Wɔrɔmi ye 8:5 - Cebaara Bible 2010

⁵ Bele be táanri ni yɛlɛgi ní céri kínidɛnɛgɛ ní lè, bele bee sɔ̀ngurɔ i nyɛ céri nyɛ́nɛ kèlē na, bele si be táanri ni yɛlɛgi ní Pìicǎnni kínidɛnɛgɛ ní lè, bele bee sɔ̀ngurɔ i nyɛ Pìicǎnni nyɛ́nɛ kèlē na.

Wɔrɔmi ye 8:5 Iomraidhean Croise

Mariki 8:33

A wi fíige ni wi pìitamabèle wéle níì fúlo Pyɛri na níì jo: «Núngo mii taana, Sutana, níì cán mɔ sɔnguri o nyɛ Kolocɔlɔɔ kàbangi na í, fwɔɔ syɛ́ɛnbèle kàbaan na.»

Zyan 3:6

Céri ga wee see lè, wee bee i nyɛ cere, Pìicǎnni ga wee see lè, wee bee i nyɛ pìle.

Wɔrɔmi ye 8:9

Yele si na, yele o nyɛ céri kôdanʔabéle í, fwɔɔ Pìicǎnni kôdanʔabéle àmɛɛ Kolocɔlɔɔ Pǐli tɛ́ɛn lè yele fúnyi ni. Kirisi Pǐli ga pye li o nyɛ syɔ́ɔnwee fúngo ni lè í, wee bee o nyɛ Kirisi wóo í.

1 Korɛnti ye 15:48

Amɛɛ tári wóo pye lè, ànbée tári wòolo wɔ́ɔ̄ nyɛ. Amɛɛ nyɛ̀ʔɛni wóo nyɛ lè, ànbée nyɛ̀ʔɛni wòolo wɔ́ɔ̄ nyɛ.

1 Korɛnti ye 2:14

Pìicǎnni funvɔwaa o fɔ̀lɔ́ Kolocɔlɔɔ Pǐli kèlē na í, níì cán ke i nyɛ wi nyɛnɛ na labalama, wi a gbǎn ge cán í, níì cán Pìicǎnni báriga ni ke cángi ni láʔala.

2 Korɛnti ye 10:3

Wolo wíre i táanri céri naa ni, ki i nyɛ kányɛʔɛ, kàjáa wolo si tɔ́ɔ o kapɛɛnni kpúmɔn dulunyanw syɛ̀ɛnnɛ wólo kpúmɔnganma na í.

Galasi ye 5:17

Níì cán kérigèle gele ge céri dɛ́nɛ lè kányɛʔɛ ni, gele bee i Pìicǎnni bɛɛngi, gele si ge Pìicǎnni dɛ́nɛ lè, gele bee i céri bɛɛngi. Níì cán Pìicǎnni ní céri i túngu ní tiyɛɛ ní, a koro gi kaan gee yele caa bàā kpéʔele lè, ye ga gbàn ni gi kpéʔele í.

Efɛzi ye 5:9

Níì cán gbɛ̀ɛ́nmi yasanra di nyɛ funjǎnyi féleye myɛ n fàra sínni, ní kányɛɛgi féleye myɛ na.

2 Pyɛri 2:10

n náa kɔ́ɔ̀ yére bele be táanri ni syée lè céri kèlē kurugo nɔ́nʔɔri láanitaʔa ni, ní i fǎnyi féleye myɛ faari lè. Pe nyúnyi n waʔa, a be wɔ́ɔ i peyɛɛ nyɛ́nɛ, pe o fɛ̀ɛgí bi nìjangbɔɔri fɔ̀ɔlɔ tɛʔɛlɛ í,