Wɔrɔmi ye 5:10 - Cebaara Bible 2010

¹⁰ Níì cán kapye Kolocɔlɔɔ n wolo bɛ̀ɛ ní wiyɛɛ ní wi Jáaw kùulo báriga ni, bi gi taa wolo maa pye wi nigoolo, ànbée gi wɔ́ɔ̄ nyɛ àmɛɛ wi wolo bɛ̀ɛ ní wiyɛɛ ní n kwɔ́ɔ lè, wi a ba wolo syɔɔ kányɛʔɛ ni wi Jáaw sìi báriga ni.

Wɔrɔmi ye 5:10 Iomraidhean Croise

2 Cányi kèlē 29:24

A sáriga-wòlobèle be kɔnɔgi níì be sìsyaanw taʔa sáriga-wòlo-yafaangi na n pye sáriga kapeeli kéele na n Isirayɛli ye myɛw kapeegéle kusulugo fáli kpéʔele, níì cán fànʔafɔw maa jo sáriga-sórigow, ní kapeeli kùsulugo sáriga a pye Isirayɛli ye myɛw kéele na.

Ezekyɛli 45:20

Mɔ a koro wonijangi kpéʔele yégi canya kɔrɔsiin wóʔo na, syɔ́ɔnwee kéele na wi fòʔo n too lè kapeele ni, wàlá n li kpéʔele kateemɛ na. Kánmi bee na yele a kpáagi nɔ́nʔɔrɔ láʔa.

Danyɛli 9:24

Cégboʔolo togoye taanri ní kpɔrigɔ n tɛ́ʔɛ mɔ syɛ́ɛnbèle ní mɔ kecangi kéele na, bi làlwaw céele yérige, si kapeegèle kwɔ́ɔ, bi sìnzinmi kapeele kusulugo fáli kpéʔele, si pan ní bàngwɔɔ sínni ní, bi ba yanyaagi ní kanyaajoobèle syɛ́ɛnrɛ foro, si sǐnmi wo Tɛɛcàndelegi na.

Zyan 14:19

Ki n kòro cɛɛri dulunyanw syɛ̀ɛnnɛ si a ní mii nyaa í, kàjáa yele si na, yele a ní mii nyaa, níì cán mii i nyɛ sìi na, yele si a wɔ́ɔ pye sìi na.

Zyan 5:26

Níì cán àmɛɛ Tofɔw Kolocɔlɔɔ nyɛ lè sìi na wiyɛɛ ma, ànbée wi wɔ́ɔ̀ gi kpéʔele Jaafɔw ma wi wɔ́ɔ pye sìi na wiyɛɛ ma,

Zyan 6:40

Gee gi nyɛ lè mii Tóow nyɛ́nɛ kéele, koro gi nyɛ syɔ́ɔnwee faala ga Jaafɔw nyaa lè níì tága wi na, wee bee í sìibangwɔɔw taa. Mii si a ba wee bee nyán yirige dulunyanw cângwɔʔɔ canʔa na.»

Zyan 6:57

Amɛɛ Tofɔw woweeo mii tun lè, ní àmɛɛ mii nyɛ lè sìi na wi bárigaw ni, kánmi bee na wee wi ga ni mii céri káa lè, wee bee fɔ́lɔ a wɔ́ɔ pye sìi na mii bárigaw ni.

Wɔrɔmi ye 11:28

Isirayɛli ye i nyɛ Kolocɔlɔɔ nígoolo Syɛɛnjóocǎnri kàbaan na yele kéeli na. Kàjáa pe i nyɛ wi syɛɛn-nidaanmabéle nyɛ́nɛ-wòloli kàbaan na pe tofɔlɛɛyi kéele na.

Wɔrɔmi ye 5:11

N fàra gee bee na wolo wɔ́ɔ i nyɔ̌ngbɔɔlɔ táanri Kolocɔlɔɔ kéeli na wolo Kàfɔw Zyezu Kirisi bárigaw ni, woro wee báriga ni wolo bɛ̀ɛ́li bee taa lè tɔ́ɔliw ni.

Wɔrɔmi ye 5:6

Kányɛʔɛ na lǎli ni wolo da sèʔê pye lè báriga fun, a lǎli ga baa nan, lee Kolocɔlɔɔ da kɔ̀rirɔ n tɛ́ʔɛ lè, a Kirisi baa kùu Kolocɔlɔɔ yɛ́ʔɛnaa-sìnvyaabèle kéele na.

Wɔrɔmi ye 8:32

Alí wi ga cée wi tiimaa Jáaw na í, wi n wi kaan wolo myɛ kéeli na, àmɛɛ si wi wi kaan lè, wi a wɔ́ɔ yáriri myɛ kaan wolo ma ní fundaanra ní bi fàra wi na ì?

Wɔrɔmi ye 8:34

Ba wìí wi a kálagili kútii kúun be na? Níì cán Kirisi Zyezu wi kùu. Koro yagana si ban í, ncan wi n nyán n pye sìi na, ní sáà tɛ́ɛn Kolocɔlɔɔ kàliige ma, ní i nyɛ́ɛri wolo kéeli na!

Wɔrɔmi ye 8:7

Bele ni céri kèlē sɔngurɔ nyɛ lè, bele bee i nyɛ Kolocɔlɔɔ nígoobéle, níì cán sɔ̀nguri bee n be kaan pe o lúro Kolocɔlɔɔ ma í, àlí fànʔa o wɔ́ɔ̄ nyɛ be ni bi gbǎn gi kpéʔele í.

2 Korɛnti ye 5:20

Koro na wolo nyɛ Kirisi tundunbéle, á Kolocɔlɔɔ si i syɛ́ɛnbèle yiri wolo jooli báriga ni. Wolo si i yele nyɛ́ɛri Kirisi mɛ́ɛgi na níì jo ye bɛ̀ɛ ní Kolocɔlɔɔ ní!

2 Korɛnti ye 5:21

Wee wi lè wi ga kapeele pye n nyaa í, a Kolocɔlɔɔ baa wolo kapeeli tugo wi na, koro ga pye wolo í Kolocɔlɔɔ sínni taa woro bárigaw ni.

Efɛzi ye 2:16

Wi n baa wolo myɛ siinw pínɛ cere nibin, níì wo bɛ̀ɛ ní Kolocɔlɔɔ ní wi kùúw báriga ni tiiparigi na, gee bee báriga ni wi nigoori kwɔ́ɔ wo níngi ni.

Efɛzi ye 2:3

Kánmi bee na wolo myɛ da wɔ́ɔ̀ pínɛ ni táanri ní be ní lǎli bee ni wolo céri ki laànitaʔa, ní di nyɛnɛ kérigèle ni, ní i di kasɔngugèle kpéʔele, pe maa wolo see Kolocɔlɔɔ fundanʔari láara ni àmɛɛ wozanbèle wɔ́ɔ̄ nyɛ lè.

Heburubèle 2:17

Koro na àmɛɛ ki da pye lè ŋàʔanaga kéele wi pye sèjira ní wi senyɛnbèle ní kánmi myɛ na, a wi wɔ́ɔ baa pye nya, jàngó bi pye nyinimɛ sáriga-wòlobèle kàfɔlɔ ní tágala syɔ́ɔn Kolocɔlɔɔ fáliw ni, koro ga pye bàā kùsulugo kpéʔele syɛ́ɛnbèle kapeegéle kéele na.

Heburubèle 7:25

Gee bee na bele be nùuní lè Kolocɔlɔɔ na wi bárigaw ni, wi a tɔ̀nɔ́ gbǎn be syɔɔ foro péw, níì cán wi i nyɛ sìi na làla o làla jàngó bàā nyɛ́ɛri be kéeli na.

1 Zyan 2:1

Ni pìibēle, mii i kérigèle naa sɛ́bɛ bi tórigo yele ma koro ga pye yele a ní kɔ́ ra kapeegèle kpéʔele í. Wàa si ga kapeele kpéʔele, dɛ̀ɛmɛfɔlɔ i yaà wolo ma Tofɔw taana, dɛ̀ɛmɛfɔw bee wi nyɛ Zyezu Kirisi wi lè Wozinw.

1 Zyan 4:10

Gee naa gi nyɛ tàmagi, ki o náā nyɛ mɔ a jo wolo bɛɛ wo tàmaga le ní Kolocɔlɔɔ ní í, woro wi tàmagi le ní wolo ní níì wi Jáaw tórigo naa. A wi baa pye wolo kapeegèle kùsulugo sáriga.

Tɛ̀ɛnnɛ 1:18

mii wi nyɛ Woweew. Mii maa kùu, kàjáa wéle, mii ní i nyɛ sìi na làla o làla kwɔ́ɔmɔ fun. Mii má kùúw ní kúbèle tɛɛkòrogo làkilebéle nyɛ.