Wɔrɔmi ye 8:16 - Cebaara Bible 2010

¹⁶ Pìicǎnni tiimaa li gi fíligi ni tèé wolo pìígèle na níì jo wolo i nyɛ Kolocɔlɔɔ pìibēle.

Wɔrɔmi ye 8:16 Iomraidhean Croise

Matye 5:9

Bele be bɛ̀ɛ́li légi syɛ́ɛnbèle nínge ni lè, bele bee i nyɛ dùba pìibēle, níì cán Kolocɔlɔɔ a ra be yiri woro jàala!

Luki 20:36

Pe a ní gbǎn kùu í, níì cán pe i nyɛ àmɛɛ nyɛ̀ʔɛni tundunbéle nyɛ lè, pe wɔ́ɔ i nyɛ Kolocɔlɔɔ pìibēle, ní wɔ́ɔ i nyɛ nyán-yirili pìibēle.

Zyan 1:12

Koro ní ki myɛ ní bele be fɔ̀lɔ wi na lè níì tága wi mɛ́ɛgi na, a wi séew kaan bele bee myɛ ma, poro í náa pye Kolocɔlɔɔ pìibēle.

Kapyegèle 5:32

Wolo si i nyɛ kérigèle bee séerabéle n fàra Pìicǎnni na, lee Kolocɔlɔɔ kaan bele ma be lúro woro ma lè.»

Wɔrɔmi ye 8:14

Níì cán Kolocɔlɔɔ Pǐli ga pye bele yɛɛ̀kinio lè, bele bee i nyɛ Kolocɔlɔɔ pìibēle.

Wɔrɔmi ye 8:19

Kolocɔlɔɔ yasamagari myɛ wɔ́ɔ i wi jáabèle làridɛ̀ɛnnɛ yèʔerí.

Wɔrɔmi ye 8:23

Toro yagana si ban í, níì cán wolo bele fúnyo ni Pìicǎnni nyɛ lè yaseligi wozanri yɛ́ʔɛ na, wolo tiimaa wɔ́ɔ i cɛ́ɛn wolo fúnyi ni ni lǎli sige, lee ni Kolocɔlɔɔ a ba wolo kpéʔele foro lè wi pìibēle àmɛɛ wi a ba wolo céri syɔɔ lè.

Wɔrɔmi ye 8:26

Kánmi bee na Pìicǎnni wɔ́ɔ i wolo dɛ̀ɛmɛ́ wolo báriga fǔnmi kéele na, níì cán gee wolo yɛlɛ wolo í da nyɛ́ɛri Kolocɔlɔɔ ma lè, wolo ga gi cán í. Kàjáa Pìicǎnni tiimaa i Kolocɔlɔɔ nyɛ́ɛri wolo kéeli na ní cɛ́ɛnmɛ ní, cɛ́ɛnmee bi lè syɔɔn a gbǎn bi syɛ́ɛnri cán bi joo í.

Wɔrɔmi ye 9:26

Alí tɛ́ɛgee ni wi gi joo lè níì jo: ‹Yele o nyɛ mii syɛ̀ɛnnɛ í,› tɛ́ɛgi bee wonijanga ni pe a ra be yiri Kolocɔlɔɔ woweew jàala.»

Wɔrɔmi ye 9:8

Gee bee n jo bele be nyɛ lè Abirahami pìíbèle céri kàbaan na, poro ban be nyɛ Kolocɔlɔɔ pìíbèle í, fwɔɔ nyɔɔfaligi pìibēle wi córo Abirahami yòdaʔayi.

2 Korɛnti ye 1:12

Gee gi nyɛ lè wolo kpɔ́ɔmi nyúngo, koro gi nyɛ àmɛɛ wolo fúnyi gi fílige n tɛ̀ɛn wolo na lè ncan wolo i táanri dulunyanw ni funjànya ní funviire na Kolocɔlɔɔ yɛ́ʔɛ ma, àlí tánʔaganmi bee na wolo da ni táanri yele níngi ni, syɔɔn sícilimɛ báriga ni ban wolo táanri í, Kolocɔlɔɔ kpɔ́ʔɔri báriga ni wolo táanri.

2 Korɛnti ye 1:22

Woro wi wɔ́ɔ̀ wi fɛ̀ɛ́w taʔa wolo na, àmɛɛ wi Pìicǎnni kaan wolo ma lè li pye wolo fúnyi ni, loro li nyɛ yaseligi wozanri yɛ́ʔɛ na.

2 Korɛnti ye 5:5

Wee si wi wolo sámaga lè kéeli bee kánma na, woro wi nyɛ Kolocɔlɔɔ, woro wee wi Pìicǎnni kaan wolo ma lè li pye yaseligi wozanri yɛ́ʔɛ na.

2 Korɛnti ye 6:18

si pye yele Tóow, yele si wɔ́ɔ pye mii jáabèle, pe lè nanbèle ní cébèle.» Séew Myɛ Kàfɔlɔ wi gi joo ànbée.

Galasi ye 3:26

Níì cán àmɛɛ yele tága Kirisi Zyezu na lè, yele myɛ i nyɛ Kolocɔlɔɔ jàala tágali báriga ni.

Galasi ye 4:6

Amɛɛ si yele nyɛ lè Kolocɔlɔɔ jàala, koro na wi wi Jáaw Pìle tórigo a li baa jée wolo fúnyi ni. A li i gi nyuu ni yákpoli wáa níì jo: «Abaa! Mii Tóow!»

Efɛzi ye 1:13

Kánmi bee na yele wɔ́ɔ baa yele sɔ̀ngumi taʔa wi na àmɛɛ yele kányɛɛgi syɛ́ɛnrɛ lóʔo lè, ti lè yele syɔɔli syɛɛnjóocànra, lǎli ni yele tága lè wi na, a Kolocɔlɔɔ wi fɛ̀ɛ́w taʔa yele na, fɛ̀ɛ́w bee wi nyɛ Pìicǎnni, lee nyɔɔfaliga Kolocɔlɔɔ da kpéʔele lè níì jo woro a li kaan,

Efɛzi ye 4:30

Ki ga yɛlɛ yele wàa í kɔ́ Kolocɔlɔɔ Pìicǎnni kanibɛɛnnɛ kpéʔele í, níì cán loro li nyɛ Kolocɔlɔɔ fɛ̀ɛ́w, wee wi taʔa yele na lè bi taa syɔɔli canʔa í ba nan.

Làlwaw Kaanziin 14:1

«Yele i nyɛ Yawe yele Kolocɔlɔw jàala. Yele a kɔ́ yele céri kɔnɔgi í, wàlá bi yele gbáagèle ǹjoʔo ma kùnu kùugo kéele na í.

1 Zyan 3:1

Amɛɛ Tofɔw Kolocɔlɔɔ tàmaga le ní wolo ní lè, ye gi wéle gee, níì cán wi i wolo yiri woro pìibēle! Anbée si wolo tɔ́ɔ̄ nyɛ. Gee bee gi gi kaan dulunyanw syɛ̀ɛnnɛ ga wolo cán í, níì cán pe ga Kolocɔlɔɔ cán í.

1 Zyan 3:10

Kánmi naa na Kolocɔlɔɔ pìíbèle ní Dazɔɔnw wòolo i cángi ni láʔala peyɛɛ na. Syɔ́ɔnwee faala wi nyɛ lè wi o kasingéle kpéʔele í, wàlá wee wi nyɛ lè wi ga tàmaga le ní wi senyɛnnɛ ní lè í, wee bee o nyɛ Kolocɔlɔɔ wóo í.

1 Zyan 3:2

Mii syɛɛn-nidaanmabèle, tɔ́ɔliw ni wolo i nyɛ Kolocɔlɔɔ pìibēle, kánmee na si wolo a ba pye lè, kánmi bee ga kɔ́ɔ̀ tɛ̀ɛn wolo na n kwɔ́ɔ í. Wolo si n gi cán Kirisi ga baa wiyɛɛ dɛ̀ɛn, wolo a ba pye àmɛɛ woro nyɛ lè, níì cán kánmee na wi nyɛ lè, wolo a ba wi nyaa kánmi bee na.

1 Zyan 4:13

Amɛɛ wi wi Pǐli kaan wolo ma lè, gee bee na wolo gi cán ncan wolo i nyɛ wi ni, wi si wɔ́ɔ i nyɛ wolo ni.

1 Zyan 5:10

Wee wi tága lè Kolocɔlɔɔ Jáaw na, séeraw bee i nyɛ syɔ́ɔnw bee fúngo ni. Wee si wi lè wi ga tága Kolocɔlɔɔ séeraw na í, wee bee n Kolocɔlɔɔ kpéʔele jànvaafɔlɔ, níì cán séerawee wi kpéʔele lè wi Jáaw kéele na, wee bee ga tága séeraw bee na í.

Tɛ̀ɛnnɛ 21:7

Wee si ga fànʔa taa lè, gee bee a pye wi kɔ́rigi. Mii a pye wi Kolocɔlɔw, woro si pye mii pyà.