Wɔrɔmi ye 8:6 - Cebaara Bible 2010

⁶ Níì cán céri kèlē sɔngurɔ i syɔɔn tórogi kùúw ma, Pìicǎnni kèlē sɔngurɔ si i syɔɔn tórogi sìíw ní yɛɛ̀nyingi ma.

Wɔrɔmi ye 8:6 Iomraidhean Croise

Zyan 14:27

Mii a fûnnyingi kaan yele ma, mii tiimaa fûnnyingi si mii a kaan yele ma. Mii si a gi kaan yele ma dulunyanw syɛ̀ɛnnɛ wóʔo kaanganma na í. Ki ga yɛlɛ yele í yele fúnyi yaʔa yaa curugu yele na í, ki ga wɔ́ɔ̀ yɛlɛ yele í da fɛ̀ɛgí í.

Zyan 14:6

A Zyezu wi yari: «Jo mii si wi nyɛ kólogi, ní kányɛɛgi, ní sìíw. Syɔɔn faala a gbǎn nan Tofɔw na mii kàdoʔo ma í.»

Zyan 17:5

Abaa, tɔ́ɔliw ni nìjangbɔɔri ti da pye yaà mii na mɔ taana lè sáni dulunyanw í séli lè, di taʔa mii na.

Wɔrɔmi ye 13:14

Kàjáa ki n yɛlɛ ye Kàfɔw Zyezu Kirisi le yeyɛɛ na burogo ki ga yɛlɛ yele í ní yele sɔ̀ngumi taʔa yele céri laànitaʔa kele na bàā ge kpéʔele í.

Wɔrɔmi ye 14:17

Níì cán Kolocɔlɔɔ fǎngi o nyɛ lìile ní gbaala kéele í, fwɔɔ sínni, ní fûnnyingi, ní fundaanri, dee wolo taagi lè Pìicǎnni báriga ni.

Wɔrɔmi ye 5:1

Amɛɛ wolo sínni taa lè tágali báriga ni, gee bee na wolo nyɛ bɛ̀ɛlɛ na ní Kolocɔlɔɔ ní wolo Kàfɔw Zyezu Kirisi bárigaw ni.

Wɔrɔmi ye 5:10

Níì cán kapye Kolocɔlɔɔ n wolo bɛ̀ɛ ní wiyɛɛ ní wi Jáaw kùulo báriga ni, bi gi taa wolo maa pye wi nigoolo, ànbée gi wɔ́ɔ̄ nyɛ àmɛɛ wi wolo bɛ̀ɛ ní wiyɛɛ ní n kwɔ́ɔ lè, wi a ba wolo syɔɔ kányɛʔɛ ni wi Jáaw sìi báriga ni.

Wɔrɔmi ye 6:21

Kérigèle ge nyɛ lè yele na fɛ̀ɛrɛ tɔ́ɔliw ni, gele yele da ni kpéʔele lè booma ni, nyàʔá tɔ̀nɔfeleo yele da ni taagi ge ni lǎli bee ni? Níì cán gele bee kàdoʔo gi nyɛ kùúw.

Wɔrɔmi ye 6:23

Níì cán kapeebyeri sàra wi nyɛ kùúw, kàjáa kpɔ́ʔɔri Kolocɔlɔɔ kaan wolo ma lè, toro di nyɛ sìibangwɔɔw wolo Kàfɔw Zyezu Kirisi bárigaw ni.

Wɔrɔmi ye 7:11

Níì cán kapeebyeri n kanmaa taa tundunri báriga ni n mii fáana n kpóo.

Wɔrɔmi ye 7:5

Níì cán lǎli ni wolo da pye lè céri kôdanʔabéle, Mowizi làlwaw maa ni kapeegèle láanitaʔa kele yìrigí wolo ma, ke maa ni báara wolo céri tɛ́ɛyɛ ni ní i wolo tórogi kùúw ma.

Wɔrɔmi ye 8:13

Níì cán yele ga ni táanri ni yɛlɛgi ní céri kínidɛnɛgɛ ní, yele a ba kùu. Yele si ga ni céri kínidɛnɛgɛ kúu Pìicǎnni báriga ni, yele a sìi taa.

Wɔrɔmi ye 8:27

Kolocɔlɔɔ wi syɛ́ɛnbèle fúnyo sɛʔɛ ni cángi lè, woro wi Pìicǎnni sɔ̀ngurɔ cángi, níì cán li i nyɛ́ɛri Kolocɔlɔɔ syɛɛncanbèle kéele na n yɛlɛ ní wi kínidɛnɛgi ní.

Wɔrɔmi ye 8:7

Bele ni céri kèlē sɔngurɔ nyɛ lè, bele bee i nyɛ Kolocɔlɔɔ nígoobéle, níì cán sɔ̀nguri bee n be kaan pe o lúro Kolocɔlɔɔ ma í, àlí fànʔa o wɔ́ɔ̄ nyɛ be ni bi gbǎn gi kpéʔele í.

Galasi ye 5:22

Kàjáa gee Pìicǎnni sangi lè, koro gi nyɛ: tàmagi, ní fundaanri, ní bɛ̀ɛ́li, ní kpàracogi, ní tánʔaganjǎnmi, ní funjǎngi, ní mɔ í pye tágala syɔ́ɔn,

Galasi ye 6:8

Wàa ga ni wi céri kanidaangéle luguro lúru, wee bee a ba céri yafɔnʔɔrɔ taa. Wee si wi Pìicǎnni kanidaanna luguro lúru lè, wee bee a ba sìibangwɔɔw taa Pìicǎnni ma.