Wɔrɔmi ye 8:4 - Cebaara Bible 2010

⁴ koro ga pye àmɛɛ Mowizi làlwaw caa syɔɔn í da síngi lè, koro í ba foro wolo ma, wolo bele wo nyɛ lè wolo o táanri ni yɛlɛgi ní céri kínidɛnɛgɛ ní í, fwɔɔ ní Pìicǎnni kínidɛnɛgɛ ní.

Wɔrɔmi ye 8:4 Iomraidhean Croise

Luki 1:6

Pe myɛ siinw maa pye syɛɛnsinbéle Kolocɔlɔɔ yɛ́ʔɛ ma, ní tɔ̀nɔ́ i Kàfɔw tundunro, ní wi kajoodɛɛngèle myɛ kpéʔele tɛɛkolobile fun.

Wɔrɔmi ye 2:26

Ki si ga pye kɛ́nɛnaa-sìngbeʔeleo i táanri ni yɛlɛgi ní làlwaw kajoogéle ní, mɔ ga gi cán Kolocɔlɔɔ a wee bee córo àmɛɛ kɛ́nɛkpeʔeleo nyɛ lè ì?

Wɔrɔmi ye 3:31

A gee bee jo lé wolo n Mowizi làlwaw sàa tágali báriga ni? Eʔe dɛ! Wolo i wi kpɔ́ʔɔgi wii.

2 Korɛnti ye 10:2

Mii si i yele nyɛ́ɛri, ye a kɔ́ mii ŋàʔana mii í soro yele níngi ni í, kàjáa bele be gi tímana lè n jo wolo i táanri ni yɛlɛgi ní céri kínidɛnɛgɛ ní lè, mii n gi tímana n gi nyaa fwɔɔ mii í mii nyúngi waʔa bele bee kéele na.

2 Korɛnti ye 10:3

Wolo wíre i táanri céri naa ni, ki i nyɛ kányɛʔɛ, kàjáa wolo si tɔ́ɔ o kapɛɛnni kpúmɔn dulunyanw syɛ̀ɛnnɛ wólo kpúmɔnganma na í.

Galasi ye 5:16

Dee si mii a joo lè, toro di dee naa: Ki n yɛlɛ yaa táanri Pìicǎnni báriga ni koro ga pye yele a ní da céri kínidɛnɛgɛ kele kpéʔele nyáana í.

Kɔlɔsi ye 1:22

Tɔ́ɔliw ni, Kirisi n yele bɛ̀ɛ ní Kolocɔlɔɔ ní wi tiimaa kùúw báriga ni céri kàbaan na, koro ga pye bi yele tɛ̀ɛn Kolocɔlɔɔ na, wi yele córo wojanbéle ní, si wɔ́ɔ yele córo tɛɛlɛ fun, ní dìgire fun,

Heburubèle 12:23

Yele n nùuni fundaanra syɛɛnkpoʔolomɔ na, ní booma wozelizeebèle Egilizi na, poro bele mɛ́ɛyɛ yi sɛ́bɛ lè nyɛ̀ʔɛni ni. Yele n nùuni Kolocɔlɔɔ na wi lè syɛ́ɛnbèle myɛ kútiijooo, ní syɛɛnsinbèle pìigēle na, bele be nyɔɔ n foro lè.

1 Zyan 3:2

Mii syɛɛn-nidaanmabèle, tɔ́ɔliw ni wolo i nyɛ Kolocɔlɔɔ pìibēle, kánmee na si wolo a ba pye lè, kánmi bee ga kɔ́ɔ̀ tɛ̀ɛn wolo na n kwɔ́ɔ í. Wolo si n gi cán Kirisi ga baa wiyɛɛ dɛ̀ɛn, wolo a ba pye àmɛɛ woro nyɛ lè, níì cán kánmee na wi nyɛ lè, wolo a ba wi nyaa kánmi bee na.

Zyudi 1:24

Wee má fànʔa nyɛ lè bi gbǎn ra yele kɔ̀rɔsíi koro ga pye yele a kɔ́ kpírige too í, si yele yérige wi nìjangbɔɔri tɛ́ʔɛ ni bi yele tɛ̀ɛn tɛɛlɛ fun yele si pye fundaangbɔɔrɔ na,

Tɛ̀ɛnnɛ 14:5

jànvaa syɛ́ɛnrɛ si da yiri pe nyɔ́ɔyi ni nyáana í. Pe i nyɛ tɛɛlɛ fun.