Wɔrɔmi ye 7:7 - Cebaara Bible 2010

⁷ Ki ga pye nya, nyàʔá si wolo a joo? A Mowizi làlwaw i nyɛ lé kapeele láà? Eʔe dɛ! Kàjáa kapye làlwaw bee da pye naa í, mii mǎà dée kapeegèle cán nyáana í. Kapye làlwaw bee da gi joo níì jo: «Mɔ a kɔ́ nyabɛɛnnɛ kpéʔele í,» mii mǎà dée nyabɛɛnnɛ kéele cán í.

Wɔrɔmi ye 7:7 Iomraidhean Croise

Sélimɛ 3:6

A céw gi nyaa tiisangi bee a pye lìijànna, á gi wɔ́ɔ̀ wélemɛ dɛ́nɛ, ní wɔ́ɔ i nyɛ bi gbǎn kérigèle sɛʔɛwelele sícilimɛ kaan syɔɔn ma, a wi fala n ki yasangaa cɔɔ n lìi, níì kàa kaan wi nǎnw ma wi pye yaà ní wi ní lè, a woro wɔ́ɔ̀ gi lìi.

2 Samyɛli 11:2

A Davidi si kɔ́ɔ̀ yìri wi yasinɛgi na cangaa cângwɔʔɔ nyɔ́ɔ na ni nyaari ni máari fànʔafɔ-gbaagi ǹjoʔo ni, a wi cewaa wéle n nyaa wi i wíri, wee wi da tɔ̀nɔ n nyɔɔ lè gbanʔama.

Ŋúnuyi 119:96

Gee myɛ gi nyɔɔ n foro lè, mii i gi láʔali nyaagi, kàjáa mɔ kajoodɛɛngèle i nyɛ tɛɛ̀laʔala fun ni.

Yirile 20:17

Mɔ a kɔ́ nyabɛɛnnɛ taa mɔ syɛɛnnyɛnnɛ kpaʔa na í. Mɔ syɛɛnnyɛnnɛ cɔ́ɔ nyánbɛɛnnɛ ga yɛlɛ bi pye mɔ na í, wàlá wi falipyenàɔn, ní wi falipyecɔɔ̀, ní wi nɔ̀ɔ, ní wi jòfani, wàlá wi kɔlɔ̀ yárigaa faala nyabɛɛnnɛ a kɔ́ pye mɔ na í.»

Misye 2:2

Pe i nyabɛɛnnɛ kpéʔele seye kéele na, ní i yi nɛnɛ ni syoo, ní kpaaya kéele na, ní i yi syoo fànʔa na. Pe i fǎngi gbàngí kànanbile ní li kpáagi na, n wɔ́ɔ ni gi gbàngí nàɔn ní wi kɔ́rigi na.

Matye 5:28

Mii si a gi joo yele ma si yele pye, syɔɔn o syɔɔn wi cɔlɔɔ wéle lè wélebeele na, wee bee n wi taa n kwɔ́ɔ wi fúngi ni.

Luki 12:15

Níì fala n gi joo be ma níì jo: «Yaa kɔ̀rɔsíi, yé yeyɛɛ còganmi cán lɔjaabeeyi féleye myɛ na. Níì cán syɔɔn ga lɔrɔ saʔa taa felege o felege na, wi a gbǎn sìíw taa wi kɔlɔ̀ yáriri báriga ni í.»

Luki 20:16

Wi a lúru pan ba ɛrɛzɛn sefalabèle bee kpóo si ségi kàlifáa pèle nikwɔɔlɔ ma.» Lǎli ni syɛ́ɛnbèle syɛ́ɛnri bee lóʔo lè, a be jo: «Gee bee ga yɛlɛ gi kpéʔele nyáana í.»

Kapyegèle 20:33

Mii da ni nyabɛɛnnɛ kpéʔele syɔɔn faala yáriga na í, wáli yoo, tɛɛ̀ yoo, buroyo yoo.

Wɔrɔmi ye 13:9

Làlwaw tundunro ti gi joo lè níì jo: «Mɔ a kɔ́ kanɔnʔɔrɔ kpéʔele í, mɔ a kɔ́ syɔɔn kpóo í, mɔ a kɔ́ yùu í, mɔ a kɔ́ nyabɛɛnnɛ kpéʔele í,» tundunri bee ní wozanri di kòro lè, ti myɛ nyúngo gi nyɛ gee naa: «Mɔ syɛɛnnyɛnw kéele yaʔa li mɔ dɛ́nɛ àmɛɛ mɔ miyɛɛ dɛ́nɛ lè.»

Wɔrɔmi ye 3:20

Níì cán Kolocɔlɔɔ a tée sínni kaan syɔɔnwaa faala ma Mowizi làlwaw kèlē kpéʔelele báriga ni í, níì cán gee gi nyɛ lè làlwaw bee fáli nyúngo, koro gi nyɛ bi gi tɛ̀ɛn syɛ́ɛnbèle na pe gi fílige cán bi cán poro i nyɛ kapeebyebèlē.

Wɔrɔmi ye 3:5

Ki ga pye wolo kakolobyeri i gi tèé n jo Kolocɔlɔɔ n sín, nyàʔá si wolo a ní joo? Amɛɛ Kolocɔlɔɔ a ba wolo dulunyanw syɛ̀ɛnnɛ wɔʔɔ lè, a wolo a jo lé wi n kolo? (Mii i dee naa nyuu syɛ́ɛnbèle jooganma na.)

Wɔrɔmi ye 4:1

Nyàʔá si wolo a joo Abirahami kéeli na, wi lè wolo tóolɛɛw céri kàbaan na? Mɛ̀ɛ́ ki baa pye wi ma n sɛ́ɛ?

Wɔrɔmi ye 4:15

Níì cán làlwaw wi maa ní Kolocɔlɔɔ fundanʔari ní, làlwaw si ga pye wi o nyɛ tɛ́ɛgee ni lè í, wi céemɛ o wɔ́ɔ̄ nyɛ tɛ́ɛgi bee ni í.

Wɔrɔmi ye 5:20

Mowizi làlwaw si n pan jàngó kolomi í da nɛʔɛgi. Kàjáa tɛ́ɛgee ni kapeebyeri ga nɛʔɛ lè, Kolocɔlɔɔ kpɔ́ʔɔri n wɔ́ɔ̀ pye nɛɛ bee wonɛʔɛrɛ ní n sɔ̀lɔ,

Wɔrɔmi ye 6:15

Ki ga pye nya, àmɛɛ gi nyɛ lè wolo o nyɛ Mowizi làlwaw fànʔa ni í, fwɔɔ kpɔ́ʔɔri fànʔa ni, a gee bee jo lé ki n yɛlɛ wolo í da kapeegèle kpéʔele? Eʔe dɛ!

Wɔrɔmi ye 7:11

Níì cán kapeebyeri n kanmaa taa tundunri báriga ni n mii fáana n kpóo.

Wɔrɔmi ye 7:13

A yacangi bee si baa pye lé mii ma kùúw sábabu? Eʔe dɛ! Kàjáa kapeebyeri ti da yacangi bee pye sábabu níì mii kpóo, a koro gi kaan a mii gi cán ti i nyɛ kapeebyere, gee bee na ti baa pee n sɔ̀lɔ gbanʔama làlwaw bee tundunro báriga ni.

Wɔrɔmi ye 7:5

Níì cán lǎli ni wolo da pye lè céri kôdanʔabéle, Mowizi làlwaw maa ni kapeegèle láanitaʔa kele yìrigí wolo ma, ke maa ni báara wolo céri tɛ́ɛyɛ ni ní i wolo tórogi kùúw ma.

Wɔrɔmi ye 7:8

Kapeebyeri si n kanmaa taa làlwaw bee tundunro báriga ni ni nyabɛɛntaari féleye myɛ yìrigí mii fúngi ni. Níì cán kapye làlwaw o yaà í, kapeebyeri n kùu.

1 Korɛnti ye 15:56

Kùúw sɔ́ɔnrɔ di nyɛ kapeebyeri. Kapeebyeri fànʔa si gi nyɛ Mowizi làlwaw.

Efɛzi ye 5:3

Kàjáa ceyuugi, ní nànyuugi, ní kanɔnʔɔrɔ syɛ́ɛnraa faala ga yɛlɛ taa nyuu yele níngi ni í, wàlá fungbɔʔɔ syɛ́ɛnrɛ í, gee bee ga yɛlɛ Kolocɔlɔɔ syɛɛncanbèle na í.

Làlwaw Kaanziin 5:21

Mɔ syɛɛnnyɛnnɛ cɔ́ɔ nyabɛɛnnɛ ga yɛlɛ bi pye mɔ na í. Mɔ syɛɛnnyɛnnɛ kpaʔa láa ga yɛlɛ bi pye mɔ na í, wàlá wi ségi, wàlá wi falipyenǎnw, wàlá wi falipyecew, wàlá wi nìfalagi, wàlá wi jòfaniw, wàlá wi kɔlɔ̀ yárigaa faala nyabɛɛnnɛ a kɔ́ pye mɔ na í.›

Kɔlɔsi ye 3:5

Gee bee na gi yɛlɛ yele í yele kanlɛɛmi kèlē kpóo ge nyɛ lè ceyuugi, ní nànyuugi, ní kanɔnʔɔri, ní céri ki laànitaʔa kérigèle, ní sɔ̀ngubeeri, ní fungbɔɔgi ní, ki nyɛ lè yasunzunro.

1 Tesaloniki ye 4:5

yele wàa a kɔ́ wiyɛɛ daʔa ki laànitaagi sɔ̀ngurɔ na taa wi kàragí àmɛɛ syɛɛnfeleyaa gi kpéʔele lè í, yee yi lè yi ga Kolocɔlɔɔ cán í.

Heburubèle 7:19

níì cán wi ga yafyɛn sín n foro í, kàjáa Kolocɔlɔɔ n sɔ̀ngumɔ tɛɛtaʔaga kaan wolo ma, gee gi nyɔɔ n sɔ̀lɔ lè booma wógi na, sɔ̀ngumi bee tɛɛtaʔaga báriga ni wolo nùuní Kolocɔlɔɔ na.

Zyozuwe 7:21

Mii n Syineyari búrogbɔɔ-càngaa nyaa kapɛɛnni yataara ni n fàra wálifiio támabéle sirakele na, ní tɛɛ̀nyinnɛ nibin, lee li cúlo tíla kwɔ́ɔ lè, a di nyabɛɛnni pye mii na, a mii di láa. Ti i yaà dee wolarigara ní tári ni, mii fànikpaagi fúngo ni. Wálifiiw si i yaà di láari ni.»