woro a ra Pìicǎnni kaangi wi nyɛ́ɛrifɔbèle ma bi sɔ̀lɔ yele na ì?»

Zyan 14:17

Dɛ̀ɛmɛfɔw bee wi nyɛ kányɛɛgi Pìle, lee li lè dulunyanw syɛ̀ɛnnɛ a gbǎn li taa í, níì cán pe o li nyaagi í, pe si ga wɔ́ɔ̀ li cán í. Yele si na, yele n li cán, níì cán li i nyɛ ní yele ní, li si a ba pye yele fúnyi ni.

Zyan 14:23

A Zyezu wi yari: «Syɔ́ɔnwee faala wi ga tàmaga le ní mii ní lè, wee bee a ra mii syɛ́ɛnri lúro, mii Tóow a wɔ́ɔ tàmaga le ní wee bee ní. Mii ní mii Tóow si a pan wee bee ma bi ba kòro ní wi ní.

Zyan 3:34

Wee Kolocɔlɔɔ tun lè, woro wi Kolocɔlɔɔ syɛ́ɛnri nyuu, níì cán Kolocɔlɔɔ i Pìicǎnni kaangi tɛɛ̀laʔala fun.

Zyan 3:6

Céri ga wee see lè, wee bee i nyɛ cere, Pìicǎnni ga wee see lè, wee bee i nyɛ pìle.

Kapyegèle 16:7

A pe ga nùuni Mizii tári na, a be i caa bi jée Bitinii tári ni. Kàjáa Zyezu Pǐli ga fɔ̀lɔ pe jée yaà í.

Wɔrɔmi ye 7:5

Níì cán lǎli ni wolo da pye lè céri kôdanʔabéle, Mowizi làlwaw maa ni kapeegèle láanitaʔa kele yìrigí wolo ma, ke maa ni báara wolo céri tɛ́ɛyɛ ni ní i wolo tórogi kùúw ma.

Wɔrɔmi ye 8:1

Koro na tɔ́ɔliw ni bele be nyɛ lè Kirisi Zyezu ni, bele bee wàa tɔ́lɔgɔ ní o nyɛ kálagili kútii ni í.

Wɔrɔmi ye 8:11

Wee wi Zyezu nyán n yirige kúbèle nínge ni lè, wee bee Pìle ga pye yele fúnyi ni, woro wee wi Kirisi Zyezu nyán n yirige lè kúbèle nínge ni, wi a ba yele cekuuri nyán di pye sìi na wi Pǐli báriga ni li tɛ́ɛn lè yele fúnyi ni.

Wɔrɔmi ye 8:2

Níì cán Pìicǎnni li sìíw kaangi syɔɔn ma Kirisi Zyezu ni lè, li làlwaw n mii yirige kapeebyeri ní kùúw làlwa púloro ni.

1 Korɛnti ye 15:23

Kàjáa pe myɛ a pye ní be làrigēle ní, wozeliw wi nyɛ Kirisi, koro kàdoʔo ma bele be nyɛ lè Kirisi wóbèle, ki a nan poro na wi làribanni ni.

1 Korɛnti ye 3:16

Yele ga tɔ̀ʔɔ̂ gi cán ncan yele i nyɛ Kolocɔlɔɔ kpɔ̀ʔɔrɔli kpaʔa ì? Ní wɔ́ɔ̀ gi cán ncan Kolocɔlɔɔ Pǐli n tɛ́ɛn yele fúnyi ni ì?

1 Korɛnti ye 6:17

Wee si wi tan lè Kàfɔw na, wi n pínɛ ní wi ní pìle nibin na.

1 Korɛnti ye 6:19

Yele ga wɔ́ɔ̀ gi cán ncan yele céri i nyɛ Pìicǎnni kpɔ̀ʔɔrɔlɔ kpaʔa ì lee yele taa Kolocɔlɔɔ ma lè, lee li nyɛ yele fúnyi ni lè? Ní wɔ́ɔ̀ gi cán ncan yele o nyɛ yeyɛɛ wòolo í ì?

2 Korɛnti ye 10:7

Yaa kérigèle sámagi yaa wéle kányɛʔɛ ni! Kapye wàa i wiyɛɛ jóro Kirisi wóo, ki n yɛlɛ wi gi cán bi cán àmɛɛ woro nyɛ lè Kirisi wóo, kánmi bee na wolo wɔ́ɔ̄ nyɛ Kirisi wòolo.

2 Korɛnti ye 6:16

Mɛ̀ɛ́ Kolocɔlɔɔ kpɔ̀ʔɔrɔli kpaʔa ní yasunyi a gbǎn pínɛ bi sɛ́ɛ? Níì cán wolo i nyɛ Kolocɔlɔɔ woweew kpɔ̀ʔɔrɔlɔ kpaʔa, àmɛɛ Kolocɔlɔɔ gi joo lè níì jo: «Mii a tɛ́ɛn be níngi ni, sáā nyaari ní be ní. Mii a pye be Kolocɔlɔw, poro si pye mii syɛ́ɛnbèle.»

Galasi ye 4:6

Amɛɛ si yele nyɛ lè Kolocɔlɔɔ jàala, koro na wi wi Jáaw Pìle tórigo a li baa jée wolo fúnyi ni. A li i gi nyuu ni yákpoli wáa níì jo: «Abaa! Mii Tóow!»

Galasi ye 5:24

Kirisi Zyezu wóbèle n peyɛɛ kóri tiiparigi na tɔ́ɔliw ni jàngó céri, ní di ki laànitaagi, ní di kínidɛnɛgi í kùu.

Efɛzi ye 1:13

Kánmi bee na yele wɔ́ɔ baa yele sɔ̀ngumi taʔa wi na àmɛɛ yele kányɛɛgi syɛ́ɛnrɛ lóʔo lè, ti lè yele syɔɔli syɛɛnjóocànra, lǎli ni yele tága lè wi na, a Kolocɔlɔɔ wi fɛ̀ɛ́w taʔa yele na, fɛ̀ɛ́w bee wi nyɛ Pìicǎnni, lee nyɔɔfaliga Kolocɔlɔɔ da kpéʔele lè níì jo woro a li kaan,

Efɛzi ye 2:22

Woro ni Kolocɔlɔɔ wɔ́ɔ i yele pínɛ ni faanri jàngó yele í pye Kolocɔlɔɔ tɛɛkòrogo Pìicǎnni báriga ni.

Efɛzi ye 3:17

koro ga pye Kirisi í kòro yele fúnyi ni tágali báriga ni, yele si nìnre wáa bi sámaga yére tàmagi ni.

Filipikaʔa ye 1:19

Níì cán mii n gi cán gee naa myɛ kàdoʔo a ba pye mii syɔɔli sábabu yele nyɛ́ɛrigi báriga ni n fàra Zyezu Kirisi Pǐli dɛ̀ɛmɛnɛ na.

2 Timɔte 1:14

Yacanri be kàlifáa mɔ ma lè, mi dee bee kɔn Pìicǎnni báriga ni, loro lee li tɛ́ɛn wolo fúnyi ni lè.

1 Pyɛri 1:11

Kirisi Pǐli li da pye be fúnyi ni lè, lee bee maa téè séeraw kpéʔele booma ni Kirisi wɔʔɔli ní wi nìjangbɔɔri kéele na, dee ti a kɔ́ ba pye lè wi wɔʔɔli kàdoʔo ma, a pe i ŋàʔaná bi gi cán lǎlee ni ki a ba kpéʔele lè, ní kánmee na ki a wɔ́ɔ ba kpéʔele lè.

1 Zyan 3:24

Wee wi Kolocɔlɔɔ tundunri kɔngi ní i di kpéʔele lè, wee bee i nyɛ Kolocɔlɔɔ ni, Kolocɔlɔɔ si wɔ́ɔ i nyɛ wee bee fɔ́lɔ ni. Wi Pǐli wi kaan wolo ma lè, loro bárigaw ni wolo gi cán ncan wi i nyɛ wolo ni.

1 Zyan 4:13

Amɛɛ wi wi Pǐli kaan wolo ma lè, gee bee na wolo gi cán ncan wolo i nyɛ wi ni, wi si wɔ́ɔ i nyɛ wolo ni.

1 Zyan 4:4

Yele si na, ni pìibēle, yele i nyɛ Kolocɔlɔɔ wòolo. Yele n fànʔa taa kanyaajoo-fáanabèle na, níì cán wee wi nyɛ lè yele ni, wee bee n kpɔ́ʔɔ n sɔ̀lɔ wee na wi nyɛ lè dulunyanw syɛ̀ɛnnɛ ni.

Tɛ̀ɛnnɛ 13:8

Bele myɛ be nyɛ lè tári na, gee bee n jo syɔɔn o syɔɔn mɛ́ʔɛ gi nyɛ lè sìnzɛbɛ ni nlaa yaà dulunyanw sélimɛ na sìíw sɛ́bɛ ni wi nyɛ lè Bàpili ma, lee pe da kpóo lè, bele bee a ra yaweegi kpɔ̀ʔɔrɔ́.

Tɛ̀ɛnnɛ 20:15

Syɔ́ɔnwee mɛ́ʔɛ ga pye ki ga nyaa wozɛbɛgɛ ní sìíw sɛ́bɛ ni lè í, pe n wee bee fɔ́lɔ wáa naakpɔɔgi ni.