Wɔrɔmi ye 5:2 - Cebaara Bible 2010

² Níì cán kpɔ́ʔɔri naa ni wolo nyɛ lè woro wi gi kaan a wolo tɛɛ̀jeʔe taa di ni tágali báriga ni. Wolo si wɔ́ɔ i nyɔ̌ngbɔɔlɔ táanri àmɛɛ wolo wolo sɔ̀ngumi taʔa gi na lè, ncan wolo a lɛɛlɛ taa Kolocɔlɔɔ nìjangbɔɔri ni.

Wɔrɔmi ye 5:2 Iomraidhean Croise

Ŋúnuyi 17:15

Mii si na, mii a tɔ̀nɔ́ mɔ yɛ́ɛgi nyaa ní sínnɛ ní. Mii ga yìri ŋúnɔmi na, mɔ nyaani a mii yɛlɛ.

Ŋúnuyi 73:24

Mɔ i mii yɛ́ɛgi kínigi mɔ lálii syɛ́ɛnri báriga ni, koro kàdoʔo ma mɔ a mii láa lége mɔ nijangbɔɔri ni.

Kàseegèle 14:32

Syɛɛnpeew i tuun kapeegi kéele na wi kpéʔele lè, syɛɛnsinw si i tɛɛlarala taagi àlí wi kùúw làla ni.

Habakuki 3:18

Kàjáa mii na, mii a ra fundaanra kpéʔele Yawe ni, mii a ra muguri Kolocɔlɔɔ ni wi lè mii Syɔɔfɔw.

Matye 25:21

A wi kàfɔw wi pye: ‹Gee bee n nyɔɔ. Mɔ i nyɛ falipyejàɔn, mii n tága mɔ na, mɔ n sámaga n báara kérigèle kèle cɛɛri ni, mii si a mɔ télege kèle saʔa nyúngo na.› Níì wi pye: ‹Ba jée mii fundaanri ni.›

Zyan 10:7

Gee bee na Zyezu níì be pye: «Mii a tɔ̀nɔ́ gi joo yele ma kányɛʔɛ ni, mii wi nyɛ bàkpoweeli.

Zyan 10:9

Mii si wi nyɛ bàkpoweeli. Wee faala wi ga jée mii ni lè, wee bee a syɔɔ. Woro a ra jǐn sáā lúrugu da yirigi, sáā nyàácànga taagi da káa.

Zyan 14:6

A Zyezu wi yari: «Jo mii si wi nyɛ kólogi, ní kányɛɛgi, ní sìíw. Syɔɔn faala a gbǎn nan Tofɔw na mii kàdoʔo ma í.»

Zyan 5:24

Mii si a tɔ̀nɔ́ gi joo yele ma kányɛʔɛ ni, syɔ́ɔnwee faala wi ga ni mii syɛ́ɛnri lúro lè níì tága mii Tunvɔw na, sìibangwɔɔw i nyɛ wee bee ma, wi tɔlɔgɔ a ní pye kútiiw ni í, ncan wi n yiri kùúw ni n kwɔ́ɔ n jée sìíw ni.

Kapyegèle 14:27

Lǎli ni be nan yaà lè, a be Egiliziw kpóʔoro, kérigèle gele Kolocɔlɔɔ kpéʔele lè poro ma, ní àmɛɛ wi tágali kólogo múgu syɛɛnfeleyi ma lè, a be gee bee myɛ joo n tɛ̀ɛn be na.

Wɔrɔmi ye 11:20

Kányɛʔɛ gii. Kàjáa sìndagali kéele na pe be cɛnɛ n láʔala, tágali báriga ni si mɔ yére. Koro na ki ga yɛlɛ mɔ í da miyɛɛ nyɛ́nɛ í, ki n yɛlɛ maa fɛ̀ɛgí.

Wɔrɔmi ye 12:12

Yaa fundaanra kpéʔele sɔ̀ngumi tɛɛtaʔaga kéele na, yáā kpàracogo kpéʔele wɔʔɔyi fúngo ni, yé kòro yaa nyɛ́ɛri làla o làla.

Wɔrɔmi ye 14:4

Mɔ si wi nyɛ wìí, mɔ wee wi kolomɔ kaangi wàa nikwɔɔ falipyeo ma lè? A wi yére yoo, a wi too yoo, wi tiimaa kàfɔw má gi nyɛ. Wi si a sámaga yére, níì cán fànʔa i nyɛ Kàfɔw ma bi wi cò wi yére.

Wɔrɔmi ye 15:13

Kolocɔlɔwee wi nyɛ lè sɔ̀ngumi tɛɛtaʔaga kaanfɔlɔ, ki n yɛlɛ woro í yele fúnyi nyìn fundaanri myɛ ní fûnnyingi myɛ na tágali kólogo ni, koro ga pye kàa í da taari yele sɔ̀ngumi taʔala na Pìicǎnni fànʔa báriga ni.

Wɔrɔmi ye 2:7

Bele si be kòro ni kasingèle kpéʔele lè ní lòmaana ní, ní i nìjanri caa, n fàra sòololi, ní cénaa-sìnvɔnʔɔri na, bele bee má wi a sìibangwɔɔw kaan.

Wɔrɔmi ye 3:23

syɛ́ɛnbèle myɛ n kapeegèle kpéʔele níì kólogo Kolocɔlɔɔ nìjangbɔɔri kurugo.

Wɔrɔmi ye 5:5

Sɔ̀ngumi bee tɛɛtaʔaga si a fɛ̀ɛrɛ wáa syɔɔn na í, níì cán Kolocɔlɔɔ n wi tàmagi tìrige, a gi baa wolo fúnyi nyìn Pìicǎnni báriga ni lee wi kaan wolo ma lè.

Wɔrɔmi ye 8:1

Koro na tɔ́ɔliw ni bele be nyɛ lè Kirisi Zyezu ni, bele bee wàa tɔ́lɔgɔ ní o nyɛ kálagili kútii ni í.

Wɔrɔmi ye 8:24

Amɛɛ wolo syɔɔ lè, wolo n wo sɔ̀ngumi taʔa gi na ncan Kolocɔlɔɔ a ba wolo syɔɔ foro. Níì cán syɔɔn ga wi sɔ̀ngumi taʔa yárigee na lè, wi ga gi nyaa, wi a ní da gi sige í, àmɛɛ wi gi nyaa n kwɔ́ɔ lè, nyàʔá na wi a ní da gi sige?

1 Korɛnti ye 15:1

Ni senyɛ̀nnɛ, mii a yele sɔ̀ngumi tìrige Syɛɛnjóocǎnri na, dee mii da sélì joo yele ma lè, á yele yére di ni níì di cò lè,

2 Korɛnti ye 3:18

Wolo bele myɛ yɛ́ɛyɛ yi nyɛ womúguyo ní lè, wolo i Kàfɔw nìjanra tèé mɔ a jo dùbale ni, Kàfɔw wi lè Pìicǎnni, wi i wolo kàragí, a nìjanraa i taari tàa na fwɔɔ bi taa wolo í ba woro tiimaa wíri.

2 Korɛnti ye 4:17

Níì cán lǎli cɛɛri wɔʔɔlɔ i nyɛ wɔʔɔbile, li si i bàngwɔɔ nìjangbɔɔrɔ taari wolo na wonɛʔɛrɛ ní gbanʔama.

Efɛzi ye 2:18

Níì cán woro bárigaw ni wolo myɛ siinw tɛɛ̀jeʔe taa Tofɔw ma Pìicǎnni nibin ni.

Efɛzi ye 3:12

Amɛɛ wolo nyɛ lè Kirisi ni, koro gi gi kaan a wolo gbàn n nùuni Kolocɔlɔɔ na ní nànzorodo ní, fyáara fun ni, tágali báriga ni Kirisi na.

Efɛzi ye 6:13

Gee bee na gi yɛlɛ yele í Kolocɔlɔɔ kapɛɛnkpumɔn-yáriri myɛ láa koro ga pye cânbeegaa ga baa nan yele í fànʔa taa bi gbǎn yére, yele ga fànʔa taa kérigèle myɛ na, yele a sámaga yére.

2 Tesaloniki ye 2:16

Wolo Kàfɔw Zyezu Kirisi tiimaa, ní wolo Tóow Kolocɔlɔɔ, woro wee wi tàmaga le ní wolo ní lè, níì bàngwɔɔ fûnnyingi kaan wo ma n fàra sɔ̀ngumi tɛɛtaʔajanga na wi kpɔ́ʔɔri báriga ni,

Heburubèle 3:6

Kàjáa Kirisi i nyɛ Jaafɔlɔ, wi i nyɛ tágala syɔ́ɔn Kolocɔlɔɔ kpáagi nyúngo na. Wolo si i nyɛ wi kpáagi, kapye wolo n tágali sámaga n cò, ní i nyɔ̌ngbɔɔlɔ táanri wolo sɔ̀ngumi tɛɛtaʔaga báriga ni.

Heburubèle 6:18

jàngó yi katɛɛyi siin yi lè yi a gbǎn fàli í, Kolocɔlɔɔ si a wɔ́ɔ gbǎn finɛ yi kéeli na í, yee bee kéele í wolo kɛɛlɛ gbanʔama, wolo bele wo fàn n sáà sɔ̀ngumi tɛɛtaʔaga taa n cò níì syɔɔ lè, koro gee Kolocɔlɔɔ tɛ́ʔɛ wolo yɛ́ʔɛ ma lè.

1 Pyɛri 3:18

Níì cán Kirisi tiimaa n kùu tɔlɔgɔ nibin pée kapeegèle kéele na, wozinw n baa kùu syɛɛnnaa-sìnzinbèle sìndɛʔɛ ni, koro ga pye bi yele taa tórigo Kolocɔlɔɔ ma. Pe n wi kpóo céri kàbaan na, kàjáa Kolocɔlɔɔ n wi nyán n wéege Pìicǎnni báriga ni.

Tɛ̀ɛnnɛ 21:11

Kolocɔlɔɔ nìjangbɔɔri maa tɔ̀nɔ n gi nyìn, ki gbɛ̀ɛ́nmi maa ni daragi àmɛɛ zyasipi lɔgbanra kadɛɛnnɛ nyɛ lè, lee ni be wéle ni forogi àmɛɛ kirisitali nyɛ lè.

Tɛ̀ɛnnɛ 21:23

Kěgi màko o nyɛ cángi gbɛ̀ɛnmɛ na í, wàlá yégi wómɔ na í, níì cán Kolocɔlɔɔ nìjangbɔɔri di nyɛ ki gbɛ̀ɛ́nmi, á Bàpili si i nyɛ gi fètinni.

Tɛ̀ɛnnɛ 21:3

A mii yákpogbɔɔlɔ lóʔo fàngoli ni a li jo: «Wéle, Kolocɔlɔɔ tɛɛkòrogi i nyɛ syɛ́ɛnbèle nínge ni! Wi a kòro ní be ní, pe a pye wi syɛ́ɛnbèle, Kolocɔlɔɔ tiimaa a pye ní be ní, si pye be Kolocɔlɔw.

Tɛ̀ɛnnɛ 3:21

Wee wi ga fànʔa taa lè, mii a wee bee yaʔa wi tɛ́ɛn mii taana mii fàngoli ni, àmɛɛ mii wɔ́ɔ̀ fànʔa taa lè ní sáà tɛ́ɛn mii Tóow taana wi fàngoli ni lè.