Wɔrɔmi ye 6:4 - Cebaara Bible 2010

⁴ Gee bee na pe n wolo tɔ́n ní Kirisi ní batɛmiw báriga ni, kánmi bee na wolo pínɛ ní wi ní kùúw ni, koro ga pye kánmee na Tofɔw wi nyán n yirige lè kúbèle nínge ni woro nìjangbɔɔri báriga ni, wolo í wɔ́ɔ ra táanri kánmi bee na sìifɔnw ni.

Wɔrɔmi ye 6:4 Iomraidhean Croise

Zyan 11:40

A Zyezu wi yari: «Mii da sélì gi joo mɔ ma níì mɔ pye mɔ ga tága, mɔ a Kolocɔlɔɔ nìjangbɔɔri nyaa ì?»

Zyan 2:11

Gee naa gi pye Zyezu kakpɔɔseligi, wi n gi kpéʔele Kana ni, gi lè Galile tári kègaa, n wi nìjangbɔɔri tɛ̀ɛn syɛ́ɛnbèle na. A wi pìitamabèle tága wi na.

Kapyegèle 2:24

Kàjáa Kolocɔlɔɔ n wi syɔɔ kùúw yáama ma àmɛɛ wi wi nyán n yirige lè. Níì cán kùúw da pye bi gbǎn fànʔa taa wi na í.

Kapyegèle 2:32

Kolocɔlɔɔ n Zyezuw bee nyán. Wolo myɛ i nyɛ gee bee séerabéle.

Wɔrɔmi ye 6:19

Mii i nyuu yele ma syɛ́ɛnbèle jooganma na yele céri báriga fùnmɔ kéele na. Amɛɛ yele da yele céri tɛ́ɛyɛ kaan lè a yi pye kanɔnʔɔri ní kolomi púloro ni ni kakolobyeri kpéʔele kánmee na lè, kánmi bee na tɔ́ɔliw ni, ye yele céri tɛ́ɛyɛ kaan yi pye sínni púloro ni bàā kasingèle kpéʔele.

Wɔrɔmi ye 6:3

Yele ga gi cán wolo bele myɛ wo batize Kirisi Zyezu ni lè, wolo n batize wi kùúw ni wii ì?

Wɔrɔmi ye 6:8

Amɛɛ si wolo kùu ní Kirisi ní lè, wolo n tága gi na wolo a wɔ́ɔ pye sìi na ní wi ní.

Wɔrɔmi ye 6:9

Wolo n gi cán ncan àmɛɛ Kirisi nyán n yiri kúbèle nínge ni lè, wi a ní kùu í, kùúw fánʔa ní o nyɛ wi na nyáana í.

Wɔrɔmi ye 7:6

Kàjáa tɔ́ɔliw ni wolo n syɔɔ làlwaw bee fànʔa ma, níì cán woro wi da wolo cò n yérige, wolo si n kùu wi kàbangi na, a koro gi kaan wolo ní o báara Kolocɔlɔɔ ma kanlɛɛmi na n yɛlɛ ní syɛɛnsɛbɛlɛɛri ní í, fwɔɔ kanvɔnmi na, bee wolo taa lè Pìicǎnni ma.

Wɔrɔmi ye 8:11

Wee wi Zyezu nyán n yirige kúbèle nínge ni lè, wee bee Pìle ga pye yele fúnyi ni, woro wee wi Kirisi Zyezu nyán n yirige lè kúbèle nínge ni, wi a ba yele cekuuri nyán di pye sìi na wi Pǐli báriga ni li tɛ́ɛn lè yele fúnyi ni.

1 Korɛnti ye 6:14

Kolocɔlɔɔ wi Kàfɔw nyán n yìrige lè, woro wi a wɔ́ɔ ba wolo nyán yìrige wi séew báriga ni.

2 Korɛnti ye 13:4

Níì cán pe maa wi kóri tiiparigi na wi fànʔa-fǔnmi báriga ni, kàjáa wi i nyɛ sìi na Kolocɔlɔɔ fǎngi báriga ni. Wolo si wɔ́ɔ i nyɛ fànʔa fun woro ni, kàjáa wolo a ba pye sìi na ní wi ní yele kéeli na Kolocɔlɔɔ fǎngi báriga ni.

2 Korɛnti ye 5:17

Gee bee na ní syɔ́ɔnwee ga pye lè Kirisi ni, Kolocɔlɔɔ n wee bee faan kavɔn. Wéle, yalɛɛri n sɔ̀lɔ n kwɔ́ɔ, á di kàri wovɔnrɔ.

Efɛzi ye 4:17

Gee bee na mii i dee naa nyuu ní i di séeraw kpéʔele Kàfɔw ni, koro gi nyɛ yele a ní kɔ́ ra táanri àmɛɛ syɛɛnfeleyi wozanya táanri ni yɛlɛgi ní pe sɔ̀ngubeeri ní lè í.

Efɛzi ye 5:8

Yele maa sélì pye yébilimɛ, kàjáa tɔ́ɔliw ni yele i nyɛ gbɛ̀ɛnmɛ Kàfɔw ni. Ki n yɛlɛ yele í da táanri gbɛ̀ɛ́nmi pìibēle tánʔaganma na.

Kɔlɔsi ye 3:10

níì kanvɔnmi le yeyɛɛ na, kàa i fàrá kanvɔnmi bee na làla o làla ni yɛlɛgi ní bi faanfɔw kánma ní, koro ga pye yele í ba kérigèle myɛ cán.

Kɔlɔsi ye 4:1

Yele bele ye nyɛ lè púlobèle kàfɔɔlɔ, gee gi sín lè ní gee gi yɛlɛ lè, ki n yɛlɛ yaa gee bee kpéʔele yele púlobèle ma, níì cán Kàfɔlɔ wɔ́ɔ i yaà yele na nyɛ̀ʔɛni na.

1 Pyɛri 3:21

Gee fɛ̀ɛ lǒgi bee da tɛ̀ɛn lè, koro gi nyɛ batɛmiw, wee wi wɔ́ɔ̀ yele syɔɔ lè tɔ́ɔliw ni, wi o nyɛ bi fɔɔnrɔ láʔa céri na wii í, kàjáa wi i nyɛ bi yele fúnyi sámaga yi nyɔɔ Kolocɔlɔɔ ma, Zyezu Kirisi nyán-yirili báriga ni,

1 Zyan 2:6

Wee wi ga joo lè woro i nyɛ wi ni, wee bee n yɛlɛ waa táanri àmɛɛ Zyezu Kirisi da ni táanri lè.