Wɔrɔmi ye 7:1 - Cebaara Bible 2010

¹ Ni senyɛ̀nnɛ, yele bele ye nyɛ lè Mowizi làlwaw cánvɔɔlɔ, yele ní mii nyuu, yele ga gi cán ncan làlwaw i nyɛ syɔɔn nyúngi na wi wéemi làla myɛ ni ì?

Wɔrɔmi ye 7:1 Iomraidhean Croise

Ɛsidirasi 7:25

Mɔ si na Ɛsidirasi, ki n yɛlɛ mi kacɔɔnribéle ní kútiijoobéle télege bi yɛlɛ ní Kolocɔlɔɔ sícilimi ní bi nyɛ mɔ ma lè, koro ga pye paa cábigi jelige syɛɛnnɛ myɛ kútii nyuu ní sínnɛ ní, poro bele pe mɔ Kolocɔlɔw làlwa kèlē cán lè, máā wi tèé bele na pe nyɛ lè pe ga wi cán í.

Kàseegèle 6:23

Níì cán tundunri i nyɛ fètinɛ, tamani i nyɛ gbɛ̀ɛnmɛ, kàfulogi gi tamana kaangi lè ki i nyɛ sìíw kólogo.

Wɔrɔmi ye 1:13

Ni senyɛ̀nnɛ, mii i caa yele í gi cán mii maa tée ni sɔ̀ngí gi na tɔlɔyɔ saʔa bi kári yaà yele ma koro ga pye mii í yasanra taa yele ni, àmɛɛ mii wɔ́ɔ̄ di taagi lè syɛɛnfeleyaa nínge ni. Kàjáa kérigèle kèle i mii sígi ni yéregi fwɔɔ n baa nan níjanʔa na.

Wɔrɔmi ye 10:1

Ni senyɛ̀nnɛ, gee mii caa lè mii fúngi ni gbanʔama, ní gee mii nyɛ́ɛri Kolocɔlɔɔ ma Isirayɛli ye kéeli na lè, koro gi nyɛ be taa syɔɔ.

Wɔrɔmi ye 10:4

Níì cán Kirisi n baa pye Mowizi làlwaw kwɔ́ɔfɔlɔ, koro ga pye bele myɛ be tága woro na lè, poro í sínni taa.

Wɔrɔmi ye 6:14

Kapeebyeri a ní fànʔa taa yele na í, níì cán yele o nyɛ Mowizi làlwaw fànʔa ni í, fwɔɔ kpɔ́ʔɔri fànʔa ni yele nyɛ.

Wɔrɔmi ye 6:3

Yele ga gi cán wolo bele myɛ wo batize Kirisi Zyezu ni lè, wolo n batize wi kùúw ni wii ì?

Wɔrɔmi ye 7:6

Kàjáa tɔ́ɔliw ni wolo n syɔɔ làlwaw bee fànʔa ma, níì cán woro wi da wolo cò n yérige, wolo si n kùu wi kàbangi na, a koro gi kaan wolo ní o báara Kolocɔlɔɔ ma kanlɛɛmi na n yɛlɛ ní syɛɛnsɛbɛlɛɛri ní í, fwɔɔ kanvɔnmi na, bee wolo taa lè Pìicǎnni ma.

Wɔrɔmi ye 9:3

Ki ga maa pye bi gbǎn kpéʔele, mii mǎà dée ra caa Kolocɔlɔɔ í mii dánga mii í láʔa Kirisi na mii senyɛnbèle syɔɔlɔ kéele na, bele be lè mii felegefɔ-nyɛ́nbèle céri kàbaan na.

1 Korɛnti ye 9:8

A yele jo lé syɛ́ɛnri naa mii joo lè, ti i nyɛ syɛ́ɛnbèle funzɔngumɔ wóro? Mowizi làlwaw sɛ́bɛ wɔ́ɔ o syɛ́ɛnri naa wonijanra nyuu ì?

Galasi ye 4:21

Yele bele ye caa lè bi pye Mowizi làlwaw kôdanʔabéle, gee làlwaw joo lè yele ga gi lóʔo wii ì?