Wɔrɔmi ye 7:9 - Cebaara Bible 2010

⁹ Booma ni mii da pye lè Mowizi làlwaw sìnján ni, mii maa pye sìi na. Amɛɛ si làlwaw bee tundunro pan lè, a kapeebyeri baa pye sìi na, á mii kùu.

Wɔrɔmi ye 7:9 Iomraidhean Croise

Ŋúnuyi 40:12

Mɔ Yawe, mɔ a kɔ́ mii kún mɔ nyínimi na í, ki n yɛlɛ mɔ funjǎngi ní mɔ kányɛɛgi í da mii kpáaw wéle làla o làla.

Matye 19:20

A nǎnw wi yari: «Mii maa téè tundunri bee myɛ cò. Keelìí si li níì kòro mii ma?»

Luki 15:29

A wi wi tóow pye: ‹Wéle, mii i fála mɔ ma nlaa yaà yɛ́ɛgèle naa myɛ ni, mii ga kɔ́ɔ̀ mɔ kéelaa faala cée nyáana í. Koro ní ki myɛ ní mɔ ga kɔ́ɔ̀ sikepiige kaan mii ma koro ga pye mii í fundaanra kpéʔele ní mii tàannyɛnbèle ní í.

Luki 18:21

A wi jo: «Nlaa yaà mii cárimi làla ni, mii n tundunri bee myɛ cò.»

Wɔrɔmi ye 10:5

Mowizi maa gi sɛ́bɛ níì jo: «Syɔ́ɔnwee wi làlwaw kasingéle myɛ kpéʔele lè, wi a sìi taa ke bárigaw ni.»

Wɔrɔmi ye 7:10

Tundunri ti da kaan lè sìíw kéele na, a dee bee si baa pye mii ma kùúw sábabu.

Wɔrɔmi ye 7:11

Níì cán kapeebyeri n kanmaa taa tundunri báriga ni n mii fáana n kpóo.

Wɔrɔmi ye 7:4

Ni senyɛ̀nnɛ, kánmi bee wonijanma na yele kùu Mowizi làlwaw kàbaan na àmɛɛ yele nyɛ cere nibin ní Kirisi ní lè, níì pye wi wòolo woro wee Kolocɔlɔɔ nyán n yirige kúbèle nínge ni lè, jàngó wolo í da yasanra sangi Kolocɔlɔɔ ma.

Wɔrɔmi ye 7:6

Kàjáa tɔ́ɔliw ni wolo n syɔɔ làlwaw bee fànʔa ma, níì cán woro wi da wolo cò n yérige, wolo si n kùu wi kàbangi na, a koro gi kaan wolo ní o báara Kolocɔlɔɔ ma kanlɛɛmi na n yɛlɛ ní syɛɛnsɛbɛlɛɛri ní í, fwɔɔ kanvɔnmi na, bee wolo taa lè Pìicǎnni ma.

Wɔrɔmi ye 7:8

Kapeebyeri si n kanmaa taa làlwaw bee tundunro báriga ni ni nyabɛɛntaari féleye myɛ yìrigí mii fúngi ni. Níì cán kapye làlwaw o yaà í, kapeebyeri n kùu.

Wɔrɔmi ye 8:7

Bele ni céri kèlē sɔngurɔ nyɛ lè, bele bee i nyɛ Kolocɔlɔɔ nígoobéle, níì cán sɔ̀nguri bee n be kaan pe o lúro Kolocɔlɔɔ ma í, àlí fànʔa o wɔ́ɔ̄ nyɛ be ni bi gbǎn gi kpéʔele í.

Galasi ye 2:19

Níì cán làlwaw bee báriga ni mii kùu làlwaw kàbaan na, jàngó mii í pye sìi na Kolocɔlɔɔ kàbangi na. Pe n mii pínɛ n kóri tiiparigi na ní Kirisi ní.

Galasi ye 3:10

Bele myɛ si be peyɛɛ daʔa lè Mowizi làlwaw kapyegèlē na, dángaw i nyɛ bele bee na, níì cán ki maa sɛ́bɛ níì jo: «Kérigèle ge sɛ́bɛ làlwaw sɛ́bɛ ni lè, syɔɔn o syɔɔn wi lè wi o gele bee myɛ kpéʔele ni forogi í, wee bee n dánga.»