Wɔrɔmi ye 8:1 - Cebaara Bible 2010

¹ Koro na tɔ́ɔliw ni bele be nyɛ lè Kirisi Zyezu ni, bele bee wàa tɔ́lɔgɔ ní o nyɛ kálagili kútii ni í.

Wɔrɔmi ye 8:1 Iomraidhean Croise

Ezayi 54:17

Kapɛɛnkpumɔn-yáriri myɛ di sámagi mɔ kánmi na lè, ki kàa a yafyɛn nyɔɔ í, ní nyinnɛ o nyinnɛ li yìri kútii na ní mɔ ní lè, mɔ a joo bi li péemi jáa. Koro ki a pye Yawe falipyebèle kɔ́rigɔ, loro li nyɛ sínni, lee li yìrigí mii ma ni maa be ma lè,» Yawe wi jo nya.

Ezekyɛli 18:9

níì wiyɛɛ daʔa mii làlwaw kèlē na, níì mii kajoodɛɛngèle sámaga n cò, ní i gi kpéʔele ni yɛlɛgi ní kányɛɛgi ní, syɔ́ɔnw bee i nyɛ syɛɛnsiɔn, wi a tɔ̀nɔ́ kòro sìi na,» Kàfɔw Yawe wi jo nya.

Zyan 14:20

Cángi bee na yele a náa gi cán bi cán mii i nyɛ mii Tóow ni, si wɔ́ɔ gi cán yele i nyɛ mii ni, mii si wɔ́ɔ i nyɛ yele ni.

Zyan 15:4

Ki n yɛlɛ ye kòro mii ni, mii si wɔ́ɔ kòro yele ni. Amɛɛ káganni nyɛ lè li a gbǎn san liyɛɛ ma í, kapye li o nyɛ tírigi na í, ànbée si gi wɔ́ɔ̄ nyɛ, yele a gbǎn san yeyɛɛ ma í, kapye yele ga kòro mii ni í.

Zyan 5:24

Mii si a tɔ̀nɔ́ gi joo yele ma kányɛʔɛ ni, syɔ́ɔnwee faala wi ga ni mii syɛ́ɛnri lúro lè níì tága mii Tunvɔw na, sìibangwɔɔw i nyɛ wee bee ma, wi tɔlɔgɔ a ní pye kútiiw ni í, ncan wi n yiri kùúw ni n kwɔ́ɔ n jée sìíw ni.

Wɔrɔmi ye 16:3

Ye Pirisii ní Akilasi syáanri, be nyɛ lè mii falipyenyɛnbèle Kirisi Zyezu fáliw ni,

Wɔrɔmi ye 16:7

Ye mii kpaʔa wóbèle syáanri yaà, pe nyɛ lè Anduronikusi ní Zyunyasi, pe pye lè ní mii ní kàsow ni, á pe mɛ́ɛyi tɔ̀nɔ n yiri pìitunbèle nínge ni, àlí pe n tága Kirisi na mii yɛ́ʔɛ na.

Wɔrɔmi ye 5:1

Amɛɛ wolo sínni taa lè tágali báriga ni, gee bee na wolo nyɛ bɛ̀ɛlɛ na ní Kolocɔlɔɔ ní wolo Kàfɔw Zyezu Kirisi bárigaw ni.

Wɔrɔmi ye 5:16

Láʔala i nyɛ yakaangi bee, ní syɔ́ɔnw bee kapeele nínge ni. Níì cán syɔ́ɔnw bee nibin kapeele n kútiiw yìrige, wee kàdoʔo gi nyɛ lè wɔʔɔgi, kàjáa Kolocɔlɔɔ n yakaangi kaan kapeenɛʔɛgèle kpéʔelele kadoʔo ma, jàngó syɛ́ɛnbèle í sínni taa.

Wɔrɔmi ye 7:17

Mii si ban wi ní i nyɛ ki kpéʔelefɔw í, kapeebyeri di tɛ́ɛn mii ni lè, toro di nyɛ ki kpéʔelefɔw.

Wɔrɔmi ye 7:20

Gee si gi lè mii o caa bàā gi kpéʔele lè í, mii ga ni gee bee kpéʔele, mii ban wi ní i nyɛ ki kpéʔelefɔw í, kapeebyeri di tɛ́ɛn mii ni lè, toro di nyɛ ki kpéʔelefɔw.

Wɔrɔmi ye 8:11

Wee wi Zyezu nyán n yirige kúbèle nínge ni lè, wee bee Pìle ga pye yele fúnyi ni, woro wee wi Kirisi Zyezu nyán n yirige lè kúbèle nínge ni, wi a ba yele cekuuri nyán di pye sìi na wi Pǐli báriga ni li tɛ́ɛn lè yele fúnyi ni.

Wɔrɔmi ye 8:14

Níì cán Kolocɔlɔɔ Pǐli ga pye bele yɛɛ̀kinio lè, bele bee i nyɛ Kolocɔlɔɔ pìibēle.

Wɔrɔmi ye 8:2

Níì cán Pìicǎnni li sìíw kaangi syɔɔn ma Kirisi Zyezu ni lè, li làlwaw n mii yirige kapeebyeri ní kùúw làlwa púloro ni.

Wɔrɔmi ye 8:34

Ba wìí wi a kálagili kútii kúun be na? Níì cán Kirisi Zyezu wi kùu. Koro yagana si ban í, ncan wi n nyán n pye sìi na, ní sáà tɛ́ɛn Kolocɔlɔɔ kàliige ma, ní i nyɛ́ɛri wolo kéeli na!

Wɔrɔmi ye 8:39

ǹjoʔo ma fǎnyi yoo, táàma wóyi yoo, wàlá Kolocɔlɔɔ yakpéʔelegaa faala a gbǎn fànʔa taa bi wolo láʔa Kolocɔlɔɔ tàmagi na í, gee wolo taa lè wolo Kàfɔw Kirisi Zyezu bárigaw ni.

Wɔrɔmi ye 8:4

koro ga pye àmɛɛ Mowizi làlwaw caa syɔɔn í da síngi lè, koro í ba foro wolo ma, wolo bele wo nyɛ lè wolo o táanri ni yɛlɛgi ní céri kínidɛnɛgɛ ní í, fwɔɔ ní Pìicǎnni kínidɛnɛgɛ ní.

Wɔrɔmi ye 8:9

Yele si na, yele o nyɛ céri kôdanʔabéle í, fwɔɔ Pìicǎnni kôdanʔabéle àmɛɛ Kolocɔlɔɔ Pǐli tɛ́ɛn lè yele fúnyi ni. Kirisi Pǐli ga pye li o nyɛ syɔ́ɔnwee fúngo ni lè í, wee bee o nyɛ Kirisi wóo í.

1 Korɛnti ye 1:30

Kolocɔlɔɔ bárigaw ni yele nyɛ Kirisi Zyezu ni, woro Kolocɔlɔɔ kpéʔele wolo ma sícilimi, ní sínni, ní jéemununi, ní syɔɔli,

1 Korɛnti ye 15:22

Amɛɛ Adami pye lè sábabu syɛ́ɛnbèle myɛ na pé i kúu, ànbée Kirisi wɔ́ɔ̄ nyɛ sábabu syɛ́ɛnbèle myɛ na pé ní pye sìi na.

2 Korɛnti ye 12:2

Mii n nànwaa cán Kirisi ni, wee pe da láa n tórigo lè nyɛ̀ʔɛgèle taanri wólo ma, ki n yɛ̀ʔɛlɛ kɛɛ ní sicɛrɛ kwɔ́ɔ n kwɔ́ɔ, (kapye wi maa pye céri ni yoo, wàlá wi da zǐn pye céri ni í yoo, mii ga gi cán í, Kolocɔlɔɔ wi gi cán.)

2 Korɛnti ye 5:17

Gee bee na ní syɔ́ɔnwee ga pye lè Kirisi ni, Kolocɔlɔɔ n wee bee faan kavɔn. Wéle, yalɛɛri n sɔ̀lɔ n kwɔ́ɔ, á di kàri wovɔnrɔ.

Galasi ye 3:13

Kirisi n baa wolo syɔɔ làlwaw dánga ma, àmɛɛ wi dángaw yaʔa a wi too woro na wolo sìndɛɛgi ni lè, níì cán ki n sɛ́bɛ níì jo: «Syɔɔn o syɔɔn be cɔ̀rɔ lè tiige na, wee bee n dánga.»

Galasi ye 3:26

Níì cán àmɛɛ yele tága Kirisi Zyezu na lè, yele myɛ i nyɛ Kolocɔlɔɔ jàala tágali báriga ni.

Galasi ye 3:28

Wàa ní o nyɛ Zyefuo, wàa si i nyɛ syɛɛnfelegaa í, wàlá puloo, wàa si i nyɛ wɔ́rɔɔ í, wàlá nàɔn, wàa si i nyɛ cɔlɔɔ í, níì cán yele myɛ i nyɛ nibin Kirisi Zyezu ni.

Galasi ye 5:16

Dee si mii a joo lè, toro di dee naa: Ki n yɛlɛ yaa táanri Pìicǎnni báriga ni koro ga pye yele a ní da céri kínidɛnɛgɛ kele kpéʔele nyáana í.

Galasi ye 5:25

Amɛɛ wolo sìíw taa lè Pìicǎnni báriga ni, ànbée gi wɔ́ɔ̀ yɛlɛ wolo í da táanri Pìicǎnni báriga ni.

Efɛzi ye 1:1

Mii Pɔli wi lè Kirisi Zyezu pìituɔn n yɛlɛ ní Kolocɔlɔɔ nyɛ́nɛ kéeli ní, mii a sɛ́bɛw naa tórigo yele ma, yele bele ye nyɛ lè Kolocɔlɔɔ syɛɛncanbèle [Efɛzi ni], ní i nyɛ tágala syɛɛnnɛ Kirisi Zyezu ni.

Filipikaʔa ye 3:9

mii si pye syɛɛnsiɔn wi ni, sínni bee si a kɔ́ pye mii wólo í, lee li taagi Mowizi làlwaw ma lè í, fwɔɔ lee li taagi lè tágali báriga ni Kirisi na, sínni bee i taagi Kolocɔlɔɔ ma tágali kólogo ni.