Wɔrɔmi ye 6:2 - Cebaara Bible 2010

² Eʔe dɛ! Wolo bele wo kùu lè kapeegèle kàbaan na, mɛ̀ɛ́ wolo a ní kòro bàā ge kpéʔele bi sɛ́ɛ?

Wɔrɔmi ye 6:2 Iomraidhean Croise

Sélimɛ 39:9

Wàa faala ga kpɔ́ʔɔ n sɔ̀lɔ mii na kpáagi naa ni í. Wi ga mii yérige yarigaa faala na í kapye mɔ nibin na ban í. Níì cán mɔ wi nyɛ wi céw. Mɛ̀ɛ́ si mii a gbǎn kapeegi naa félege kpéʔele bi kapeele pye nya Kolocɔlɔɔ na?»

Ŋúnuyi 119:104

Mɔ kajoogèle i sícilimɛ kaangi mii ma koro na jànvaa kólogaa faala kéele ga mii dɛ́nɛ í.

Luki 20:16

Wi a lúru pan ba ɛrɛzɛn sefalabèle bee kpóo si ségi kàlifáa pèle nikwɔɔlɔ ma.» Lǎli ni syɛ́ɛnbèle syɛ́ɛnri bee lóʔo lè, a be jo: «Gee bee ga yɛlɛ gi kpéʔele nyáana í.»

Wɔrɔmi ye 5:11

N fàra gee bee na wolo wɔ́ɔ i nyɔ̌ngbɔɔlɔ táanri Kolocɔlɔɔ kéeli na wolo Kàfɔw Zyezu Kirisi bárigaw ni, woro wee báriga ni wolo bɛ̀ɛ́li bee taa lè tɔ́ɔliw ni.

Wɔrɔmi ye 6:15

Ki ga pye nya, àmɛɛ gi nyɛ lè wolo o nyɛ Mowizi làlwaw fànʔa ni í, fwɔɔ kpɔ́ʔɔri fànʔa ni, a gee bee jo lé ki n yɛlɛ wolo í da kapeegèle kpéʔele? Eʔe dɛ!

Wɔrɔmi ye 7:4

Ni senyɛ̀nnɛ, kánmi bee wonijanma na yele kùu Mowizi làlwaw kàbaan na àmɛɛ yele nyɛ cere nibin ní Kirisi ní lè, níì pye wi wòolo woro wee Kolocɔlɔɔ nyán n yirige kúbèle nínge ni lè, jàngó wolo í da yasanra sangi Kolocɔlɔɔ ma.

Wɔrɔmi ye 7:6

Kàjáa tɔ́ɔliw ni wolo n syɔɔ làlwaw bee fànʔa ma, níì cán woro wi da wolo cò n yérige, wolo si n kùu wi kàbangi na, a koro gi kaan wolo ní o báara Kolocɔlɔɔ ma kanlɛɛmi na n yɛlɛ ní syɛɛnsɛbɛlɛɛri ní í, fwɔɔ kanvɔnmi na, bee wolo taa lè Pìicǎnni ma.

Galasi ye 2:19

Níì cán làlwaw bee báriga ni mii kùu làlwaw kàbaan na, jàngó mii í pye sìi na Kolocɔlɔɔ kàbangi na. Pe n mii pínɛ n kóri tiiparigi na ní Kirisi ní.

Galasi ye 6:14

Mii si na, ki ga yɛlɛ mii í da niyɛɛ gbɔ́ʔɔgi í, kapye ní wolo Kàfɔw Zyezu Kirisi tiiparigi kéele ní ban í, woro bárigaw ni pe dulunyanw kèlē kóri tiiparigi na mii ma, ní wɔ́ɔ̀ mii kóri dulunyanw wòʔolo kabaan na!

Kɔlɔsi ye 2:20

Amɛɛ yele kùu lè ní Kirisi ní dulunyanw kalɛɛgéle kabaan na, nyàʔá si na yele táanri mɔ a jo yele i nyɛ dulunyanw wòolo, ní i tundunri naa jàtée, dee di joo lè:

Kɔlɔsi ye 3:3

Níì cán yele n kùu, á yele sìíw si i nyɛ làrama ni ní Kirisi ní, Kolocɔlɔɔ ni.

1 Pyɛri 1:14

Ki n yɛlɛ yele í pye àmɛɛ pìiloʔobéle nyɛ lè, ki ga yɛlɛ yele í da táanri da yɛlɛgi ní yele booma ki laànitaagi kèlē ní í, gele yele da ni kpéʔele lè yele kanaa-sìnjánmi làla ni.

1 Pyɛri 2:24

Wi tiimaa maa wolo kapeegèle túgoro tugo wiyɛɛ na tiiparigi na, koro ga pye wolo í kùu kapeegèle kàbaan na si pye sìi na sínni kàbaan na. Yele n pɔʔɔ wi kpúmɔnri námiya báriga ni.

1 Zyan 3:9

Syɔ́ɔnwee faala wi nyɛ lè Kolocɔlɔɔ pyà, wee bee a ní kòro bàā kapeegèle kpéʔele í, níì cán sìíw sée wi yiri Kolocɔlɔɔ ni lè, wee bee i nyɛ syɔ́ɔnw bee ni, wi a gbǎn kòro bàā kapeegèle kpéʔele í, àmɛɛ wi nyɛ lè Kolocɔlɔɔ pyà.