Wɔrɔmi ye 7:5 - Cebaara Bible 2010

⁵ Níì cán lǎli ni wolo da pye lè céri kôdanʔabéle, Mowizi làlwaw maa ni kapeegèle láanitaʔa kele yìrigí wolo ma, ke maa ni báara wolo céri tɛ́ɛyɛ ni ní i wolo tórogi kùúw ma.

Wɔrɔmi ye 7:5 Iomraidhean Croise

Matye 15:19

Níì cán dee di yìrigí lè syɔɔn fúngi ma, toro di nyɛ sɔ̀ngubeeri, ní syɛɛnkpoori, ní ceyuugi, ní nànyuugi, ní kanɔnʔɔbyeri, ní kàyuugi, ní jànvaaw séera, ní Kolocɔlɔɔ mɛ́ɛkalagiri ní,

Zyan 3:6

Céri ga wee see lè, wee bee i nyɛ cere, Pìicǎnni ga wee see lè, wee bee i nyɛ pìle.

Wɔrɔmi ye 1:26

Gee bee si na Kolocɔlɔɔ be yaʔa pe fundaayi fɛ̀ɛfɔnmɔ kèlē ni, níì cán àmɛɛ cébèle yɛlɛ bàā sìnɛ́ ní pe nǎnbèle ní lè, a be gee bee yaʔa níì gi kàriga kanmaa na ni kpéʔele pe céri na, gee gi nyɛ lè ki ga yɛlɛ gi kpéʔele í.

Wɔrɔmi ye 3:20

Níì cán Kolocɔlɔɔ a tée sínni kaan syɔɔnwaa faala ma Mowizi làlwaw kèlē kpéʔelele báriga ni í, níì cán gee gi nyɛ lè làlwaw bee fáli nyúngo, koro gi nyɛ bi gi tɛ̀ɛn syɛ́ɛnbèle na pe gi fílige cán bi cán poro i nyɛ kapeebyebèlē.

Wɔrɔmi ye 4:15

Níì cán làlwaw wi maa ní Kolocɔlɔɔ fundanʔari ní, làlwaw si ga pye wi o nyɛ tɛ́ɛgee ni lè í, wi céemɛ o wɔ́ɔ̄ nyɛ tɛ́ɛgi bee ni í.

Wɔrɔmi ye 5:20

Mowizi làlwaw si n pan jàngó kolomi í da nɛʔɛgi. Kàjáa tɛ́ɛgee ni kapeebyeri ga nɛʔɛ lè, Kolocɔlɔɔ kpɔ́ʔɔri n wɔ́ɔ̀ pye nɛɛ bee wonɛʔɛrɛ ní n sɔ̀lɔ,

Wɔrɔmi ye 6:13

Ki ga wɔ́ɔ̀ yɛlɛ yele í ní yele céri tɛ́ɛyɛ yaʔa kapeebyeri kɔ́yɔ ni bi yi kpéʔele kakolobyeri falipye-yarira í. Kàjáa ki n yɛlɛ ye yeyɛɛ gaan Kolocɔlɔɔ ma bi pye àmɛɛ syɛ́ɛnbèle pèle nyɛ lè, bele be nyán n yiri kúbèle nínge ni lè n pye sìi na, yé yele céri tɛ́ɛyɛ kaan Kolocɔlɔɔ ma yi pye sínni falipye-yarira.

Wɔrɔmi ye 6:19

Mii i nyuu yele ma syɛ́ɛnbèle jooganma na yele céri báriga fùnmɔ kéele na. Amɛɛ yele da yele céri tɛ́ɛyɛ kaan lè a yi pye kanɔnʔɔri ní kolomi púloro ni ni kakolobyeri kpéʔele kánmee na lè, kánmi bee na tɔ́ɔliw ni, ye yele céri tɛ́ɛyɛ kaan yi pye sínni púloro ni bàā kasingèle kpéʔele.

Wɔrɔmi ye 6:21

Kérigèle ge nyɛ lè yele na fɛ̀ɛrɛ tɔ́ɔliw ni, gele yele da ni kpéʔele lè booma ni, nyàʔá tɔ̀nɔfeleo yele da ni taagi ge ni lǎli bee ni? Níì cán gele bee kàdoʔo gi nyɛ kùúw.

Wɔrɔmi ye 6:23

Níì cán kapeebyeri sàra wi nyɛ kùúw, kàjáa kpɔ́ʔɔri Kolocɔlɔɔ kaan wolo ma lè, toro di nyɛ sìibangwɔɔw wolo Kàfɔw Zyezu Kirisi bárigaw ni.

Wɔrɔmi ye 7:23

Mii si n làlwawaa nikwɔɔ nyaa mii céri tɛ́ɛyɛ ni, làlwaw bee i kapɛɛnni kpúmɔn ní mii fúngi wóo ní, ní i mii có ni légi kapeebyeri làlwa púloro ni, wee wi nyɛ mii céri tɛ́ɛyɛ ni lè.

1 Korɛnti ye 15:56

Kùúw sɔ́ɔnrɔ di nyɛ kapeebyeri. Kapeebyeri fànʔa si gi nyɛ Mowizi làlwaw.

2 Korɛnti ye 10:3

Wolo wíre i táanri céri naa ni, ki i nyɛ kányɛʔɛ, kàjáa wolo si tɔ́ɔ o kapɛɛnni kpúmɔn dulunyanw syɛ̀ɛnnɛ wólo kpúmɔnganma na í.

Galasi ye 3:10

Bele myɛ si be peyɛɛ daʔa lè Mowizi làlwaw kapyegèlē na, dángaw i nyɛ bele bee na, níì cán ki maa sɛ́bɛ níì jo: «Kérigèle ge sɛ́bɛ làlwaw sɛ́bɛ ni lè, syɔɔn o syɔɔn wi lè wi o gele bee myɛ kpéʔele ni forogi í, wee bee n dánga.»

Galasi ye 5:24

Kirisi Zyezu wóbèle n peyɛɛ kóri tiiparigi na tɔ́ɔliw ni jàngó céri, ní di ki laànitaagi, ní di kínidɛnɛgi í kùu.

Efɛzi ye 2:11

Gee bee na yele bele ye nyɛ lè syɛɛnfeleyaa nikwɔɔ céri kàbaan na, ye sɔ̀ngi ye taa gi na ncan booma ni kɛ́nɛw fɔ̀ɔlɔ, be lè a syɔɔn kɔ́lɔ be kɛ́nɛ céri na, bele bee maa ni yele yiri kɛ́nɛnaa-sìngbeʔelebéle.

Efɛzi ye 2:3

Kánmi bee na wolo myɛ da wɔ́ɔ̀ pínɛ ni táanri ní be ní lǎli bee ni wolo céri ki laànitaʔa, ní di nyɛnɛ kérigèle ni, ní i di kasɔngugèle kpéʔele, pe maa wolo see Kolocɔlɔɔ fundanʔari láara ni àmɛɛ wozanbèle wɔ́ɔ̄ nyɛ lè.

Kɔlɔsi ye 3:5

Gee bee na gi yɛlɛ yele í yele kanlɛɛmi kèlē kpóo ge nyɛ lè ceyuugi, ní nànyuugi, ní kanɔnʔɔri, ní céri ki laànitaʔa kérigèle, ní sɔ̀ngubeeri, ní fungbɔɔgi ní, ki nyɛ lè yasunzunro.

Tiiti 3:3

Níì cán wolo maa wɔ́ɔ̀ pye kanaa-sìnjánbéle ní sìnloʔobéle, ní wɔ́ɔ̀ pùuni, wolo maa pye céri ki laànitaʔa púloro ni, ni di kínidɛnɛgi kèlē féleye myɛ kpéʔele, wolo maa kòro kakolobyeri ní nyabɛɛnni na ni kpéʔele, wolo maa ni woyɛɛ kanibɛɛngèle kpéʔele níì woyɛɛ bara.

Zyaki 1:15

Syɔɔn fundaagi n si baa ficɛnnɛ taa bi kapeele see. Kapeebyeri ga baa foro, ti n kùu see.

Zyaki 4:1

Kàsiiw ní kàkabalayi yi nyɛ lè yele níngi ni, sán di yìrigí? Yele fundaayi kèlē ge túngu lè yele céri ni làla o làla, koro má ban di yìrigí ì?

1 Zyan 3:4

Syɔ́ɔnwee faala wi kòro ni kapeegèle kpéʔele lè wee bee wɔ́ɔ i Kolocɔlɔɔ làlwaw cèʔé, níì cán kapeebyeri di nyɛ làlwaw céele.