Wɔrɔmi ye 5:1 - Cebaara Bible 2010

¹ Amɛɛ wolo sínni taa lè tágali báriga ni, gee bee na wolo nyɛ bɛ̀ɛlɛ na ní Kolocɔlɔɔ ní wolo Kàfɔw Zyezu Kirisi bárigaw ni.

Wɔrɔmi ye 5:1 Iomraidhean Croise

Zyɔbi 21:21

Níì cán nyàʔá wi a ní da caa wi kpáagi kéele ni wi kàdoʔo ma, lǎli ni wi yéyi nyɔ́ɔ ga foro lè?

Ŋúnuyi 122:6

Yaa yɛɛ̀nyinge nyɛ́ɛri yaa kaangi Zyerusalɛmi ma ye jo: «Bele be tàmaga le ní mɔ ní lè, yɛɛ̀nyingi í pye be ma!

Ezayi 27:5

Fwɔɔ pe ga mii pye tɛɛlaraga, pe ga bɛ̀ɛlɛ caa mii ma, pe ga bɛ̀ɛlɛ kpéʔele ní mii ní.»

Ezayi 32:17

Sínni kapyele li a pye yɛɛ̀nyingi, sínni fáli wi a pye ŋɔ́ndaali, ní sɔ̀ngumi tɛɛtaʔala làla o làla.

Ezayi 54:13

Mɔ piibèle myɛ a pye Yawe pìitamabéle, mɔ piibèle a tɔ̀nɔ́ yɛɛ̀nyingbɔʔɔ taa.

Ezayi 55:12

Ɛɛn, yele a yiri yaà ní fundaanra ní, pe a yele lúrugo tórigo naa yɛɛ̀nyinge na. Nyanbeleyi ní dǎndamayi a ra fundaanra yákpogéle wáa yele yɛ́ʔɛ ma, sìnbirigi tíire myɛ sáā kadafori kóri.

Habakuki 2:4

Wéle, kpɔɔmɔ n syɛɛnaa-sìnzinw fúngo nyìn, kàjáa syɛɛnsinw a sìi taa wi tágali báriga ni.

Zakarii 6:13

Woro wi a Yawe kpɔ̀ʔɔrɔli kpaʔa faan. Woro na fǎngi fɛ̀ɛbēle a pye. Wi a tɛ́ɛn wi fàngoli na bàā fǎngi kpéʔele. Sáriga-wòloo a wɔ́ɔ pye wi taana wi fàngoli na, pe siinw a pínɛ bɛ̀ɛ nibin na.

Luki 19:38

ní i gi nyuu níì jo: «Kolocɔlɔɔ í dùbaw kpéʔele fànʔafɔw ma, wi maa lè Kàfɔw mɛ́ʔɛ na! Ki n yɛlɛ yɛɛ̀nyingi í pye nyɛ̀ʔɛni na, nìjangbɔɔri si pye ǹjoʔo ma tɛ́ɛyi myɛ ni.»

Luki 19:42

níì jo: «Kérigèle gele ke a dée mɔ lége lè yɛɛ̀nyingi ni, mɔ tiimaa ga maa gele bee cán níjanʔa, koro mǎà dée pɔ́rɔ gbanʔama! Kàjáa tɔ́ɔliw ni ke n làra mɔ na.

Luki 2:14

«Kolocɔlɔɔ na kpɔ̀ʔɔrɔli yɛlɛ wi lè ǹjoʔo ma tɛ́ɛyi myɛ ni, yɛɛ̀nyingi si pye tári na wi syɛɛn-nidaanmabèle ma.»

Zyan 14:27

Mii a fûnnyingi kaan yele ma, mii tiimaa fûnnyingi si mii a kaan yele ma. Mii si a gi kaan yele ma dulunyanw syɛ̀ɛnnɛ wóʔo kaanganma na í. Ki ga yɛlɛ yele í yele fúnyi yaʔa yaa curugu yele na í, ki ga wɔ́ɔ̀ yɛlɛ yele í da fɛ̀ɛgí í.

Zyan 16:33

A mii kérigèle naa joo yele ma wii, koro ga pye yele í fûnnyingi taa mii ni. Yele a wɔʔɔli taa dulunyanw ni. Kàjáa ki n yɛlɛ ye soro, níì cán mii n dulunyanw jáa.»

Zyan 20:31

Kàjáa kérigèle naa n sɛ́bɛ koro ga pye yele í tága gi na, bi cán Zyezu wi nyɛ Kirisi, Kolocɔlɔɔ Jáaw, jàngó yele ga tága kánmi bee na, yele í sìi taa wi mɛ́ɛgi na.

Zyan 5:24

Mii si a tɔ̀nɔ́ gi joo yele ma kányɛʔɛ ni, syɔ́ɔnwee faala wi ga ni mii syɛ́ɛnri lúro lè níì tága mii Tunvɔw na, sìibangwɔɔw i nyɛ wee bee ma, wi tɔlɔgɔ a ní pye kútiiw ni í, ncan wi n yiri kùúw ni n kwɔ́ɔ n jée sìíw ni.

Kapyegèle 10:36

Wi n wi syɛ́ɛnri tórigo Isirayɛli ye yòdaʔayi ma, di lè yɛɛ̀nyingi syɛɛnjóocànra dee wi joo lè wo ma Zyezu Kirisi bárigaw ni, woro wee wi nyɛ lè syɛ́ɛnbèle myɛ Kàfɔlɔ.

Wɔrɔmi ye 1:17

Níì cán Syɛɛnjóocǎnri di sínni tèé, lee li taagi lè Kolocɔlɔɔ ma, ní i taagi tágali yagana báriga ni, àmɛɛ Kolocɔlɔɔ syɛɛnsɛbɛri gi joo lè níì jo: «Syɛɛnsinw a sìi taa tágali báriga ni.»

Wɔrɔmi ye 1:7

Mii i sɛ́bɛw naa sɛ́bɛ bi tórigo yele myɛ ma, yele bele ye nyɛ lè Wɔrɔmi ni, Kolocɔlɔɔ syɛɛn-nidaanmabèle, yele bele wi yeri lè n kpéʔele woro tiimaa syɛ̀ɛnnɛ. Ki n yɛlɛ wolo Tóow Kolocɔlɔɔ ní Kàfɔw Zyezu Kirisi í kpɔ́ʔɔri ní fûnnyingi kaan yele ma!

Wɔrɔmi ye 10:10

Níì cán syɔɔn ga tága wi fúngi ni, wi n sínni taa, wi ga ni gi fíligi ni nyuu wi nyɔ́ɔgi ni, wi n syɔɔli taa,

Wɔrɔmi ye 10:15

Kapye wàa ga kanyaajoobèle tun í, mɛ̀ɛ́ pe a sa ra wi kéeli nyuu bi sɛ́ɛ? Amɛɛ gi sɛ́bɛ lè níì jo: «Bele be Syɛɛnjóocǎnri nyuu lè, bele bee nyɔ̌ndanʔana n tɔ̀nɔ n nyɔɔ.»

Wɔrɔmi ye 14:17

Níì cán Kolocɔlɔɔ fǎngi o nyɛ lìile ní gbaala kéele í, fwɔɔ sínni, ní fûnnyingi, ní fundaanri, dee wolo taagi lè Pìicǎnni báriga ni.

Wɔrɔmi ye 15:13

Kolocɔlɔwee wi nyɛ lè sɔ̀ngumi tɛɛtaʔaga kaanfɔlɔ, ki n yɛlɛ woro í yele fúnyi nyìn fundaanri myɛ ní fûnnyingi myɛ na tágali kólogo ni, koro ga pye kàa í da taari yele sɔ̀ngumi taʔala na Pìicǎnni fànʔa báriga ni.

Wɔrɔmi ye 15:33

Kolocɔlɔɔ wi nyɛ lè fûnnyingi kaanfɔlɔ, ki n yɛlɛ woro í pye ní yele myɛ ní! Amiina!

Wɔrɔmi ye 3:22

Kolocɔlɔɔ sínni li kaangi syɛ́ɛnbèle ma lè tágali báriga ni, poro bele myɛ be tága Zyezu Kirisi na lè. Níì cán wi o wàa yirigi wàa ni í,

Wɔrɔmi ye 3:30

Níì cán Kolocɔlɔɔ i nyɛ nibin, wi i sínni kaangi kɛ́nɛw kpéʔelefɔɔlɔ ma tágali báriga ni, ní wɔ́ɔ i li kaangi kɛ́nɛnaa-sìngbeʔelebèle ma tágali báriga ni.

Wɔrɔmi ye 4:5

Wee si wi lè wi ga yarigaa kpéʔele Kolocɔlɔɔ ma í, níì tága wi na, woro wee wi sínni kaangi lè woro yɛ́ʔɛnaa-sìnvyaabèle ma, wi n syɔ́ɔnw bee tágala córo wi ma sínnɛ.

Wɔrɔmi ye 5:11

N fàra gee bee na wolo wɔ́ɔ i nyɔ̌ngbɔɔlɔ táanri Kolocɔlɔɔ kéeli na wolo Kàfɔw Zyezu Kirisi bárigaw ni, woro wee báriga ni wolo bɛ̀ɛ́li bee taa lè tɔ́ɔliw ni.

Wɔrɔmi ye 5:18

Gee bee na àmɛɛ kálagili kútii baa nan lè syɛ́ɛnbèle myɛ na syɔɔn nibin kapeele báriga ni, kánmi bee na sínni wɔ́ɔ baa nan syɛ́ɛnbèle myɛ na syɔɔn nibin kasinnɛ báriga ni jàngó be sìíw taa.

Wɔrɔmi ye 6:23

Níì cán kapeebyeri sàra wi nyɛ kùúw, kàjáa kpɔ́ʔɔri Kolocɔlɔɔ kaan wolo ma lè, toro di nyɛ sìibangwɔɔw wolo Kàfɔw Zyezu Kirisi bárigaw ni.

Wɔrɔmi ye 9:30

Ki si ga pye nya, nyàʔá wolo a joo? Ncan syɛɛnfeleyee yi lè yi da ni sínni caa í, yi n sínni taa, sínlee li taagi lè tágali báriga ni,

Galasi ye 2:16

Wolo si n gi cán ncan syɔɔn a gbǎn sínni taa Mowizi làlwaw kapyegèlē báriga ni í, fwɔɔ wi tága Kirisi Zyezu na, tágali bee báriga ni wi a sínni taa, a wolo tiimaa si wɔ́ɔ̀ tága Kirisi Zyezu na jàngó wolo í sínni taa tágali báriga ni Kirisi na, wolo a li taa làlwaw kapyegèlē báriga ni í, níì cán syɔɔn faala a sínni taa làlwaw kapyegèlē báriga ni í.

Galasi ye 3:25

Amɛɛ tágali pan n kwɔ́ɔ lè, wolo ní o nyɛ tamafɔw bee kɔ́yɔ ni í.

Galasi ye 5:22

Kàjáa gee Pìicǎnni sangi lè, koro gi nyɛ: tàmagi, ní fundaanri, ní bɛ̀ɛ́li, ní kpàracogi, ní tánʔaganjǎnmi, ní funjǎngi, ní mɔ í pye tágala syɔ́ɔn,

Efɛzi ye 2:7

wi n wolo kpɔ́ʔɔ wi funjǎngi báriga ni, koro ga pye bi gi tɛ̀ɛn làrigèle gele ni ge maa lè, àmɛɛ woro kpɔ́ʔɔri nyɛ lè lɔnɛʔɛrɛ wóro Kirisi Zyezu ni.

Filipikaʔa ye 3:9

mii si pye syɛɛnsiɔn wi ni, sínni bee si a kɔ́ pye mii wólo í, lee li taagi Mowizi làlwaw ma lè í, fwɔɔ lee li taagi lè tágali báriga ni Kirisi na, sínni bee i taagi Kolocɔlɔɔ ma tágali kólogo ni.

Kɔlɔsi ye 1:20

Tofɔw n yáriri myɛ bɛ̀ɛ ní wiyɛɛ ní wi Jáaw báriga ni, tári yárira yoo, nyɛ̀ʔɛni wóro yoo, wi n bɛ̀ɛlɛ lége woro ní yáriri bee myɛ nínge ni wi Jáaw sìsyaan báriga ni wi wo lè tiiparigi na.

Kɔlɔsi ye 3:15

Fûnnyingi Kirisi kaangi lè, ye gee bee yaʔa kaa yele fúnyi kàragí, koro gee kéele na Kolocɔlɔɔ da yele yeri lè níì jo yele í pye cere nibin. Ki n yɛlɛ yaa bariga kaangi wi ma.

1 Tesaloniki ye 5:23

Ki n yɛlɛ Kolocɔlɔɔ í yele jée mùnu mɛnɛ mɛnɛ, woro wee wi nyɛ lè yɛɛ̀nyingi kaanfɔlɔ, sáā yele pìígèle, ní yele fúnyi, ní yele céri myɛ kɔ̀rɔsíi jàngó ti ba pye kajoolo fun wo Kàfɔw Zyezu Kirisi làribanni ni!

2 Tesaloniki ye 3:16

Kàfɔw wi lè yɛɛ̀nyingi kaanfɔlɔ, ki n yɛlɛ woro tiimaa í da yɛɛ̀nyingi kaangi yele ma làla o làla, kánmi myɛ na! Kàfɔw í pye ní yele myɛ ní!

Heburubèle 13:20

Kolocɔlɔɔ wi nyɛ lè fûnnyingi kaanfɔlɔ, woro wee wi wolo Kàfɔw Zyezu nyán n yirige kúbèle nínge ni lè, jàngó wi pye bǎbèle nàʔafɔgbɔɔɔ kwɔ́ɔmɔ fun joogaanni sìsyaan báriga ni,