Wɔrɔmi ye 7:11 - Cebaara Bible 2010

¹¹ Níì cán kapeebyeri n kanmaa taa tundunri báriga ni n mii fáana n kpóo.

Wɔrɔmi ye 7:11 Iomraidhean Croise

Sélimɛ 3:13

Lǎli bee ni a Yawe Kolocɔlɔɔ gi joo céw ma níì jo: «Nyàʔá na mɔ gee bee kpéʔele?» A céw jo: «Wàbigi gi mii fáana n pùuni a mii gi kàa lìi.»

Ezayi 44:20

Cɔ́ɔngi mùgulo n wi dɛ́nɛ, wi funnaa-sìnzingi i wi pùuní. Wi a gbǎn wiyɛɛ sìíw syɔɔ í, wi a tée gi joo í si jo: «Gee gi nyɛ mii kɔ́gi ni lè, jànvaa yáriga ban gi nyɛ ì?»

Zyeremii 17:9

Syɔɔn fúngi n kolo n sɔ̀lɔ yáriri myɛ na, sámagajànma o gi na í, wìí wi a gbǎn gi cán?

Zyeremii 49:16

Fyáakpɔɔri mɔ da ni wáa lè, ní mɔ fúngi kpɔ́ɔmɔ n mɔ pùuni, mɔ wee wi kòró fálaweeyi ni lè, dǎndamayi ǹjoyo si i nyɛ mɔ wóyo. Mɔ ga mɔ zyaari tɛ́ʔɛ yaà ǹjoʔo ma àmɛɛ nyɔɔ̀ wóro nyɛ lè, mii a mɔ tìrige bi cáan naa,» Yawe wi jo nya.

Abidyasi 1:3

Mɔ fúngi kpɔ́ɔmɔ n mɔ pùuni, mɔ wee wi nyɛ lè wodɛ́ɛɔn ní fálaweeyi fúngo ni, mɔ tɛɛkòrogi si i nyɛ yaà píri ǹjoʔo ma, á mɔ si i gi nyuu miyɛɛ fúngi ni níì jo: ‹Wìí wi a gbǎn mii tìrige fwɔɔ bi sa nan tári na?›

Wɔrɔmi ye 3:20

Níì cán Kolocɔlɔɔ a tée sínni kaan syɔɔnwaa faala ma Mowizi làlwaw kèlē kpéʔelele báriga ni í, níì cán gee gi nyɛ lè làlwaw bee fáli nyúngo, koro gi nyɛ bi gi tɛ̀ɛn syɛ́ɛnbèle na pe gi fílige cán bi cán poro i nyɛ kapeebyebèlē.

Wɔrɔmi ye 7:13

A yacangi bee si baa pye lé mii ma kùúw sábabu? Eʔe dɛ! Kàjáa kapeebyeri ti da yacangi bee pye sábabu níì mii kpóo, a koro gi kaan a mii gi cán ti i nyɛ kapeebyere, gee bee na ti baa pee n sɔ̀lɔ gbanʔama làlwaw bee tundunro báriga ni.

Wɔrɔmi ye 7:8

Kapeebyeri si n kanmaa taa làlwaw bee tundunro báriga ni ni nyabɛɛntaari féleye myɛ yìrigí mii fúngi ni. Níì cán kapye làlwaw o yaà í, kapeebyeri n kùu.

Efɛzi ye 4:22

ye gi cán ki n yɛlɛ yele í yele kanlɛɛmi yaʔa, pi da pye lè yele booma tánʔaganmi, kanlɛɛmi bee pi da kálagi lè ki laànitaagi báriga ni gi syɔɔn fáana ni pùuní lè,

Heburubèle 3:13

Kàjáa ki n yɛlɛ yele í da yeyɛɛ kɛɛlɛ canʔa o canʔa àmɛɛ Kolocɔlɔɔ lǎli naa yiri lè Níjanʔa, koro ga pye yele wàa faala a kɔ́ gi yaʔa kapeelaa í wi fáana pùuni wi zɔ̌nw í nìri kapeeli bee báriga ni í.

Zyaki 1:22

Gee Kolocɔlɔɔ syɛ́ɛnri joo lè, ki n yɛlɛ yele í da gee bee kpéʔele, ki ga yɛlɛ yele í pye ti lóʔofɔbèle yagana sáā yeyɛɛ váana í.

Zyaki 1:26

Wàa ga ni wiyɛɛ zɔ̀ngí n jo woro i nyɛ Kolocɔlɔɔ kôdanʔaɔ, wi si o wi nyɔɔsyɛɛnri kɔ̀rɔsíi í, syɔ́ɔnw bee i wiyɛɛ váana, wi Kolocɔlɔɔ kôdanʔari i nyɛ gbanzan.