Wɔrɔmi ye 8:7 - Cebaara Bible 2010

⁷ Bele ni céri kèlē sɔngurɔ nyɛ lè, bele bee i nyɛ Kolocɔlɔɔ nígoobéle, níì cán sɔ̀nguri bee n be kaan pe o lúro Kolocɔlɔɔ ma í, àlí fànʔa o wɔ́ɔ̄ nyɛ be ni bi gbǎn gi kpéʔele í.

Wɔrɔmi ye 8:7 Iomraidhean Croise

2 Cányi kèlē 19:2

Hananii jáaw Zyehu, wi lè kanyaaw, a woro yiri n sáà fànʔafɔw Zyozafati fàra níì wi pye: «A mɔ da yɛlɛ lé bi syɛɛnpeew dɛ̀ɛmɛ si tàmaga le ní bele ní Yawe kéeli bɛɛn lè? Koro na Yawe fúngi n tɔ̀nɔ n tanʔa mɔ kurugo.

Zyɔbi 15:13

Níì cán Kolocɔlɔɔ na mɔ mɔ fundanʔari tirigi ní i syɛɛnfeleri naa nyuu mɔ nyɔ́ɔgi ni!

Ŋúnuyi 53:1

Ŋúnuŋùúbèle kùndigi wóʔo, fɔ̀rɔgi làla ni. Tamani ŋúnugo Davidi ŋùu lè.

Yirile 20:5

Mɔ a kɔ́ ra kpùmɔnɔ́ yatangi bee kàa taana í, wàlá bàā gi fáliw kpéʔele í. Níì cán mii wi lè Yawe mɔ Kolocɔlɔw, mii i nyɛ yejaʔa Kolocɔlɔɔ. Mii i tofɔbèle kolomɔ gɔlɔ́ wóo pe ní be yòdaʔayi na bi taa sa nan yìrigēle taanri ní sicɛrɛ wóli na, poro bele mii kéeli bɛɛn lè.

Zyeremii 13:23

A Etyopii ye wóo a gbǎn wi césaligi kàriga lé, wàlá sèjɔɔn í wi tɛɛ̀nyɔngɔ-nyɔngɔyi kàriga? Koro na yele bele ye tàli kapeeyi pyele na lè, yele a gbǎn kacànna kpéʔele í.

Ezekyɛli 14:5

Kánmi bee na Isirayɛli kpáagi wòolo be léeli mii na lè be yasunyi myɛ kéele na, pe a cò be tiimaa fúnyi ni.›

Matye 12:34

Yele màátɔnw jàala, àmɛɛ yele pee lè, mɛ̀ɛ́ yele a gbǎn ra syɛɛncanra nyuu bi sɛ́ɛ? Níì cán gee gi syɔɔn fúngi nyìn lè, koro gi yirigi wi nyɔ́ɔgi ni.

Matye 5:19

Koro na syɔ́ɔnwee faala ga kajoodɛɛngèle naa làa wobile faʔa lè, ní i syɛ́ɛnbèle tama li céeganmi na, wee bee a pye pe myɛ wobile nyɛ̀ʔɛni fànʔa ni. Kàjáa syɔ́ɔnwee faala wi ga ni ge kpéʔele lè, ní i syɛ́ɛnbèle tama ge kpéʔeleganmi na, wee bee a pye syɛɛnkpɔɔɔ nyɛ̀ʔɛni fànʔa ni.

Zyan 7:7

Yele kéeli a gbǎn dulunyanw syɛ̀ɛnnɛ bɛɛn í. Kàjáa mii kéeli si n tɔ́ɔ̀ be bɛɛn níì cán mii i be kɔ́rɔw nyuu níì jo be kapyegèle ga nyɔɔ í.

Wɔrɔmi ye 1:28

Pe ga fɔ̀lɔ n Kolocɔlɔɔ kéeli yaʔa peyɛɛ fúnyi ni í, gee bee na Kolocɔlɔɔ be yaʔa be fɛ̀ɛfɔnmi sɔ̀ngurɔ kɔ́yɔ ni, koro ga pye paa kanaa-sìnbyeri kpéʔele.

Wɔrɔmi ye 1:30

ní mɛ́ɛkalagibéle, ní Kolocɔlɔɔ nígoobéle, ní syɛɛn-tɛʔɛlɛbéle, ní ní i nyɛ nɛ̀ɛnyɛnɛgɛ fɔɔlɔ, ní joogbɔɔmɔ fɔɔlɔ, ní i kanmaa caa wovɔnmɔ bàā kérigèle kpéʔele, gele ge pee n sɔ̀lɔ lè, pe wɔ́ɔ o lúro pe seefɔbèle ma í,

Wɔrɔmi ye 3:31

A gee bee jo lé wolo n Mowizi làlwaw sàa tágali báriga ni? Eʔe dɛ! Wolo i wi kpɔ́ʔɔgi wii.

Wɔrɔmi ye 5:10

Níì cán kapye Kolocɔlɔɔ n wolo bɛ̀ɛ ní wiyɛɛ ní wi Jáaw kùulo báriga ni, bi gi taa wolo maa pye wi nigoolo, ànbée gi wɔ́ɔ̄ nyɛ àmɛɛ wi wolo bɛ̀ɛ ní wiyɛɛ ní n kwɔ́ɔ lè, wi a ba wolo syɔɔ kányɛʔɛ ni wi Jáaw sìi báriga ni.

Wɔrɔmi ye 7:22

Koro ní ki myɛ ní Kolocɔlɔɔ làlwaw kéele n mii dɛ́nɛ mii fúngi ni gbanʔama.

Wɔrɔmi ye 8:4

koro ga pye àmɛɛ Mowizi làlwaw caa syɔɔn í da síngi lè, koro í ba foro wolo ma, wolo bele wo nyɛ lè wolo o táanri ni yɛlɛgi ní céri kínidɛnɛgɛ ní í, fwɔɔ ní Pìicǎnni kínidɛnɛgɛ ní.

1 Korɛnti ye 2:14

Pìicǎnni funvɔwaa o fɔ̀lɔ́ Kolocɔlɔɔ Pǐli kèlē na í, níì cán ke i nyɛ wi nyɛnɛ na labalama, wi a gbǎn ge cán í, níì cán Pìicǎnni báriga ni ke cángi ni láʔala.

1 Korɛnti ye 9:21

Mii ga pye ní làlwaw funvɔɔlɔ ní, mii n niyɛɛ bye àmɛɛ làlwaw funvɔwaa nyɛ lè, koro ga pye mii í gbǎn làlwaw funvɔɔlɔ taa, koro ní ki myɛ ní mii o nyɛ Kolocɔlɔɔ làlwaw fun ni í, níì cán mii i nyɛ Kirisi làlwaw kôdanʔaɔ.

Kɔlɔsi ye 1:21

Gee si gi yele kéeli kwɔ́ɔ lè, yele maa sélì pye Kolocɔlɔɔ téefɔɔlɔ ní wi nigoolo yele fúnyi ni kapeebyeri báriga ni.

Kɔlɔsi ye 2:18

Syɔ́ɔnwee wi caa lè bi wiyɛɛ dɛ̀ɛn màabyeo ní i nyɛ̀ʔɛni tundunbéle kpɔ̀ʔɔrɔ́, yele a kɔ́ syɔ́ɔnw bee félege yaʔa wi yele kaan yele í bɔ̀nɔ í. Wi n wiyɛɛ daʔa wi kanyaagèle na ní i wiyɛɛ gbɔ́ʔɔgi gbanzan, wi sɔ̀nguri i nyɛ céri kèlē na.

2 Timɔte 3:4

pe a ra be syɛɛnnyɛnbèle nii kɔyɔ ni, sáā pe nyɛnɛ kérigèle kpéʔele, sáā peyɛɛ gbɔ́ʔɔgi, nyáanagbɛ kérigèle a be dɛ́nɛ bi sɔ̀lɔ Kolocɔlɔɔ na.

Heburubèle 8:10

Joogaanni naa mii a kpéʔele ní Isirayɛli kpáagi wòolo ní cányi bee kàdoʔo ma, mii a ra mii kajoodɛɛngèle nii be fúnyi ni, si wɔ́ɔ ra ge sɛ́bɛ be zɔ̌nbèle na. Mii a pye be Kolocɔlɔw, pé pye mii syɛ́ɛnbèle,

Zyaki 4:4

Yele kanɔnʔɔbyebèle! Yele ga gi cán ncan wee wi ga tàmaga le ní dulunyanw ní lè, wee bee i nyɛ Kolocɔlɔɔ nígoo ì? Syɔ́ɔnwee faala wi caa bi pye tàmaga na ní dulunyanw ní lè, wee bee n wiyɛɛ gbéʔele Kolocɔlɔɔ nígoo.

2 Pyɛri 2:14

pe o cébèle wéle kapye ní wélebeele ní ban í, pe o tíngi kapeebyeri na í, pe i fûngabalayi syɛ̀ɛnnɛ lɛ́ɛlɛ ni có. Pe fúnyi n tàli n kwɔ́ɔ nyabɛɛnni na. Pe i nyɛ dángaw pìibēle.