Wɔrɔmi ye 5:3 - Cebaara Bible 2010

³ Gee bee yagana si ban í, ncan wolo wɔ́ɔ i nyɔ̌ngbɔɔlɔ táanri wɔʔɔyi kéele na àmɛɛ wolo gi cán lè ncan wɔʔɔyi i kpàracogo kaangi syɔɔn ma,

Wɔrɔmi ye 5:3 Iomraidhean Croise

Habakuki 3:18

Kàjáa mii na, mii a ra fundaanra kpéʔele Yawe ni, mii a ra muguri Kolocɔlɔɔ ni wi lè mii Syɔɔfɔw.

Luki 21:19

Yele a ba yele sìíw taa yele fɔ̀rɔyi kpàracogo báriga ni.

Kapyegèle 5:41

A pe ga yiri Sanedirɛnw nínge ni, a be i fundaanra kpéʔele àmɛɛ Kolocɔlɔɔ poro córo lè poro n nyɔɔ n yɛlɛ pe poro faʔa Zyezu mɛ́ɛgi kéele na.

Wɔrɔmi ye 5:11

N fàra gee bee na wolo wɔ́ɔ i nyɔ̌ngbɔɔlɔ táanri Kolocɔlɔɔ kéeli na wolo Kàfɔw Zyezu Kirisi bárigaw ni, woro wee báriga ni wolo bɛ̀ɛ́li bee taa lè tɔ́ɔliw ni.

Wɔrɔmi ye 8:23

Toro yagana si ban í, níì cán wolo bele fúnyo ni Pìicǎnni nyɛ lè yaseligi wozanri yɛ́ʔɛ na, wolo tiimaa wɔ́ɔ i cɛ́ɛn wolo fúnyi ni ni lǎli sige, lee ni Kolocɔlɔɔ a ba wolo kpéʔele foro lè wi pìibēle àmɛɛ wi a ba wolo céri syɔɔ lè.

Wɔrɔmi ye 9:10

Koro yagana si ban í, ncan Erebeka maa ŋǎbéle fícɛnnɛ taa wi nǎnw ma, wi lè wolo tóolɛɛw Izaaki.

2 Korɛnti ye 4:17

Níì cán lǎli cɛɛri wɔʔɔlɔ i nyɛ wɔʔɔbile, li si i bàngwɔɔ nìjangbɔɔrɔ taari wolo na wonɛʔɛrɛ ní gbanʔama.

2 Korɛnti ye 8:19

Gee bee yagana si ban í, egilizibèle n wɔ́ɔ̀ wi nyɛ́nɛ n wòlo wi pye wolo kôdánʔanyɛnnɛ kpɔ́ʔɔri naa fáli kéele na, wee wolo kpéʔele lè jàngó bi kpɔʔɔrɔ taʔa Kàfɔw tiimaa na, si wɔ́ɔ wolo lòmaani tɛ̀ɛn wolo senyɛnbèle dɛ̀ɛmɛnɛ kéele na.

Efɛzi ye 3:13

Gee bee na mii i yele nyɛ́ɛri jàngó yele a kɔ́ mii wɔʔɔli kéele yaʔa li yele fɔ̀rɔ yele fúnyi ni í, lee li tuun mii na lè yele kéeli na. Loro li nyɛ yele kpɔ́ɔmi sábabu.

Filipikaʔa ye 1:29

Níì cán Kolocɔlɔɔ n yele kpɔ́ʔɔ Kirisi kéeli na jàngó yele a kɔ́ tága wi na yagana í, fwɔɔ yele í wɔ́ɔ ra wɔʔɔ wi kéeli na.

Zyaki 1:12

Syɔ́ɔnwee wi kòro ni kpàracogo kpéʔele lè kagbanyi ni, wee bee i nyɛ dùba pyà. Níì cán àmɛɛ yi wi sɛʔɛ n wéle lè á wi fànʔa taa yi na, wi a kpɔ́ʔɔri nyùndɔnnɔ taa li lè sìíw wólo, lee Kolocɔlɔɔ joo wi a kaan bele má be tàmaga le ní woro ní lè.

1 Pyɛri 3:14

Alí ki ga wírè pye yele í da wɔʔɔ sínni kéele na, yele i nyɛ dùba pìibēle! Yele a kɔ́ ra fɛ̀ɛgí be syɛɛngbanri joolo na si yele fúnyi yaʔa yaa curugu yele na í.