Wɔrɔmi ye 7:12 - Cebaara Bible 2010

¹² Mowizi làlwaw i nyɛ tɛɛlɛ fun, a wi tundunri wɔ́ɔ i nyɛ tɛɛlɛ fun, ti n sín níì nyɔɔ.

Wɔrɔmi ye 7:12 Iomraidhean Croise

Nehemii 9:13

Mɔ n tìgi n baa tɛ́ɛn Sinayii nyanbelegi na. Mɔ n kòro yaà nyɛ̀ʔɛgèle ǹjoʔo ni níì joo ní be ní, n làlwaw kajoozingéle kaan be ma, ní kányɛɛgi làlwa kèlē, ní kajoodɛɛngèle, ní tundunri di nyɔɔ n foro lè.

Ŋúnuyi 119:127

Koro na mɔ kajoodɛɛngèle kéele mii dɛ́nɛ n sɔ̀lɔ tɛ́ɛw na, àlí tɛɛtelew na.

Ŋúnuyi 119:137

Mɔ n sín, ee Yawe! Mɔ kajoo-mí-cerigèle n sín.

Ŋúnuyi 119:140

Mɔ syɛ́ɛnri myɛ bìnɛw tɔ̀nɔ́ i nyɛ wodelere ní, ti kéeli n mɔ falipyew dɛ́nɛ.

Ŋúnuyi 119:172

Mii nyínni n yɛlɛ bàā mɔ syɛ́ɛnri ŋúu ŋúnugo, níì cán mɔ kajoodɛɛngèle myɛ n sín.

Ŋúnuyi 119:38

Mɔ nyɔɔfaligi foro mɔ falipyew ma wi nyɛ lè ní mɔ yɛ́ɛgi fyáafɔɔlɔ ní!

Ŋúnuyi 119:86

Mɔ kajoodɛɛngèle myɛ i nyɛ kányɛʔɛ wòʔolo. Syɛ́ɛnbèle i mii wɔʔɔ nyùngo fun, tɔ́ɔ mi mii dɛ̀ɛmɛ!

Wɔrɔmi ye 12:2

Ki ga yɛlɛ yele í ní da dulunyanw naa syɛ̀ɛnnɛ tɛ́ɛlɛ í, kàjáa ki n yɛlɛ yele í yele fúnyi kàriga si fàli, koro ga pye yele í Kolocɔlɔɔ nyɛ́nɛ kéeli sámaga cán, lee li nyɔɔ n foro lè, níì Kolocɔlɔɔ dɛ́nɛ.

Wɔrɔmi ye 3:31

A gee bee jo lé wolo n Mowizi làlwaw sàa tágali báriga ni? Eʔe dɛ! Wolo i wi kpɔ́ʔɔgi wii.

Wɔrɔmi ye 7:14

Wolo n gi cán Mowizi làlwaw n nyɔɔ syɔɔn pili ma. A mii céri láanitaʔa kele si mii kíle n pára kapeebyeri ma.

Wɔrɔmi ye 7:16

Awá, gee si gi lè mii o caa bàā gi kpéʔele í, kapye mii i gee bee kpéʔele, mii n yére gi ni n jo làlwaw n nyɔɔ.

Làlwaw Kaanziin 10:12

«Tɔ́ɔliw ni, Isirayɛli, nyàʔá Yawe mɔ Kolocɔlɔw caa mɔ ma n sɔ̀lɔ gee naa na? Koro gi nyɛ mɔ í da fɛ̀ɛgí Yawe mɔ Kolocɔlɔw na, sáā wi kóloyi myɛ táanri si tàmaga le ní wi ní, sáā báara Yawe mɔ Kolocɔlɔw ma ní mɔ zɔnw myɛ, ní mɔ fúngi myɛ ní.

Làlwaw Kaanziin 4:8

Ba syɛɛnfele-nɛʔɛgìí gi nyɛ, gee má làlwa kèlē ní kajoodɛɛngēle nyɛ, gele ge sín lè, àmɛɛ làlwaw naa myɛ nyɛ, wee mii tèé yele na lè níjanʔa?

1 Timɔte 1:8

Wolo n gi cán ncan Mowizi làlwaw n nyɔɔ, ní syɔɔn ga ni wi táanri wi tánʔaganmi na,