Wɔrɔmi ye 5:8 - Cebaara Bible 2010

⁸ Kàjáa Kolocɔlɔɔ n wi tàmagi tɛ̀ɛn wolo na kánmi naa na, koro gi nyɛ lǎli ni wolo da sèʔê pye lè kapeebyebèlē, a Kirisi baa kùu wolo kéeli na.

Wɔrɔmi ye 5:8 Iomraidhean Croise

Ezayi 53:6

Wo myɛ maa pùuni àmɛɛ bàala nyɛ lè, wo myɛ nibin nibin maa ni wo nyɛ́nɛ kóloyi lée, a Yawe si wo myɛ sìnzinmɛ túgoro tugo wi na.

Zyan 15:13

Tàmaga o nyɛ syɔɔn ma bi kpɔ́ʔɔ sɔ̀lɔ gee naa na í, koro gi nyɛ syɔɔn í wiyɛɛ gaan be kpóo wi tàannyɛnbèle nyùnzyɔɔrɔ kéele na.

Zyan 3:16

Dulunyanw syɛ̀ɛnnɛ kéele n tɔ̀nɔ n Kolocɔlɔɔ dɛ́nɛ gee bee na wi wi Pìinibingi kaan, jàngó syɔ́ɔnwee faala wi ga tága lè wi na, wee bee a ní kùu í, kàjáa wi a sìibangwɔɔw taa.

Wɔrɔmi ye 3:5

Ki ga pye wolo kakolobyeri i gi tèé n jo Kolocɔlɔɔ n sín, nyàʔá si wolo a ní joo? Amɛɛ Kolocɔlɔɔ a ba wolo dulunyanw syɛ̀ɛnnɛ wɔʔɔ lè, a wolo a jo lé wi n kolo? (Mii i dee naa nyuu syɛ́ɛnbèle jooganma na.)

Wɔrɔmi ye 4:25

Wi maa Zyezu kaan kùúw ma wolo kapeegèle kéele na, níì wi nyán n yirige wolo sínni taala kéele na.

Wɔrɔmi ye 5:20

Mowizi làlwaw si n pan jàngó kolomi í da nɛʔɛgi. Kàjáa tɛ́ɛgee ni kapeebyeri ga nɛʔɛ lè, Kolocɔlɔɔ kpɔ́ʔɔri n wɔ́ɔ̀ pye nɛɛ bee wonɛʔɛrɛ ní n sɔ̀lɔ,

Wɔrɔmi ye 5:6

Kányɛʔɛ na lǎli ni wolo da sèʔê pye lè báriga fun, a lǎli ga baa nan, lee Kolocɔlɔɔ da kɔ̀rirɔ n tɛ́ʔɛ lè, a Kirisi baa kùu Kolocɔlɔɔ yɛ́ʔɛnaa-sìnvyaabèle kéele na.

Wɔrɔmi ye 5:7

Alí wàa ga pye syɛɛnsiɔn, syɔɔn a wári fɔ̀lɔ́ kùu wi kéeli na í. Dɔ̀ʔɔ́ syɔɔnwaa a gbǎn soro yére bi kùu funjàngafɔlɔ kéele na.

Wɔrɔmi ye 8:32

Alí wi ga cée wi tiimaa Jáaw na í, wi n wi kaan wolo myɛ kéeli na, àmɛɛ si wi wi kaan lè, wi a wɔ́ɔ yáriri myɛ kaan wolo ma ní fundaanra ní bi fàra wi na ì?

Wɔrɔmi ye 8:39

ǹjoʔo ma fǎnyi yoo, táàma wóyi yoo, wàlá Kolocɔlɔɔ yakpéʔelegaa faala a gbǎn fànʔa taa bi wolo láʔa Kolocɔlɔɔ tàmagi na í, gee wolo taa lè wolo Kàfɔw Kirisi Zyezu bárigaw ni.

Galasi ye 2:20

Mii ban wi ní i nyɛ sìi na í, kàjáa Kirisi wi nyɛ sìi na mii ni. Sìíwee si mii taa lè, mii n wi taa tágali báriga ni àmɛɛ mii tága Kolocɔlɔɔ Jáaw na lè, woro wee wi tàmaga le ní mii ní lè níì wiyɛɛ gaan mii sìndɛɛgi ni.

Efɛzi ye 2:7

wi n wolo kpɔ́ʔɔ wi funjǎngi báriga ni, koro ga pye bi gi tɛ̀ɛn làrigèle gele ni ge maa lè, àmɛɛ woro kpɔ́ʔɔri nyɛ lè lɔnɛʔɛrɛ wóro Kirisi Zyezu ni.

Efɛzi ye 5:2

yaa táanri tàmagi na àmɛɛ Kirisi wɔ́ɔ̀ tàmaga le ní wolo ní lè níì wiyɛɛ gaan Kolocɔlɔɔ ma yakanʔa ní sáriga, wolo kéeli na àmɛɛ nùndaanna yáriga nyɛ lè.

1 Timɔte 1:16

Kàjáa wi n nyinimɛ taa mii na, koro ga pye mii wee wi nyɛ lè pe myɛ yɛ́ʔɛ na kapeebyeri ni, mii kéeli í pye fɛ̀ɛ jàngó bele pe a tága lè Zyezu Kirisi na bi sìibangwɔɔw taa lè, bele bee í gi cán wi kpàracogi n nɛʔɛ.

Heburubèle 8:3

Sáriga-wòlobèle kàfɔlɔ myɛ télegele nyúngo gi nyɛ jàngó paa syɛ́ɛnbèle yakaanya ní sárigaw wóo bàā kaangi Kolocɔlɔɔ ma. Gee bee na ki da wɔ́ɔ̀ yɛlɛ yarigaa í pye sáriga-wòlobèle kàfɔlɔ bee ma wi wòlo sáriga.

1 Pyɛri 3:18

Níì cán Kirisi tiimaa n kùu tɔlɔgɔ nibin pée kapeegèle kéele na, wozinw n baa kùu syɛɛnnaa-sìnzinbèle sìndɛʔɛ ni, koro ga pye bi yele taa tórigo Kolocɔlɔɔ ma. Pe n wi kpóo céri kàbaan na, kàjáa Kolocɔlɔɔ n wi nyán n wéege Pìicǎnni báriga ni.

1 Zyan 3:16

Kánmi naa na wolo tàmagi cán, Zyezu Kirisi n wiyɛɛ gaan kùúw ma wolo kéeli na. Ki si n wɔ́ɔ̀ yɛlɛ wolo í woyɛɛ gaan kùúw ma wolo senyɛnbèle kéele na.