Wɔrɔmi ye 7:4 - Cebaara Bible 2010

⁴ Ni senyɛ̀nnɛ, kánmi bee wonijanma na yele kùu Mowizi làlwaw kàbaan na àmɛɛ yele nyɛ cere nibin ní Kirisi ní lè, níì pye wi wòolo woro wee Kolocɔlɔɔ nyán n yirige kúbèle nínge ni lè, jàngó wolo í da yasanra sangi Kolocɔlɔɔ ma.

Wɔrɔmi ye 7:4 Iomraidhean Croise

Ezayi 54:5

Níì cán mɔ Faanfɔw wi nyɛ mɔ nanbɔriw. Wi mɛ́ɛgi gi nyɛ Yawe wi lè Nyɛ̀ʔɛni Sùlasiibéle Kafɔlɔ. Isirayɛli Wojanw wi nyɛ mɔ Nyunzyɔɔw, wi mɛ́ɛgi gi nyɛ tári myɛ Kolocɔlɔɔ.

Ezayi 62:5

Amɛɛ nìgɔcariɔ gáà nàngeele sinján pìcaa pɔri lè, ànbée mɔ faanfɔw a mɔ pɔri, ní àmɛɛ cefɔɔn nyɛ lè cefɔnw fɔ́lɔ fundaanra, ànbée mɔ a pye mɔ Kolocɔlɔw fundaanra.

Matye 26:26

Lǎli ni be pye lè lìíli na, a Zyezu búruw láa níì bariga kaan Kolocɔlɔɔ ma níì wi kabagi n lɛɛ pìitamabèle na níì jo: «Ye wi syɔɔ ye lìi. Wee naa wi nyɛ mii céri.»

Mariki 4:20

Dee si di too lè tácǎnri tɛ́ʔɛ ni, koro gi nyɛ syɛ́ɛnbèle ga syɛ́ɛnri lóʔo níì di cò, pe n ni sangi ni taagi, tàa toko ní kpɔrigɔ, tàa togoye taanri, tàa dabata.»

Zyan 15:8

Yele ga ni yasanra saʔa sangi, gee bee a nìjangbɔɔri taʔa mii Tóow na, yele si a pye mii pìitamabéle.

Zyan 3:29

Wee má cefɔnw nyɛ lè, woro wi céw fɔ́lɔ. Kàjáa céw bee fɔ́lɔ tàannyɛnnɛ wi nyɛ wi taana lè, ní i líiyi cáan wi ma, fundaangbɔɔrɔ i nyɛ wee bee ma cefɔnw fɔ́lɔ syɛɛnjóoro báriga ni. Fundaanri bee si di nyɛ mii ni n foro.

Zyan 6:51

Mii wi nyɛ búruw, wee wi nyɛ lè sìíw wóo, níì yìri nyɛ̀ʔɛni na n tìgi naa. Syɔ́ɔnwee wi ga búruw bee lìi lè, wee bee a sìi taa, sìíwee wi nyɛ lè wi a kwɔ́ɔ bi nyaa í, búruwee mii a kaan lè, woro wi nyɛ mii céri, mii a di kaan dulunyanw syɛ̀ɛnnɛ myɛ sìitaara kéele na.»

Wɔrɔmi ye 6:11

Kánmi bee na ki wɔ́ɔ̀ yɛlɛ yaa yeyɛɛ jóro kúbéle kapeegèle kàbaan na, sáā yeyɛɛ jóro niweebèlē Kolocɔlɔɔ kàbangi na àmɛɛ yele nyɛ lè Kirisi Zyezu ni.

Wɔrɔmi ye 6:14

Kapeebyeri a ní fànʔa taa yele na í, níì cán yele o nyɛ Mowizi làlwaw fànʔa ni í, fwɔɔ kpɔ́ʔɔri fànʔa ni yele nyɛ.

Wɔrɔmi ye 6:2

Eʔe dɛ! Wolo bele wo kùu lè kapeegèle kàbaan na, mɛ̀ɛ́ wolo a ní kòro bàā ge kpéʔele bi sɛ́ɛ?

Wɔrɔmi ye 6:22

Kàjáa tɔ́ɔliw ni, àmɛɛ Kolocɔlɔɔ yele yirige kapeebyeri púloro ni lè, níì yele lége woro tiimaa púlori ni, tɔ̀nɔwee yele baa taa lè, woro wi nyɛ jéemununi, gee bee kàdoʔo si gi nyɛ sìibangwɔɔw.

Wɔrɔmi ye 7:3

Gee bee na bi wi nǎnw yaʔa sìi na, wi ga sáà kòro nànwaa nikwɔɔ ma, pe a ra wi yiri nànjaacɔɔ̀, wi nǎnw si ga kùu, wi n syɔɔ wi nǎnw làlwa ma, wi ga kòro nànwaa nikwɔɔ ma, pe a ní gbǎn ra wi yiri nànjaacɔɔ̀ í.

Wɔrɔmi ye 7:6

Kàjáa tɔ́ɔliw ni wolo n syɔɔ làlwaw bee fànʔa ma, níì cán woro wi da wolo cò n yérige, wolo si n kùu wi kàbangi na, a koro gi kaan wolo ní o báara Kolocɔlɔɔ ma kanlɛɛmi na n yɛlɛ ní syɛɛnsɛbɛlɛɛri ní í, fwɔɔ kanvɔnmi na, bee wolo taa lè Pìicǎnni ma.

Wɔrɔmi ye 8:2

Níì cán Pìicǎnni li sìíw kaangi syɔɔn ma Kirisi Zyezu ni lè, li làlwaw n mii yirige kapeebyeri ní kùúw làlwa púloro ni.

1 Korɛnti ye 10:16

Dùbaw yagbaʔa na wolo dùbaw kpéʔele lè, koro o nyɛ fɛ̀ɛ n gi tɛ̀ɛn ncan wolo n pínɛ n pye nibin Kirisi sìsyaanw ni ì? Búruw wolo kabagi lè, woro o nyɛ fɛ̀ɛ n gi tɛ̀ɛn ncan wolo n pínɛ Kirisi céri ni ì?

2 Korɛnti ye 11:2

Yele kéeli i nyɛ mii na nyabɛɛnnɛ, nyabɛɛnni bee n yìri Kolocɔlɔɔ ma, níì cán yele i nyɛ àmɛɛ nàngeelesinján pìcaasiɔn nyɛ lè, wee mii tɛ̀ɛn lè nàɔn nibin na, jàngó wi wi pɔri, nǎnw bee wi nyɛ Kirisi.

Galasi ye 3:13

Kirisi n baa wolo syɔɔ làlwaw dánga ma, àmɛɛ wi dángaw yaʔa a wi too woro na wolo sìndɛɛgi ni lè, níì cán ki n sɛ́bɛ níì jo: «Syɔɔn o syɔɔn be cɔ̀rɔ lè tiige na, wee bee n dánga.»

Galasi ye 5:18

Kàjáa Pìicǎnni ga pye yele yɛɛ̀kiniw, ye gi cán yele o nyɛ Mowizi làlwaw fànʔa ni í.

Efɛzi ye 2:15

Woro wi baa Mowizi làlwaw sàa ní làlwaw kajoogéle, ní wi tundunri myɛ ní jàngó bi wolo siinw kpéʔele syɛɛnfɔ́ɔn nibin wiyɛɛ ni, wolo si pye bɛ̀ɛlɛ na.

Filipikaʔa ye 1:11

Zyezu Kirisi si yele fúnyi nyìn kasinbyeri na, koro ga pye nìjanri ní kpɔ́ʔɔri sáā taari Kolocɔlɔɔ na.

Filipikaʔa ye 4:17

Ki o nyɛ mɔ a jo yakaangaa mii ní i caa í, kàjáa mii i caa Kolocɔlɔɔ í da kàa fàrá yele wógi na.

Kɔlɔsi ye 1:10

Ki ga pye nya, kánmee na Kàfɔw caa yele í da táanri lè, yele a gbǎn ra táanri kánmi bee na, yele kérigèle myɛ sáā wi dàán, yele sáā yasanra sangi kapyejǎngèle myɛ ni, kàa sáā fàrá yele na Kolocɔlɔɔ cánni kàbaan na.

Kɔlɔsi ye 1:22

Tɔ́ɔliw ni, Kirisi n yele bɛ̀ɛ ní Kolocɔlɔɔ ní wi tiimaa kùúw báriga ni céri kàbaan na, koro ga pye bi yele tɛ̀ɛn Kolocɔlɔɔ na, wi yele córo wojanbéle ní, si wɔ́ɔ yele córo tɛɛlɛ fun, ní dìgire fun,

Kɔlɔsi ye 1:6

Syɛɛnjóocǎnri bee n nan yele na, àmɛɛ di wɔ́ɔ̀ nan lè dulunyanw tɛ́ɛyɛ myɛ na. Ti i yasanra sangi ní i caragi dulunyanw tɛ́ɛyɛ myɛ ni, àmɛɛ di wɔ́ɔ̄ gi kpéʔele lè yele níngi ni, nlaa cángee na yele sélì Kolocɔlɔɔ kpɔ́ʔɔri kéele lóʔo lè níì di cán n fílige kányɛʔɛ ni.

Kɔlɔsi ye 2:14

Làlwaw tundunro ti da sɛ́bɛ wolo kánmi na lè n wolo kolomi tɛ̀ɛn, wi n di kurugo n láʔa. Wi n di sàa àmɛɛ wi di kóri lè tiiparigi na.

Kɔlɔsi ye 2:20

Amɛɛ yele kùu lè ní Kirisi ní dulunyanw kalɛɛgéle kabaan na, nyàʔá si na yele táanri mɔ a jo yele i nyɛ dulunyanw wòolo, ní i tundunri naa jàtée, dee di joo lè:

Heburubèle 10:10

Zyezu Kirisi n baa wiyɛɛ wòlo sáriga tɔlɔgɔ nibin pée n yɛlɛ ní Kolocɔlɔɔ nyɛ́nɛ kéeli bee ní n wolo jéemununi fáli kpéʔele.

1 Pyɛri 2:24

Wi tiimaa maa wolo kapeegèle túgoro tugo wiyɛɛ na tiiparigi na, koro ga pye wolo í kùu kapeegèle kàbaan na si pye sìi na sínni kàbaan na. Yele n pɔʔɔ wi kpúmɔnri námiya báriga ni.

Tɛ̀ɛnnɛ 19:7

Ki n yɛlɛ waa fundaanra kpéʔele, wáā muguri, wáā kpɔ́ʔɔri taari wi na, níì cán Bàpili cèpɔrigɔ lala n nan, a li cefɔnw wiyɛɛ zámaga n kwɔ́ɔ.

Tɛ̀ɛnnɛ 21:9

Nyɛ̀ʔɛni tundunbéle kɔrɔsiin pe da yalegèle kɔrɔsiin cò lè, gele ke da nyìn wɔʔɔzanyi kɔrɔsiin na lè, a bele bee wàa pan n baa mii pye: «Da maa, mii a ba cefɔnw tɛ̀ɛn mɔ na, wi lè Bàpili cɔ́ɔ.»