Wɔrɔmi ye 8:3 - Cebaara Bible 2010

³ Níì cán gee gi nyɛ lè Mowizi làlwaw da gbàn n gi kpéʔele í, àmɛɛ céri kèlē da wi kàriga lè fànʔa fun, Kolocɔlɔɔ n gee bee kpéʔele, àmɛɛ wi wi tiimaa Jáaw tun lè syɛ́ɛnbèle kapeebyere kéele na, a wi pan n baa cere láa dee di syɔɔn kapeebye-céri wíri lè, níì kútii cáan kapeebyeri na céri ni,

Wɔrɔmi ye 8:3 Iomraidhean Croise

Córolo 21:9

A Mowizi kanyɛɛnrɛ wàbiga sámaga n cɔ̀rɔ kàganadɔnɔgi na. A gi pye wàbigaa ga syɔɔnwaa nɔn, á wi kanyɛɛnri wàbiga wéle, wi n kòro sìi na.

Córolo 28:22

Yele a sikepɔlɔ nibin wòlo sáriga kapeeli kéele na jàngó yele kapeegèle kùsulugo fáli í kpéʔele.

Mariki 15:27

A be kàyuu-fànʔafɔɔlɔ siin kóri tiipariyaa na wi taana, wàa maa pye wi kàliige ma wee si i nyɛ wi kàmɔnɔ ma.

Zyan 1:14

Syɛ́ɛnri bee maa baa kàri syɔɔn n tɛ́ɛn wolo níngi ni, a wolo wi nìjangbɔɔri sámaga n nyaa, nìjangbɔɔri bee i nyɛ Jaafɔw wóro, dee Tofɔw Kolocɔlɔɔ kaan lè wi Pìinibingi ma, àmɛɛ wi yìri yaà woro ma lè. Kpɔ́ʔɔri ní kányɛɛgi saʔa maa tɔ̀nɔ n pye wi ma.

Zyan 9:24

A Farisibèle níì fúunnanw yeri tɔziin, ní baa wi pye: «Ki n yɛlɛ mi sɔ̀ngi Kolocɔlɔɔ kéeli na mí kányɛɛgi joo. Wolo n gi cán nǎnw bee i nyɛ kapeebyeo.»

Kapyegèle 13:39

syɔ́ɔnwee faala wi ga tága Zyezu na lè, wee bee a sínnɛ taa kérigèle bee myɛ ni wi bárigaw ni.

Wɔrɔmi ye 3:20

Níì cán Kolocɔlɔɔ a tée sínni kaan syɔɔnwaa faala ma Mowizi làlwaw kèlē kpéʔelele báriga ni í, níì cán gee gi nyɛ lè làlwaw bee fáli nyúngo, koro gi nyɛ bi gi tɛ̀ɛn syɛ́ɛnbèle na pe gi fílige cán bi cán poro i nyɛ kapeebyebèlē.

Wɔrɔmi ye 6:6

Wolo n gi cán kánmee pi da séli n pye wolo ni lè, kánmi bee n kùu ní Kirisi ní tiiparigi na, koro ga pye wolo kanlɛɛmi kapeebyere fànʔa í kálagi, jàngó wolo a ní kɔ́ pye kapeebyeri púloro ni í.

Wɔrɔmi ye 7:18

Níì cán mii n gi cán yacanga faala o nyɛ mii ni í, gee bee n jo mii céri ni í. Gee gi mii dɛ́nɛ lè koro gi nyɛ mii í da kacǎngèle kpéʔele, mii si ga fànʔa taa bàā ge kpéʔele í.

Wɔrɔmi ye 8:32

Alí wi ga cée wi tiimaa Jáaw na í, wi n wi kaan wolo myɛ kéeli na, àmɛɛ si wi wi kaan lè, wi a wɔ́ɔ yáriri myɛ kaan wolo ma ní fundaanra ní bi fàra wi na ì?

Wɔrɔmi ye 9:3

Ki ga maa pye bi gbǎn kpéʔele, mii mǎà dée ra caa Kolocɔlɔɔ í mii dánga mii í láʔa Kirisi na mii senyɛnbèle syɔɔlɔ kéele na, bele be lè mii felegefɔ-nyɛ́nbèle céri kàbaan na.

2 Korɛnti ye 5:21

Wee wi lè wi ga kapeele pye n nyaa í, a Kolocɔlɔɔ baa wolo kapeeli tugo wi na, koro ga pye wolo í Kolocɔlɔɔ sínni taa woro bárigaw ni.

Galasi ye 3:13

Kirisi n baa wolo syɔɔ làlwaw dánga ma, àmɛɛ wi dángaw yaʔa a wi too woro na wolo sìndɛɛgi ni lè, níì cán ki n sɛ́bɛ níì jo: «Syɔɔn o syɔɔn be cɔ̀rɔ lè tiige na, wee bee n dánga.»

Galasi ye 3:21

A gee bee joo lé Mowizi làlwaw i túngu ní Kolocɔlɔɔ nyɔɔfaliyi ní? Eʔe dɛ! Kapye Kolocɔlɔɔ maa làlwaw kaan wi gbǎn sìíw kaan, lǎli bee ni sínni taala mǎà dée pye làlwaw báriga ni.

Filipikaʔa ye 2:7

Kàjáa wi maa wiyɛɛ yirige kánmi bee ni, níì puloro kánma láa n baa pye àmɛɛ syɛ́ɛnbèle nyɛ lè. Amɛɛ si wi baa pye lè syɔɔn,

Heburubèle 10:12

Kàjáa Kirisi n kwɔ́ɔmɔ fun sárigaw wòlo syɛ́ɛnbèle kapeegéle kéele na, ní sáà tɛ́ɛn Kolocɔlɔɔ kàliige ma

Heburubèle 10:14

Níì cán bele wi jé ni mùú ni yaari Kolocɔlɔɔ ma lè, wi n bele bee sín n foro bàngwɔɔ yakaangi nibin báriga ni.

Heburubèle 2:14

Amɛɛ pìíbèle nyɛ lè sìsyaan ní cere, koro na wi tiimaa wɔ́ɔ baa pye kánmi bee wonijanma na, níì kùu jàngó woro kùúw báriga ni woro í kùúw fɔ́lɔ jáa wi lè Dàzɔɔnw,

Heburubèle 2:17

Koro na àmɛɛ ki da pye lè ŋàʔanaga kéele wi pye sèjira ní wi senyɛnbèle ní kánmi myɛ na, a wi wɔ́ɔ baa pye nya, jàngó bi pye nyinimɛ sáriga-wòlobèle kàfɔlɔ ní tágala syɔ́ɔn Kolocɔlɔɔ fáliw ni, koro ga pye bàā kùsulugo kpéʔele syɛ́ɛnbèle kapeegéle kéele na.

Heburubèle 4:15

Ki o nyɛ mɔ a jo wolo sáriga-wòlobèle kàfɔlɔ a gbǎn nyinimɛ taa wòlo na wolo fànʔa-fǔnmi ni wii í. Sutanaw maa ni wi kárima àmɛɛ wi wolo kárima lè kánmi féleye myɛ na, wi si da kapeele kpéʔele í.

1 Pyɛri 2:24

Wi tiimaa maa wolo kapeegèle túgoro tugo wiyɛɛ na tiiparigi na, koro ga pye wolo í kùu kapeegèle kàbaan na si pye sìi na sínni kàbaan na. Yele n pɔʔɔ wi kpúmɔnri námiya báriga ni.