Wɔrɔmi ye 5:12 - Cebaara Bible 2010

¹² Gee bee na àmɛɛ kapeeli jée lè dulunyanw ni syɔɔn nibin kéele na, á kùúw wɔ́ɔ̀ jée kapeeli kurugo, gee bee na kùúw fala n nan syɛ́ɛnbèle myɛ na, níì cán pe myɛ n kapeeli kpéʔele.

Wɔrɔmi ye 5:12 Iomraidhean Croise

Sélimɛ 2:17

Kàjáa mɔ a kɔ́ kacǎnni ní kapeeli cánna tíige yasangaa lìi í. Mɔ ga gi kàa lìi cángee na lè, mɔ a kùu dɛ.»

Sélimɛ 3:19

Mɔ yɛ́ɛcɔɔli kakpege na mɔ a ra líi fwɔɔ bi taa mɔ í ba lúru jée tári ni, beè mɔ yirige lè. Níì cán mɔ i nyɛ támiige, támiigi si ni mɔ a lúru jée.»

Sélimɛ 3:6

A céw gi nyaa tiisangi bee a pye lìijànna, á gi wɔ́ɔ̀ wélemɛ dɛ́nɛ, ní wɔ́ɔ i nyɛ bi gbǎn kérigèle sɛʔɛwelele sícilimɛ kaan syɔɔn ma, a wi fala n ki yasangaa cɔɔ n lìi, níì kàa kaan wi nǎnw ma wi pye yaà ní wi ní lè, a woro wɔ́ɔ̀ gi lìi.

Ŋúnuyi 51:5

Níì cán mii n mii kolomi kèlē cán, mii kapeeli si i nyɛ mii yɛ́ʔɛ ma làla o làla.

Ezekyɛli 18:4

Wéle, pìígèle myɛ i nyɛ mii wòʔolo. Tofɔw pìle ní jaafɔw pìle i nyɛ mii woʔolo, ke myɛ i nyɛ mii wòʔolo. Wee wi ga kapeeli pye lè, woro wi a kùu.

Wɔrɔmi ye 3:23

syɛ́ɛnbèle myɛ n kapeegèle kpéʔele níì kólogo Kolocɔlɔɔ nìjangbɔɔri kurugo.

Wɔrɔmi ye 5:18

Gee bee na àmɛɛ kálagili kútii baa nan lè syɛ́ɛnbèle myɛ na syɔɔn nibin kapeele báriga ni, kánmi bee na sínni wɔ́ɔ baa nan syɛ́ɛnbèle myɛ na syɔɔn nibin kasinnɛ báriga ni jàngó be sìíw taa.

Wɔrɔmi ye 5:19

Níì cán àmɛɛ syɔɔn nibin sìnloʔomɔ syɛ̀ɛnnɛ saʔa kaan lè a be baa pye kapeebyebèlē, kánmi bee wonijanma na syɔɔn nibin lóʔolo a syɛ̀ɛnnɛ saʔa kaan pe ba pye syɛɛnsinbéle.

Wɔrɔmi ye 5:21

koro ga pye àmɛɛ kapeebyeri fànʔa taa lè kùúw báriga ni, Kolocɔlɔɔ kpɔ́ʔɔri í wɔ́ɔ ra fànʔa taagi sínni báriga ni bàā sìibangwɔɔw kaangi syɛ́ɛnbèle ma wolo Kàfɔw Zyezu Kirisi bárigaw ni.

Wɔrɔmi ye 6:21

Kérigèle ge nyɛ lè yele na fɛ̀ɛrɛ tɔ́ɔliw ni, gele yele da ni kpéʔele lè booma ni, nyàʔá tɔ̀nɔfeleo yele da ni taagi ge ni lǎli bee ni? Níì cán gele bee kàdoʔo gi nyɛ kùúw.

Wɔrɔmi ye 6:23

Níì cán kapeebyeri sàra wi nyɛ kùúw, kàjáa kpɔ́ʔɔri Kolocɔlɔɔ kaan wolo ma lè, toro di nyɛ sìibangwɔɔw wolo Kàfɔw Zyezu Kirisi bárigaw ni.

1 Korɛnti ye 15:56

Kùúw sɔ́ɔnrɔ di nyɛ kapeebyeri. Kapeebyeri fànʔa si gi nyɛ Mowizi làlwaw.

Efɛzi ye 2:3

Kánmi bee na wolo myɛ da wɔ́ɔ̀ pínɛ ni táanri ní be ní lǎli bee ni wolo céri ki laànitaʔa, ní di nyɛnɛ kérigèle ni, ní i di kasɔngugèle kpéʔele, pe maa wolo see Kolocɔlɔɔ fundanʔari láara ni àmɛɛ wozanbèle wɔ́ɔ̄ nyɛ lè.

Zyaki 1:15

Syɔɔn fundaagi n si baa ficɛnnɛ taa bi kapeele see. Kapeebyeri ga baa foro, ti n kùu see.

Zyaki 3:2

Wo myɛ i pùuní kánmi féleye saʔa na. Syɔ́ɔnwee wi ga pye lè wi o nyuu ni tuun keelaa faala ni í, wee bee i nyɛ tɛɛlɛ fun syɔ́ɔn, ní wɔ́ɔ̀ wiyɛɛ cǒmi cán kánmi myɛ na.