Wɔrɔmi ye 6:3 - Cebaara Bible 2010

³ Yele ga gi cán wolo bele myɛ wo batize Kirisi Zyezu ni lè, wolo n batize wi kùúw ni wii ì?

Wɔrɔmi ye 6:3 Iomraidhean Croise

Matye 28:19

Koro na gi yɛlɛ yaa syée, ye sa ra syɛɛnfeleyi myɛ kpéʔele pìitamabéle, yáā be batize Tofɔw, ní Jaafɔw, ní Pìicǎnni mɛ́ʔɛ na,

Kapyegèle 19:5

A pe ga dee bee lóʔo, a be batize Kàfɔw Zyezu mɛ́ɛgi na.

Kapyegèle 2:38

A Pyɛri be yari: «Ye kàdoʔo wáa yele kapeegèle ma, yele myɛ nibin nibin si batɛmiw kpéʔele Zyezu Kirisi mɛ́ɛgi na, koro ga pye Kolocɔlɔɔ í yele kapeegèle kùsulugo syɔɔ, si yakaangi kaan yele ma gi nyɛ lè Pìicǎnni.

Kapyegèle 8:16

Níì cán li da kɔ́ɔ̀ tìgi pe wàa faala ma í. Pe maa batɛmiw kpéʔele yagana Kàfɔw Zyezu mɛ́ɛgi na.

Wɔrɔmi ye 6:16

Yele ga gi cán ncan yele ga yeyɛɛ gaan kàfɔwee ma lè n pye wi pulobèlē ni lúro wi ma, woro wee má yele lúro lè, yele i nyɛ wee bee púlobéle ì? Kapye kapeebyeri má yele lúro, gee bee kàdoʔo i nyɛ kùúw, ki si ga pye Kolocɔlɔɔ má yele lúro, gee bee kàdoʔo i nyɛ sínni.

Wɔrɔmi ye 6:8

Amɛɛ si wolo kùu ní Kirisi ní lè, wolo n tága gi na wolo a wɔ́ɔ pye sìi na ní wi ní.

Wɔrɔmi ye 7:1

Ni senyɛ̀nnɛ, yele bele ye nyɛ lè Mowizi làlwaw cánvɔɔlɔ, yele ní mii nyuu, yele ga gi cán ncan làlwaw i nyɛ syɔɔn nyúngi na wi wéemi làla myɛ ni ì?

1 Korɛnti ye 10:2

Pe maa pínɛ ní Mowizi ní fàfaangi ní Sólomi lɔ̀ʔɔ batɛmi na.

1 Korɛnti ye 12:13

A pèle náà pye Zyefubéle yoo, Girɛkibéle yoo, pulobèlē yoo, wɔ́rɔbéle yoo, Pìicǎnni nibin li wolo myɛ batize n pye cere nibin, a wolo myɛ taa n gbaa Pǐli nibin na.

1 Korɛnti ye 15:29

Kapye koro ban í, bele be batɛmiw kpéʔele lè kúbèle kéele na, mɛ̀ɛ́ poro a pye? Kapye kúbèle a nyán nyáana í, nyàʔá na si be batɛmiw kpéʔele be kéeli na?

1 Korɛnti ye 3:16

Yele ga tɔ̀ʔɔ̂ gi cán ncan yele i nyɛ Kolocɔlɔɔ kpɔ̀ʔɔrɔli kpaʔa ì? Ní wɔ́ɔ̀ gi cán ncan Kolocɔlɔɔ Pǐli n tɛ́ɛn yele fúnyi ni ì?

1 Korɛnti ye 5:6

Yele kpɔ́ɔmi ga nyɔɔ í! Yele ga cán pe ga levé* cɛɛri le búrumii-pírigege ni, wi n cariga n búruw myɛ foro ì?

1 Korɛnti ye 6:19

Yele ga wɔ́ɔ̀ gi cán ncan yele céri i nyɛ Pìicǎnni kpɔ̀ʔɔrɔlɔ kpaʔa ì lee yele taa Kolocɔlɔɔ ma lè, lee li nyɛ yele fúnyi ni lè? Ní wɔ́ɔ̀ gi cán ncan yele o nyɛ yeyɛɛ wòolo í ì?

1 Korɛnti ye 6:9

Yele ga gi cán ncan kakolobyebèle a gbǎn Kolocɔlɔɔ fǎngi kɔ́rigɔ lìi í ì? Ye a kɔ́ ra yeyɛɛ váana í, kanɔnʔɔbyebèle, ní sunvɔbèle, ní màde-gbɔ̀ʔɔrɔbèle, ní ceyuubèle, ní nànyuubèle, ní nànjaanǎnbèle, ní cecaacebèle,

1 Korɛnti ye 9:13

Bele be báara lè kpɔ̀ʔɔrɔli kpaʔa ni, poro i líi kpɔ̀ʔɔrɔli kpaʔa yárira na. Ní bele be báara lè sáriga-wòlo-tɛ́ɛgi ni, poro i líi sáriga-wòlo-tɛ́ɛgi yárira na, yele ga gee bee cán ì?

1 Korɛnti ye 9:24

Yele ga gi cán ncan bele be kàbá lè kàfyaali na, pe wàa nibin wi gáa baa li tɔ̀nɔw taa ì? Yaa fé kánmi bee na, koro ga pye yele í tɔ̀nɔ taa.

2 Korɛnti ye 13:5

Ye gi tímana ye wéle yele fúnyi ni, yé wɔ́ɔ ye yeyɛɛ zɛʔɛ ye wéle bi gi cán kapye yele i nyɛ tágali ni. Yele ga gi cán ncan Zyezu Kirisi i nyɛ yele fúnyi ni ì? Fwɔɔ yele ga yeyɛɛ zɛʔɛ n wéle n gi nyaa yele ga foro í.

Galasi ye 3:27

Yele bele myɛ ye batize lè Kirisi ni, yele n Kirisi le burogo.

Zyaki 4:4

Yele kanɔnʔɔbyebèle! Yele ga gi cán ncan wee wi ga tàmaga le ní dulunyanw ní lè, wee bee i nyɛ Kolocɔlɔɔ nígoo ì? Syɔ́ɔnwee faala wi caa bi pye tàmaga na ní dulunyanw ní lè, wee bee n wiyɛɛ gbéʔele Kolocɔlɔɔ nígoo.

1 Pyɛri 3:21

Gee fɛ̀ɛ lǒgi bee da tɛ̀ɛn lè, koro gi nyɛ batɛmiw, wee wi wɔ́ɔ̀ yele syɔɔ lè tɔ́ɔliw ni, wi o nyɛ bi fɔɔnrɔ láʔa céri na wii í, kàjáa wi i nyɛ bi yele fúnyi sámaga yi nyɔɔ Kolocɔlɔɔ ma, Zyezu Kirisi nyán-yirili báriga ni,