Wɔrɔmi ye 5:5 - Cebaara Bible 2010

⁵ Sɔ̀ngumi bee tɛɛtaʔaga si a fɛ̀ɛrɛ wáa syɔɔn na í, níì cán Kolocɔlɔɔ n wi tàmagi tìrige, a gi baa wolo fúnyi nyìn Pìicǎnni báriga ni lee wi kaan wolo ma lè.

Wɔrɔmi ye 5:5 Iomraidhean Croise

Zyɔbi 27:8

Sɔ̀ngumɔ tɛɛtaʔagìí gi kòro Kolocɔlɔɔ yɛ́ʔɛnaa-sìnvyaaw ma, lǎli ni wi ga ceri n láʔa yaà lè, lǎli ni Kolocɔlɔɔ ga wi sìíw kwɔ́ɔ lè?

Ŋúnuyi 119:116

Mii tɔʔɔ mi cò bi yɛlɛ ní mɔ syɛ́ɛnri ní, koro ga pye mii í sìi taa, mɔ a kɔ́ fɛ̀ɛrɛ yaʔa di mii taa mii sɔ̀ngumi tɛɛtaʔaga kéele na í!

Ezayi 49:23

Fànʔafɔɔlɔ a pye mɔ gbóofɔɔlɔ, pe pìíbèle be lè càbala, poro a ra mɔ gbóo. Pe a ba ra tíri da tuun bàā yɛ́ɛyi cíbele tári na mɔ yɛ́ʔɛ ma, sáā mɔ tɔ́lɔyi cíbige laala, mɔ a gi cán bi cán mii wi nyɛ Yawe, bele pe be sɔ̀ngumi taʔa mii na lè, fɛ̀ɛrɛ a be taa í.»

Ezekyɛli 36:25

Mii a lòcànga nyari nyari yele na, yele a jée mùnu. Mii a yele jée mùnu bi yele nɔ́nʔɔri myɛ, ní yele yasunyi myɛ láʔa yele na.

Kapyegèle 10:45

Tágafɔbèle bele be pan lè ní Pyɛri ní, poro bele be kɛ́nɛw kpéʔele lè, a pe myɛ i káama gi na àmɛɛ pe gi nyaa lè a Kolocɔlɔɔ wɔ́ɔ̀ yakaangi tìrige syɛɛnfeleyaa ma gi nyɛ lè Pìicǎnni.

Kapyegèle 2:17

‹Kolocɔlɔɔ n gi joo níì jo: Canzanyi ni mii a mii Pǐli yàli syɛ́ɛnbèle myɛ na. Yele nànbiigèle, ní yele calipiigèle a ba ra kérigèle nyaagi da nyuu, yele wojáribèle a ba ra yanyaayi nyaagi, yele wolɛɛbèle sáā ŋúnɔyi ŋúnɔ.

Kapyegèle 2:33

Amɛɛ wi yìri n lúgu n sáà tɛ́ɛn Tofɔw Kolocɔlɔɔ kàliige kɔ́lɔ ma lè, a wi Pìicǎnni taa Tofɔw ma, lee nyɔ́ɔ wi da fàli lè, níì li tìrige wolo ma àmɛɛ yele gi nyaa ní wɔ́ɔ̀ gi lóʔo lè.

Wɔrɔmi ye 1:7

Mii i sɛ́bɛw naa sɛ́bɛ bi tórigo yele myɛ ma, yele bele ye nyɛ lè Wɔrɔmi ni, Kolocɔlɔɔ syɛɛn-nidaanmabèle, yele bele wi yeri lè n kpéʔele woro tiimaa syɛ̀ɛnnɛ. Ki n yɛlɛ wolo Tóow Kolocɔlɔɔ ní Kàfɔw Zyezu Kirisi í kpɔ́ʔɔri ní fûnnyingi kaan yele ma!

Wɔrɔmi ye 8:28

Wolo n gi cán Kolocɔlɔɔ i kérigèle myɛ pínɛ ni sámagi ke i nyɔɔgi bele má be tàmaga le ní woro ní lè, poro bele wi nyɛ́nɛ n wòlo lè n yɛlɛ ní wi kakɔrirɔli ní.

Wɔrɔmi ye 9:33

Amɛɛ gi sɛ́bɛ lè níì jo: «Ye wéle, mii n kàdɛnɛgɛ tɛ́ʔɛ Siyɔn kěgi fúngo ni gee na syɛ́ɛnbèle kpírigi lè, ní fálaga, gee gi syɛ́ɛnbèle cáan lè, syɔ́ɔnwee wi tága wi na lè, fɛ̀ɛrɛ a tée wee bee taa bi nyaa nyáana í.»

1 Korɛnti ye 8:3

Wee si wi tàmaga le lè ní Kolocɔlɔɔ ní, Kolocɔlɔɔ n wee bee cán.

2 Korɛnti ye 1:22

Woro wi wɔ́ɔ̀ wi fɛ̀ɛ́w taʔa wolo na, àmɛɛ wi Pìicǎnni kaan wolo ma lè li pye wolo fúnyi ni, loro li nyɛ yaseligi wozanri yɛ́ʔɛ na.

2 Korɛnti ye 3:18

Wolo bele myɛ yɛ́ɛyɛ yi nyɛ womúguyo ní lè, wolo i Kàfɔw nìjanra tèé mɔ a jo dùbale ni, Kàfɔw wi lè Pìicǎnni, wi i wolo kàragí, a nìjanraa i taari tàa na fwɔɔ bi taa wolo í ba woro tiimaa wíri.

2 Korɛnti ye 4:6

Níì cán Kolocɔlɔɔ wi gi joo lè níì jo: «Gbɛ̀ɛ́nmi í da nyín da yirigi yébilimi ni,» woro wonijanw wi wɔ́ɔ̀ gbɛ̀ɛ́nmi lége wolo fúnyi ni, jàngó woro nìjangbɔɔri cánna gbɛɛnmɛ í da nyín da yirigi Kirisi yɛ́ɛgi ni.

Galasi ye 4:6

Amɛɛ si yele nyɛ lè Kolocɔlɔɔ jàala, koro na wi wi Jáaw Pìle tórigo a li baa jée wolo fúnyi ni. A li i gi nyuu ni yákpoli wáa níì jo: «Abaa! Mii Tóow!»

Galasi ye 5:22

Kàjáa gee Pìicǎnni sangi lè, koro gi nyɛ: tàmagi, ní fundaanri, ní bɛ̀ɛ́li, ní kpàracogi, ní tánʔaganjǎnmi, ní funjǎngi, ní mɔ í pye tágala syɔ́ɔn,

Efɛzi ye 1:13

Kánmi bee na yele wɔ́ɔ baa yele sɔ̀ngumi taʔa wi na àmɛɛ yele kányɛɛgi syɛ́ɛnrɛ lóʔo lè, ti lè yele syɔɔli syɛɛnjóocànra, lǎli ni yele tága lè wi na, a Kolocɔlɔɔ wi fɛ̀ɛ́w taʔa yele na, fɛ̀ɛ́w bee wi nyɛ Pìicǎnni, lee nyɔɔfaliga Kolocɔlɔɔ da kpéʔele lè níì jo woro a li kaan,

Efɛzi ye 4:30

Ki ga yɛlɛ yele wàa í kɔ́ Kolocɔlɔɔ Pìicǎnni kanibɛɛnnɛ kpéʔele í, níì cán loro li nyɛ Kolocɔlɔɔ fɛ̀ɛ́w, wee wi taʔa yele na lè bi taa syɔɔli canʔa í ba nan.

Filipikaʔa ye 1:20

N yɛlɛ ní gee ní mii sige lè ní fundaanra ní, ní gee gi nyɛ lè mii sɔ̀ngumi tɛɛtaʔaga, fɛ̀ɛrɛ a tɔ̀nɔ́ ba mii taa keelaa faala na í. Kàjáa mii ga pye sìi na yoo, a mii náà kùu yoo, mii i nànzorodo kpéʔele koro ga pye Kirisi í kpɔʔɔrɔ taa mii céri ni tɔ́ɔliw ni àmɛɛ ki da tée ni kpéʔele lè làrigèle myɛ ni.

1 Tesaloniki ye 4:8

Koro na wee wi ga tundunri bee cée lè, syɔɔn ban wi cée í, Kolocɔlɔɔ wi cée, woro wee wi wi Pìicǎnni kaan yele ma lè.

2 Tesaloniki ye 2:16

Wolo Kàfɔw Zyezu Kirisi tiimaa, ní wolo Tóow Kolocɔlɔɔ, woro wee wi tàmaga le ní wolo ní lè, níì bàngwɔɔ fûnnyingi kaan wo ma n fàra sɔ̀ngumi tɛɛtaʔajanga na wi kpɔ́ʔɔri báriga ni,

2 Timɔte 1:12

Gee bee na mii fɔ̀rɔyi bee kpàracó, mii si o fɛ̀ɛrɛ kpéʔele Syɛɛnjóocǎnri joolo na í, níì cán wee na mii tága lè, mii n wi cán, mii si n wɔ́ɔ̀ gi cán ncan gee mii kàlifáa wi ma lè séew i nyɛ wi ma bàā gi kpáaw wéle bi taa cángi bee í ba nan.

1 Zyan 4:19

Wolo si na, wolo i tàmaga nii, níì cán woro wi sélì tàmagi le ní wolo ní.