Wɔrɔmi ye 5:6 - Cebaara Bible 2010

⁶ Kányɛʔɛ na lǎli ni wolo da sèʔê pye lè báriga fun, a lǎli ga baa nan, lee Kolocɔlɔɔ da kɔ̀rirɔ n tɛ́ʔɛ lè, a Kirisi baa kùu Kolocɔlɔɔ yɛ́ʔɛnaa-sìnvyaabèle kéele na.

Wɔrɔmi ye 5:6 Iomraidhean Croise

Ŋúnuyi 1:1

Syɔ́ɔnwee wi nyɛ lè dùba pyà, wi o táanri syɛɛnpeebèle lálii syɛ́ɛnrɛ na í, wi si wɔ́ɔ o yèré kapeebyebèle kólogo ni í, wi si wɔ́ɔ o tɛ̀ɛ́n ní nɛ̀ɛnyɛnɛgi fɔ̀ɔlɔ ní tɛɛnijanga ni í.

Kayaagi Nyɛnigɛ 1:6

Calipili Siyɔn nìjanri myɛ n láʔa li na, wi syɛɛnkpolobèle i nyɛ àmɛɛ wogaabèlē nyɛ lè, bele be lè pe o lìile taagi í, pe si i syée fànʔa fun ni tòzoow yɛ́ʔɛ ma.

Danyɛli 11:15

Solomɔkulo kàbangi fànʔafɔlɔ a pan ba tɛɛlúguyo sámaga bi kènirige syɔɔ taa. Wòrogulo kàbangi fànʔafɔlɔ kapɛɛnkpumɔnbéle, ní wi jàbɔbèle a gbǎn yére wi sige í, pe a fànʔa taa bi yére wi sige í.

Córolo 7:15

ní náapebile nibin, ní bàpɔlɔ nibin, ní yɛɛlɛ nibin bàpɔbile nibin, toro í pye sáriga-sórigoo,

Wɔrɔmi ye 11:26

Kánmi bee na Isirayɛli ye myɛ a ba syɔɔ, àmɛɛ Kolocɔlɔɔ syɛɛnsɛbɛri gi joo lè níì jo: «Syɔɔfɔw a yìri Siyɔn ma, woro wi a ba Kolocɔlɔɔ yɛ́ʔɛnaa-sìnvyaari yirige Zyakɔbi yòdaʔayi fúnyo ni.

Wɔrɔmi ye 4:25

Wi maa Zyezu kaan kùúw ma wolo kapeegèle kéele na, níì wi nyán n yirige wolo sínni taala kéele na.

Wɔrɔmi ye 4:5

Wee si wi lè wi ga yarigaa kpéʔele Kolocɔlɔɔ ma í, níì tága wi na, woro wee wi sínni kaangi lè woro yɛ́ʔɛnaa-sìnvyaabèle ma, wi n syɔ́ɔnw bee tágala córo wi ma sínnɛ.

Wɔrɔmi ye 5:10

Níì cán kapye Kolocɔlɔɔ n wolo bɛ̀ɛ ní wiyɛɛ ní wi Jáaw kùulo báriga ni, bi gi taa wolo maa pye wi nigoolo, ànbée gi wɔ́ɔ̄ nyɛ àmɛɛ wi wolo bɛ̀ɛ ní wiyɛɛ ní n kwɔ́ɔ lè, wi a ba wolo syɔɔ kányɛʔɛ ni wi Jáaw sìi báriga ni.

Wɔrɔmi ye 5:7

Alí wàa ga pye syɛɛnsiɔn, syɔɔn a wári fɔ̀lɔ́ kùu wi kéeli na í. Dɔ̀ʔɔ́ syɔɔnwaa a gbǎn soro yére bi kùu funjàngafɔlɔ kéele na.

Wɔrɔmi ye 5:8

Kàjáa Kolocɔlɔɔ n wi tàmagi tɛ̀ɛn wolo na kánmi naa na, koro gi nyɛ lǎli ni wolo da sèʔê pye lè kapeebyebèlē, a Kirisi baa kùu wolo kéeli na.

Wɔrɔmi ye 8:32

Alí wi ga cée wi tiimaa Jáaw na í, wi n wi kaan wolo myɛ kéeli na, àmɛɛ si wi wi kaan lè, wi a wɔ́ɔ yáriri myɛ kaan wolo ma ní fundaanra ní bi fàra wi na ì?

Wɔrɔmi ye 8:34

Ba wìí wi a kálagili kútii kúun be na? Níì cán Kirisi Zyezu wi kùu. Koro yagana si ban í, ncan wi n nyán n pye sìi na, ní sáà tɛ́ɛn Kolocɔlɔɔ kàliige ma, ní i nyɛ́ɛri wolo kéeli na!

Galasi ye 2:20

Mii ban wi ní i nyɛ sìi na í, kàjáa Kirisi wi nyɛ sìi na mii ni. Sìíwee si mii taa lè, mii n wi taa tágali báriga ni àmɛɛ mii tága Kolocɔlɔɔ Jáaw na lè, woro wee wi tàmaga le ní mii ní lè níì wiyɛɛ gaan mii sìndɛɛgi ni.

Galasi ye 4:4

Kàjáa àmɛɛ lǎli baa foro lè, a Kolocɔlɔɔ wi Jáaw tórigo, a cɔlɔɔ baa wi see, wi n see Mowizi làlwaw làla ni,

Efɛzi ye 5:2

yaa táanri tàmagi na àmɛɛ Kirisi wɔ́ɔ̀ tàmaga le ní wolo ní lè níì wiyɛɛ gaan Kolocɔlɔɔ ma yakanʔa ní sáriga, wolo kéeli na àmɛɛ nùndaanna yáriga nyɛ lè.

Kɔlɔsi ye 2:13

Amɛɛ yele da pye lè kapeebyeri ni, níì pye sìngɛnɛ ni yele tánʔaganlɛɛmi ni lè, yele maa pye woguubéle ní, Kolocɔlɔɔ si n yele nyán n wéege ní Kirisi ní níì yele kapeegèle myɛ kùsulugo syɔɔ.

1 Tesaloniki ye 5:9

Níì cán Kolocɔlɔɔ ga wolo nyɛ́nɛ n wòlo jàngó woro fundanʔari í too wo na í, kàjáa wi n wolo nyɛ́nɛ n wòlo koro ga pye wolo í syɔɔli taa wolo Kàfɔw Zyezu Kirisi bárigaw ni,

1 Timɔte 1:9

àmɛɛ wo gi cán lè ncan làlwaw ga tɛ́ʔɛ syɛɛnsiɔn kéele na í, fwɔɔ kakolobyebèle, ní syɛɛnjamabèle, ní Kolocɔlɔɔ yɛ́ʔɛnaa-sìnvyaabèle, ní kapeebyebèle, ní Kolocɔlɔɔ céefɔbèle, ní Kolocɔlɔɔ kólogi yaʔafɔɔlɔ, ní bele pe be seefɔbèle kúu lè, ní syɛɛnkpoobèle,

Tiiti 2:12

Toro di gi tèé wolo na ki n yɛlɛ wolo í Kolocɔlɔɔ yɛ́ʔɛnaa-sìnvyaari ní dulunyanw ki laànitaʔa yaʔa sáā táanri yákirii na, ní sínni, ní Kolocɔlɔɔ yɛ́ɛgi fyáara na lǎli naa ni,

Heburubèle 8:3

Sáriga-wòlobèle kàfɔlɔ myɛ télegele nyúngo gi nyɛ jàngó paa syɛ́ɛnbèle yakaanya ní sárigaw wóo bàā kaangi Kolocɔlɔɔ ma. Gee bee na ki da wɔ́ɔ̀ yɛlɛ yarigaa í pye sáriga-wòlobèle kàfɔlɔ bee ma wi wòlo sáriga.

Heburubèle 9:26

Ki ga maa pye nya, nlaa yaà dulunyanw sélimɛ na wi mǎà dée ra wɔʔɔ tɔlɔyɔ saʔa. Kàjáa tɔ́ɔliw ni wi n wiyɛɛ dɛ̀ɛn tɔlɔgɔ nibin dulunyanw làrigēle myɛ kwɔ́ɔmɔ na, jàngó bi kapeegèle kwɔ́ɔ, àmɛɛ wi wiyɛɛ gaan lè sáriga.

1 Pyɛri 1:20

Kolocɔlɔɔ maa téè Kirisi nyɛ́nɛ n wòlo sáni dulunyanw í séli lè, ní baa wi tɛ̀ɛn làrizangèle naa ni yele kéeli na.

2 Pyɛri 3:7

Kàjáa syɛ́ɛnri bee wonijanra báriga ni nyɛ̀ʔɛgèle ní tári di nyɛ lè tɔ́ɔliw ni, ti i nyɛ wogɔnrɔ ní náagi kánma na, Kolocɔlɔɔ n di yaʔa yaà bi taa cángi bee í ba nan, gee ni wi a kútiiw ceri woro yɛ́ʔɛnaa-sìnvyaabèle na si be kálagi lè.

Zyudi 1:15

bi ba wɔʔɔgi kútii cáan syɛ́ɛnbèle myɛ na, bele myɛ be nyɛ lè pe o fɛ̀ɛgí Kolocɔlɔɔ na í, wi a ba be yíbe be Kolocɔlɔɔ yɛ́ʔɛnaa-sìnvyaari kèlē myɛ na, gele pe da ni kpéʔele sìnvyaa ni wi na lè, bi fàra syɛɛngbanri myɛ na, dee kapeebyebèle bee da ni nyuu ni wáa wi na lè, be lè pe o fɛ̀ɛgí wi na í.»

Zyudi 1:18

Pe maa yele pye: «Kakpanami fɔ̀ɔlɔ a kɔ́ ba yìri làrizanni ni, bele pe a ba ra táanri da yɛlɛgi ní be tiimaa ki laànitaagi kèlē ní ge nyɛ lè Kolocɔlɔɔ yɛ́ʔɛnaa-sìnvyaari wòʔolo.»

Zyudi 1:4

Níì cán nǎnbèle pèle n jée yele níngi ni làrama ni, Kolocɔlɔɔ yɛ́ʔɛnaa-sìnvyaabéle bɛɛ, bele be wolo Kolocɔlɔw kpɔ́ʔɔrɔ kàragí lè ni tànʔa kaangi peyɛɛ ma pe kanɔnʔɔbeeri kéele na, poro bele kútii kéele li da sɛ́bɛ lè booma ni, Zyezu Kirisi nibin wi nyɛ lè wolo Kàrigafɔw ní wolo Kàfɔw, pe n wee bee cée.