Biblia Todo Logo
Bìoball air-loidhne

- Sanasan -




Wɔrɔmi ye 7:6 - Cebaara Bible 2010

6 Kàjáa tɔ́ɔliw ni wolo n syɔɔ làlwaw bee fànʔa ma, níì cán woro wi da wolo cò n yérige, wolo si n kùu wi kàbangi na, a koro gi kaan wolo ní o báara Kolocɔlɔɔ ma kanlɛɛmi na n yɛlɛ ní syɛɛnsɛbɛlɛɛri ní í, fwɔɔ kanvɔnmi na, bee wolo taa lè Pìicǎnni ma.

Faic an caibideil Dèan lethbhreac




Wɔrɔmi ye 7:6
24 Iomraidhean Croise  

Mii a fungo nibin kaan be ma, mii a pìifɔnnɔ le yele ni, mii a kàdɛnɛgi fúngo yirige be céri ni, si cere fúngo kaan be ma.


Mii a funvɔngɔ kaan yele ma, mii a pìifɔnnɔ le yele ni. Mii a kàdɛnɛgi fúngo yirige yele céri ni, si cere fúngo kaan yele ma.


Kolocɔlɔwee fáli mii kpéʔele lè ní mii fúngi myɛ ní ní i Syɛɛnjóocǎnri nyuu lè wi Jáaw kéele na, wi i nyɛ mii séera ncan mii i yele kéeli nyuu mii nyɛ́ɛriyi ni làla o làla.


Ki ga yɛlɛ yele í ní da dulunyanw naa syɛ̀ɛnnɛ tɛ́ɛlɛ í, kàjáa ki n yɛlɛ yele í yele fúnyi kàriga si fàli, koro ga pye yele í Kolocɔlɔɔ nyɛ́nɛ kéeli sámaga cán, lee li nyɔɔ n foro lè, níì Kolocɔlɔɔ dɛ́nɛ.


Kánmi bee na ki wɔ́ɔ̀ yɛlɛ yaa yeyɛɛ jóro kúbéle kapeegèle kàbaan na, sáā yeyɛɛ jóro niweebèlē Kolocɔlɔɔ kàbangi na àmɛɛ yele nyɛ lè Kirisi Zyezu ni.


Mii i nyuu yele ma syɛ́ɛnbèle jooganma na yele céri báriga fùnmɔ kéele na. Amɛɛ yele da yele céri tɛ́ɛyɛ kaan lè a yi pye kanɔnʔɔri ní kolomi púloro ni ni kakolobyeri kpéʔele kánmee na lè, kánmi bee na tɔ́ɔliw ni, ye yele céri tɛ́ɛyɛ kaan yi pye sínni púloro ni bàā kasingèle kpéʔele.


Eʔe dɛ! Wolo bele wo kùu lè kapeegèle kàbaan na, mɛ̀ɛ́ wolo a ní kòro bàā ge kpéʔele bi sɛ́ɛ?


Kàjáa tɔ́ɔliw ni, àmɛɛ Kolocɔlɔɔ yele yirige kapeebyeri púloro ni lè, níì yele lége woro tiimaa púlori ni, tɔ̀nɔwee yele baa taa lè, woro wi nyɛ jéemununi, gee bee kàdoʔo si gi nyɛ sìibangwɔɔw.


Gee bee na pe n wolo tɔ́n ní Kirisi ní batɛmiw báriga ni, kánmi bee na wolo pínɛ ní wi ní kùúw ni, koro ga pye kánmee na Tofɔw wi nyán n yirige lè kúbèle nínge ni woro nìjangbɔɔri báriga ni, wolo í wɔ́ɔ ra táanri kánmi bee na sìifɔnw ni.


Ni senyɛ̀nnɛ, yele bele ye nyɛ lè Mowizi làlwaw cánvɔɔlɔ, yele ní mii nyuu, yele ga gi cán ncan làlwaw i nyɛ syɔɔn nyúngi na wi wéemi làla myɛ ni ì?


Kánmi bee na nàɔn ga cɔlɔɔ pɔri, làlwaw n céw pwɔɔ wi nǎnw na wi wéemi làla myɛ ni. Kàjáa wi nǎnw ga kùu, wi n syɔɔ wi nǎnw làlwa ma.


Ni senyɛ̀nnɛ, kánmi bee wonijanma na yele kùu Mowizi làlwaw kàbaan na àmɛɛ yele nyɛ cere nibin ní Kirisi ní lè, níì pye wi wòolo woro wee Kolocɔlɔɔ nyán n yirige kúbèle nínge ni lè, jàngó wolo í da yasanra sangi Kolocɔlɔɔ ma.


Woro wi séew kaan wolo ma wolo í pye joogaanvɔnni falipyebèlē, làlwaw sɛ́bɛ joogaanna ban í, Pìicǎnni wólo lii. Níì cán làlwaw sɛ́bɛrɛ i syɛ́ɛnbèle kúu, Pìicǎnni si i sìi kaangi be ma.


Gee bee na ní syɔ́ɔnwee ga pye lè Kirisi ni, Kolocɔlɔɔ n wee bee faan kavɔn. Wéle, yalɛɛri n sɔ̀lɔ n kwɔ́ɔ, á di kàri wovɔnrɔ.


Kirisi n baa wolo syɔɔ làlwaw dánga ma, àmɛɛ wi dángaw yaʔa a wi too woro na wolo sìndɛɛgi ni lè, níì cán ki n sɛ́bɛ níì jo: «Syɔɔn o syɔɔn be cɔ̀rɔ lè tiige na, wee bee n dánga.»


Níì cán kɛ́nɛkpeʔeleri yoo, kɛ́nɛnaa-sìngbeʔeleri yoo, dee bee tàa faala o nyɛ yafyɛn í, fwɔɔ syɔɔn í kàri syɛɛnfɔ́ɔn.


yé kanvɔnmɔ le yeyɛɛ na, bee Kolocɔlɔɔ kpéʔele lè pi woro wómi wíri sínni, ní funviiri ni ti yìrigí lè kányɛɛgi ma.


Níì cán wolo bele wo Kolocɔlɔɔ kpɔ̀ʔɔrɔ́ lè wi Pǐli báriga ni, ní i nyɔ̌ngbɔɔlɔ táanri àmɛɛ wolo nyɛ lè Kirisi Zyezu ni, níì wolo sɔ̀ngumi láʔa céri kèlē na, wolo wo nyɛ kɛ́nɛtelew kpéʔelefɔɔlɔ.


níì kanvɔnmi le yeyɛɛ na, kàa i fàrá kanvɔnmi bee na làla o làla ni yɛlɛgi ní bi faanfɔw kánma ní, koro ga pye yele í ba kérigèle myɛ cán.


Lean sinn:

Sanasan


Sanasan