Wɔrɔmi ye 8:8 - Cebaara Bible 2010

⁸ Bele si be nyɛ lè céri kôdanʔabéle, poro kéeli a gbǎn Kolocɔlɔɔ dɛ́nɛ í.

Wɔrɔmi ye 8:8 Iomraidhean Croise

Matye 3:17

A be yákpolo lóʔo nyɛ̀ʔɛni na, a li jo: «Wee naa wi nyɛ mii Pìinidaanmaw, wee kéele li mii dɛ́nɛ lè gbanʔama.»

Zyan 3:3

A Zyezu wi pye: «Mii a tɔ̀nɔ́ gi joo mɔ ma kányɛʔɛ ni, kapye pe ga syɔ́ɔnwee séli n see lè kavɔn í, wee bee a gbǎn Kolocɔlɔɔ fǎngi nyaa í.»

Zyan 8:29

Mii Tunvɔw i nyɛ ní mii ní, wi ga mii yaʔa mii nibin í, níì cán mii i wi nyɛnɛ kérigèle kpéʔele làla o làla.»

Wɔrɔmi ye 1:21

níì cán pe n Kolocɔlɔɔ cán, koro ní ki myɛ ní pe ga fɔ̀lɔ bàā wi kpɔ̀ʔɔrɔ́ àmɛɛ gi yɛlɛ paa wi kpɔ̀ʔɔrɔ́ lè í, pe ga wɔ́ɔ̀ fɔ̀lɔ ni bariga kaangi wi ma í. Fwɔɔ a be be sɔ̀nguri taʔa nyùngo fun kérigèle na, a be sícilimɛ fun fúnyi wɔ́ɔ baa nyìn yébilimi na.

Wɔrɔmi ye 7:5

Níì cán lǎli ni wolo da pye lè céri kôdanʔabéle, Mowizi làlwaw maa ni kapeegèle láanitaʔa kele yìrigí wolo ma, ke maa ni báara wolo céri tɛ́ɛyɛ ni ní i wolo tórogi kùúw ma.

Wɔrɔmi ye 8:9

Yele si na, yele o nyɛ céri kôdanʔabéle í, fwɔɔ Pìicǎnni kôdanʔabéle àmɛɛ Kolocɔlɔɔ Pǐli tɛ́ɛn lè yele fúnyi ni. Kirisi Pǐli ga pye li o nyɛ syɔ́ɔnwee fúngo ni lè í, wee bee o nyɛ Kirisi wóo í.

1 Korɛnti ye 7:32

Mii o caa keelaa í kɔ́ yele fúnyi curugo í. Cɔlɔɔ-fùnvɔlɔ i sɔ̀ngí Kàfɔw kèlē na, koro ga pye woro kéeli í Kàfɔw dɛ́nɛ.

Filipikaʔa ye 4:18

Mii si n yáriri myɛ taa, a di nɛʔɛ naa mii ma n sɔ̀lɔ. Yáriree yele da kaan Epafuroditi ma níì jo wi ba di kaan mii ma lè, mii n di taa, yáriri bee n mii tín, ti i nyɛ nùndaanna yárira, ní i nyɛ sárigacàɔn, wee wi Kolocɔlɔɔ dɛ́nɛ lè.

Kɔlɔsi ye 1:10

Ki ga pye nya, kánmee na Kàfɔw caa yele í da táanri lè, yele a gbǎn ra táanri kánmi bee na, yele kérigèle myɛ sáā wi dàán, yele sáā yasanra sangi kapyejǎngèle myɛ ni, kàa sáā fàrá yele na Kolocɔlɔɔ cánni kàbaan na.

Kɔlɔsi ye 3:20

Pìíbèle, ki n yɛlɛ yaa lúro yele seefɔbèle ma kérigèle myɛ ni, níì cán gee bee gi Kàfɔw dɛ́nɛ.

1 Tesaloniki ye 4:1

Ni senyɛ̀nnɛ, dee wolo a ní joo lè toro di nyɛ dee naa, tánʔaganmee na yele yɛlɛ bàā táanri lè yele kéeli si Kolocɔlɔɔ dɛ́nɛ, yele n tánʔaganmi bee tama wolo ma. Kánmi bee na si yele wɔ́ɔ̄ táanri. Wolo si sèʔé i yele nyɛ́ɛri ní i yele kɛɛlɛ Kàfɔw Zyezu mɛ́ɛgi na níì jo, ye ní yaa kàa fàrá gee bee na.

Heburubèle 13:16

Ki si ga yɛlɛ yele í fɛ̀ʔɛ kacànbyeri na í, wàlá bàā tàa wóo yele kɔ́lɔ yáriri ni bàā kaangi syɛ́ɛnbèle ma, ki ga yɛlɛ yele í fɛ̀ʔɛ gee bee na í, níì cán sáriga-wòlori bee félege di Kolocɔlɔɔ dɛ́nɛ.

Heburubèle 13:21

ki n yɛlɛ wi fànʔa kaan yele ma jàngó yele í gbǎn ra kapyejǎngèle féleye myɛ kpéʔele bi yɛlɛ ní wi nyɛnɛ kéeli ní, si wɔ́ɔ wi kanidaanni kpéʔele wolo fúnyi ni Zyezu Kirisi bárigaw ni, woro wee na nìjangbɔɔri yɛlɛ lè làla o làla kwɔ́ɔmɔ fun! Amiina!

1 Zyan 3:22

Wolo ga wɔ́ɔ̀ yárigee faala nyɛ́ɛri wi ma lè, wi a gi kaan wolo ma, níì cán wolo i wi tundunri kɔngi ní i di kpéʔele, ní wɔ́ɔ i wi kanidaangèle kpéʔele.