Wɔrɔmi ye 8:11 - Cebaara Bible 2010

¹¹ Wee wi Zyezu nyán n yirige kúbèle nínge ni lè, wee bee Pìle ga pye yele fúnyi ni, woro wee wi Kirisi Zyezu nyán n yirige lè kúbèle nínge ni, wi a ba yele cekuuri nyán di pye sìi na wi Pǐli báriga ni li tɛ́ɛn lè yele fúnyi ni.

Wɔrɔmi ye 8:11 Iomraidhean Croise

Ezayi 26:19

Ki n yɛlɛ mɔ kúbèle í lúru pye sìi na! Ki n yɛlɛ mii kúbèle í ní nyán yìri. Yele bele ye nyɛ wodɛ́ɛnbéle ní támiigi ni lè, ye nyán, yaa yákpogèle wáa fundaanri báriga ni. Níì cán mɔ kásagi i nyɛ gbɛ̀ɛnmɛ kásaga, tári a ní kúbèle lúrugo yirige naa.

Ezekyɛli 37:14

Mii a mii Pǐli le yele ni, yele a pye sìi na. Mii si ní yele télege yele tásaligi na. Yele a gi cán bi cán mii Yawe, mii wi joo, ní wɔ́ɔ̀ gi kpéʔele.› » Yawe wi jo nya.

Zyan 14:17

Dɛ̀ɛmɛfɔw bee wi nyɛ kányɛɛgi Pìle, lee li lè dulunyanw syɛ̀ɛnnɛ a gbǎn li taa í, níì cán pe o li nyaagi í, pe si ga wɔ́ɔ̀ li cán í. Yele si na, yele n li cán, níì cán li i nyɛ ní yele ní, li si a ba pye yele fúnyi ni.

Zyan 5:21

Amɛɛ Tofɔw kúbèle nyángi ni wéegi kánmee na lè, ànbée Jaafɔw wɔ́ɔ̄ sìíw kaangi wi nyɛnɛ wóbèle ma.

Kapyegèle 2:24

Kàjáa Kolocɔlɔɔ n wi syɔɔ kùúw yáama ma àmɛɛ wi wi nyán n yirige lè. Níì cán kùúw da pye bi gbǎn fànʔa taa wi na í.

Wɔrɔmi ye 16:10

Ye Apelɛsi syáanri, wee wi mɛ́ɛtanʔa taa lè Kirisi kólogi ni. Ye Arisitobuli kpáagi wòolo syáanri yaà.

Wɔrɔmi ye 16:3

Ye Pirisii ní Akilasi syáanri, be nyɛ lè mii falipyenyɛnbèle Kirisi Zyezu fáliw ni,

Wɔrɔmi ye 16:7

Ye mii kpaʔa wóbèle syáanri yaà, pe nyɛ lè Anduronikusi ní Zyunyasi, pe pye lè ní mii ní kàsow ni, á pe mɛ́ɛyi tɔ̀nɔ n yiri pìitunbèle nínge ni, àlí pe n tága Kirisi na mii yɛ́ʔɛ na.

Wɔrɔmi ye 16:9

Ye Uribɛn syáanri wi lè wolo falipyenyɛnw Kirisi fáliw ni, yé wɔ́ɔ mii syɛɛn-nidaanmaw Sitasyisi syáanri.

Wɔrɔmi ye 6:12

Yele céri di kúu lè, ki ga yɛlɛ yele í ní kapeebyeri yaʔa ti fànʔa taa di na yele í da di laànitaʔa kérigèle kpéʔele í.

Wɔrɔmi ye 8:1

Koro na tɔ́ɔliw ni bele be nyɛ lè Kirisi Zyezu ni, bele bee wàa tɔ́lɔgɔ ní o nyɛ kálagili kútii ni í.

Wɔrɔmi ye 8:12

Gee bee na ni senyɛ̀nnɛ, fwɔɔlɔ i nyɛ wolo na, kàjáa li o nyɛ céri wólo í, jàngó wolo a ní kɔ́ ra táanri da yɛlɛgi ní ti kínidɛnɛgi ní í.

Wɔrɔmi ye 8:2

Níì cán Pìicǎnni li sìíw kaangi syɔɔn ma Kirisi Zyezu ni lè, li làlwaw n mii yirige kapeebyeri ní kùúw làlwa púloro ni.

Wɔrɔmi ye 8:9

Yele si na, yele o nyɛ céri kôdanʔabéle í, fwɔɔ Pìicǎnni kôdanʔabéle àmɛɛ Kolocɔlɔɔ Pǐli tɛ́ɛn lè yele fúnyi ni. Kirisi Pǐli ga pye li o nyɛ syɔ́ɔnwee fúngo ni lè í, wee bee o nyɛ Kirisi wóo í.

1 Korɛnti ye 15:16

Níì cán kapye kúbèle a nyán í, Kirisi ga wɔ́ɔ̀ nyán í.

1 Korɛnti ye 6:14

Kolocɔlɔɔ wi Kàfɔw nyán n yìrige lè, woro wi a wɔ́ɔ ba wolo nyán yìrige wi séew báriga ni.

2 Korɛnti ye 4:11

Níì cán wolo wo nyɛ lè woweebèlē ní, pe i wolo kaangi kùúw ma làla o làla Zyezu kéeli na, koro ga pye Zyezu sìíw í wɔ́ɔ ra nyaagi wolo céri báriga ni di kúu lè.

2 Korɛnti ye 4:14

Wolo n gi cán wee wi Kàfɔw Zyezu nyán n yìrige lè, woro wi a wɔ́ɔ ba wolo nyán yìrige ní Zyezu ní, si wolo ní yele kpóʔoro woyɛɛ na wiyɛɛ daana.

2 Korɛnti ye 5:4

Níì cán kányɛʔɛ na n wolo yaʔa vǒyi naa ni wolo i cɛ́ɛn, wolo túgori n líbe, gee bee ga jo wolo i caa bi yiri wolo céri ni àmɛɛ be burogo wòló lè í, kàjáa wolo i caa bi jée nyɛ̀ʔɛni cére ni, koro ga pye dee di kúu lè, sìíw í dee bee jɔ́ɔ.

Galasi ye 6:8

Wàa ga ni wi céri kanidaangéle luguro lúru, wee bee a ba céri yafɔnʔɔrɔ taa. Wee si wi Pìicǎnni kanidaanna luguro lúru lè, wee bee a ba sìibangwɔɔw taa Pìicǎnni ma.

Efɛzi ye 2:5

Gee bee báriga ni wi da wolo pínɛ n wéege ní Kirisi ní, lǎli ni wolo da pye lè woguubéle ní kapeegèle ni, níì cán wi n wolo syɔɔ wi kpɔ́ʔɔri báriga ni,

Filipikaʔa ye 3:21

Woro wi a ba wolo céri kàriga, ti lè fóomi wóro, si di kpéʔele sèjira ní woro nìjangbɔɔri cére ní bi yɛlɛ ní wi séekpɔɔw falipyeganma ní, séekpɔɔw bee ní wi a ba yáriri myɛ jáa.

Heburubèle 13:20

Kolocɔlɔɔ wi nyɛ lè fûnnyingi kaanfɔlɔ, woro wee wi wolo Kàfɔw Zyezu nyán n yirige kúbèle nínge ni lè, jàngó wi pye bǎbèle nàʔafɔgbɔɔɔ kwɔ́ɔmɔ fun joogaanni sìsyaan báriga ni,

1 Pyɛri 1:21

Woro bárigaw ni yele tága Kolocɔlɔɔ na, woro wee wi wi nyán n yirige kúbèle nínge ni lè, níì nìjangbɔɔri taʔa wi na, a koro gi kaan a yele tága Kolocɔlɔɔ na níì yele sɔ̀ngumi taʔa wi na.

1 Pyɛri 3:18

Níì cán Kirisi tiimaa n kùu tɔlɔgɔ nibin pée kapeegèle kéele na, wozinw n baa kùu syɛɛnnaa-sìnzinbèle sìndɛʔɛ ni, koro ga pye bi yele taa tórigo Kolocɔlɔɔ ma. Pe n wi kpóo céri kàbaan na, kàjáa Kolocɔlɔɔ n wi nyán n wéege Pìicǎnni báriga ni.

Tɛ̀ɛnnɛ 1:18

mii wi nyɛ Woweew. Mii maa kùu, kàjáa wéle, mii ní i nyɛ sìi na làla o làla kwɔ́ɔmɔ fun. Mii má kùúw ní kúbèle tɛɛkòrogo làkilebéle nyɛ.

Tɛ̀ɛnnɛ 11:11

A cányi taanri ní tíla ga sɔ̀lɔ, a Kolocɔlɔɔ wi sìíw ŋɔ́ngara le be ni, a be yìri n yére be tɔ́lɔyi na. A fyáakpɔɔrɔ fala n be nyaafɔbèle myɛ cò.