Wɔrɔmi ye 8:10 - Cebaara Bible 2010

¹⁰ Kapye Kirisi i nyɛ yele fúnyi ni yele pìígèle i nyɛ woweegèlē ní sínni kéele na, àlí bi gi taa yele céri i nyɛ woguuro ní kapeebyeri kéele na.

Wɔrɔmi ye 8:10 Iomraidhean Croise

Levii ye sáriga-wòlori 13:40

Nànwaa ǹjooro ga kwɔ́ɔ, nyùngbofologo fɔ́lɔ wii. Wi i nyɛ fɔɔnrɔ fun.

Zyan 14:23

A Zyezu wi yari: «Syɔ́ɔnwee faala wi ga tàmaga le ní mii ní lè, wee bee a ra mii syɛ́ɛnri lúro, mii Tóow a wɔ́ɔ tàmaga le ní wee bee ní. Mii ní mii Tóow si a pan wee bee ma bi ba kòro ní wi ní.

Zyan 15:5

Mii wi nyɛ tírigi, yele si i nyɛ kágangèle. Wee wi ga kòro mii ni lè, á mii wɔ́ɔ̀ kòro wi ni, wee bee a ra yasanra saʔa sangi, níì cán yele a gbǎn yarigaa faala kpéʔele mii kàdoʔo ma í.

Zyan 17:23

Mii i nyɛ be ni, mɔ si wɔ́ɔ i nyɛ mii ni, jàngó be pye nibin si foro, koro ga pye dulunyanw syɛ̀ɛnnɛ í gi cán bi cán mɔ wi mii tun, si wɔ́ɔ gi cán be kéeli n mɔ dɛ́nɛ àmɛɛ mii kéeli mɔ dɛ́nɛ lè.

Zyan 4:14

Kàjáa syɔ́ɔnwee faala wi ga mii lòkaangi gbaa lè, lògbaʔa a ní wee bee jáa bi nyaa í, lǒgee mii a kaan wi ma lè, koro a pye wi fúngi ni púloweele bàā púlo sáā fóo bi taa sa nan sìibangwɔɔw na.»

Zyan 6:54

Wee wi ga ni mii céri káa lè ní i mii sìsyaanw gbo, sìibangwɔɔw i nyɛ wee bee ma, mii a tɔ̀nɔ́ ba wee bee nyán yirige dulunyanw cângwɔʔɔ canʔa na.

Zyan 6:56

Syɔ́ɔnwee wi ga ni mii céri káa lè ní i mii sìsyaanw gbo, wee bee fɔ́lɔ n kòro mii ni, á mii wɔ́ɔ̀ kòro wi ni.

Wɔrɔmi ye 5:12

Gee bee na àmɛɛ kapeeli jée lè dulunyanw ni syɔɔn nibin kéele na, á kùúw wɔ́ɔ̀ jée kapeeli kurugo, gee bee na kùúw fala n nan syɛ́ɛnbèle myɛ na, níì cán pe myɛ n kapeeli kpéʔele.

Wɔrɔmi ye 5:21

koro ga pye àmɛɛ kapeebyeri fànʔa taa lè kùúw báriga ni, Kolocɔlɔɔ kpɔ́ʔɔri í wɔ́ɔ ra fànʔa taagi sínni báriga ni bàā sìibangwɔɔw kaangi syɛ́ɛnbèle ma wolo Kàfɔw Zyezu Kirisi bárigaw ni.

Wɔrɔmi ye 8:11

Wee wi Zyezu nyán n yirige kúbèle nínge ni lè, wee bee Pìle ga pye yele fúnyi ni, woro wee wi Kirisi Zyezu nyán n yirige lè kúbèle nínge ni, wi a ba yele cekuuri nyán di pye sìi na wi Pǐli báriga ni li tɛ́ɛn lè yele fúnyi ni.

1 Korɛnti ye 15:45

Gee bee na gi sɛ́bɛ níì jo: «Syɛɛnseliw wi lè Adami, wi n baa pye syɛɛnweeo,» Adami wozanw si i nyɛ pìle, ní i nyɛ sìíw kaanfɔlɔ.

2 Korɛnti ye 13:5

Ye gi tímana ye wéle yele fúnyi ni, yé wɔ́ɔ ye yeyɛɛ zɛʔɛ ye wéle bi gi cán kapye yele i nyɛ tágali ni. Yele ga gi cán ncan Zyezu Kirisi i nyɛ yele fúnyi ni ì? Fwɔɔ yele ga yeyɛɛ zɛʔɛ n wéle n gi nyaa yele ga foro í.

2 Korɛnti ye 4:11

Níì cán wolo wo nyɛ lè woweebèlē ní, pe i wolo kaangi kùúw ma làla o làla Zyezu kéeli na, koro ga pye Zyezu sìíw í wɔ́ɔ ra nyaagi wolo céri báriga ni di kúu lè.

2 Korɛnti ye 5:21

Wee wi lè wi ga kapeele pye n nyaa í, a Kolocɔlɔɔ baa wolo kapeeli tugo wi na, koro ga pye wolo í Kolocɔlɔɔ sínni taa woro bárigaw ni.

Galasi ye 2:20

Mii ban wi ní i nyɛ sìi na í, kàjáa Kirisi wi nyɛ sìi na mii ni. Sìíwee si mii taa lè, mii n wi taa tágali báriga ni àmɛɛ mii tága Kolocɔlɔɔ Jáaw na lè, woro wee wi tàmaga le ní mii ní lè níì wiyɛɛ gaan mii sìndɛɛgi ni.

Efɛzi ye 3:17

koro ga pye Kirisi í kòro yele fúnyi ni tágali báriga ni, yele si nìnre wáa bi sámaga yére tàmagi ni.

Filipikaʔa ye 1:23

Yi tɛ́ɛyi siin i mii kíle, mii i caa bi kári sa pye ní Kirisi ní, gee bee gi pɔ́rɔ n sɔ̀lɔ.

Filipikaʔa ye 3:9

mii si pye syɛɛnsiɔn wi ni, sínni bee si a kɔ́ pye mii wólo í, lee li taagi Mowizi làlwaw ma lè í, fwɔɔ lee li taagi lè tágali báriga ni Kirisi na, sínni bee i taagi Kolocɔlɔɔ ma tágali kólogo ni.

Kɔlɔsi ye 1:27

bele na wi da ni caa lè bi kalarali bee nìjanra kpɔ́ʔɔrɔ tɛ̀ɛn lè syɛɛnfeleyi nínge ni, kalarali bee li nyɛ àmɛɛ Kirisi nyɛ lè yele fúnyi ni, koro gi nyɛ nìjangbɔɔri sɔ̀ngumɔ tɛɛtaʔaga.

1 Tesaloniki ye 4:16

Níì cán Kàfɔw tiimaa a yìri nyɛ̀ʔɛni na bi tìgi ní báriga yákpogbɔɔlɔ ní, ní nyɛ̀ʔɛni tundungbɔɔɔ yákpolo ní, ní Kolocɔlɔɔ búruw wìimɛ ní, bele si be kùu lè Kirisi ni, poro pe a séli nyán yìri.

Heburubèle 12:23

Yele n nùuni fundaanra syɛɛnkpoʔolomɔ na, ní booma wozelizeebèle Egilizi na, poro bele mɛ́ɛyɛ yi sɛ́bɛ lè nyɛ̀ʔɛni ni. Yele n nùuni Kolocɔlɔɔ na wi lè syɛ́ɛnbèle myɛ kútiijooo, ní syɛɛnsinbèle pìigēle na, bele be nyɔɔ n foro lè.

Heburubèle 9:27

Amɛɛ gi kɔ̀rirɔ n tímana lè syɔɔn o syɔɔn ma wi kùu tɔlɔgɔ nibin, kútiiw si náa ba joo,

Tɛ̀ɛnnɛ 14:13

A mii yákpolo lóʔo nyɛ̀ʔɛni ni, a li mii pye: «Dee naa sɛ́bɛ: Bele be kúu lè Kàfɔw ni, nlaʔa lǎli naa na, bele bee i nyɛ dùba pìibēle!» A Pìicǎnni jo: «Ɛɛn, jàngó pe ŋɔ́n daa pe faligbanyi na, níì cán pe kapyegèle i taari be na.»