Wɔrɔmi ye 4:6 - Cebaara Bible 2010

⁶ Kánmi bee na wee Kolocɔlɔɔ córo lè sínnɛfɔlɔ bi gi taa wi ga yarigaa kpéʔele Kolocɔlɔɔ ma í, Davidi n wɔ́ɔ̀ wee bee dùba kéele joo.

Wɔrɔmi ye 4:6 Iomraidhean Croise

Ŋúnuyi 112:1

Aleluya! Syɔ́ɔnwee wi fɛ̀ɛgí lè Yawe na, ní i fundaanra kpéʔele gbanʔama wi kajoodɛɛngèle kéele na, wi i nyɛ dùba pyà.

Ezayi 54:17

Kapɛɛnkpumɔn-yáriri myɛ di sámagi mɔ kánmi na lè, ki kàa a yafyɛn nyɔɔ í, ní nyinnɛ o nyinnɛ li yìri kútii na ní mɔ ní lè, mɔ a joo bi li péemi jáa. Koro ki a pye Yawe falipyebèle kɔ́rigɔ, loro li nyɛ sínni, lee li yìrigí mii ma ni maa be ma lè,» Yawe wi jo nya.

Zyeremii 22:6

Níì cán Yawe wi syɛ́ɛnri naa joo Zyuda fànʔafɔw kpaʔa kéele na níì jo: «Mɔ i nyɛ mii ma àmɛɛ Galaadi nyɛ lè, ní àmɛɛ Liban ǹjogi nyɛ lè. Kàjáa mii si a tɔ̀nɔ́ mɔ pye fìimɛ tára, ní syɛ̀ɛnnɛ fun keye.

Zyeremii 33:16

Cányi bee ni, Zyuda a syɔɔ, Zyerusalɛmi a pye ŋɔ́ndaala na wi tɛɛ̀tɛ́ɛnni ni. Mɛ́ɛgee si pe a ra yiri wi na lè koro gi nyɛ gee na: Yawe, wolo sínni.›

Danyɛli 9:24

Cégboʔolo togoye taanri ní kpɔrigɔ n tɛ́ʔɛ mɔ syɛ́ɛnbèle ní mɔ kecangi kéele na, bi làlwaw céele yérige, si kapeegèle kwɔ́ɔ, bi sìnzinmi kapeele kusulugo fáli kpéʔele, si pan ní bàngwɔɔ sínni ní, bi ba yanyaagi ní kanyaajoobèle syɛ́ɛnrɛ foro, si sǐnmi wo Tɛɛcàndelegi na.

Matye 25:19

A ki ga mɔn gbanʔama, a falipyebèle bee kàfɔlɔ lúru n pan n baa córomi kpéʔele ní be ní.

Wɔrɔmi ye 1:17

Níì cán Syɛɛnjóocǎnri di sínni tèé, lee li taagi lè Kolocɔlɔɔ ma, ní i taagi tágali yagana báriga ni, àmɛɛ Kolocɔlɔɔ syɛɛnsɛbɛri gi joo lè níì jo: «Syɛɛnsinw a sìi taa tágali báriga ni.»

Wɔrɔmi ye 3:27

Ki si ga pye nya, a tànʔa i nyɛ lé syɔɔn ma wi ní gbǎn wiyɛɛ gbɔ́ʔɔ? Koro a gbǎn pye í. Làlwawìí báriga ni? Kapyegèle làlwa báriga ni lé? Eʔe, fwɔɔ tágali làlwa báriga ni.

Wɔrɔmi ye 4:11

Koro kàdoʔo ma a wi náà kɛ́nɛw kpéʔele, a kɛ́nɛw bee pye fɛ̀ɛ bi gi tɛ̀ɛn ncan wi maa sínni taa tágali báriga ni n wi yaʔa sìngɛnɛ ni. Amɛɛ gi pye lè nya, koro na bele be tági lè ní si i nyɛ sìngɛnɛ ni, Abirahami i nyɛ bele bee myɛ tóo, jàngó sínni í wɔ́ɔ córo bele bee ma.

Wɔrɔmi ye 4:24

Ki maa wɔ́ɔ̀ sɛ́bɛ wolo kéeli na níì jo ki a wɔ́ɔ córo wolo ma, wolo bele wo tága wi na lè wee wi wolo Kàfɔw Zyezu nyán n yirige lè kúbèle nínge ni.

Wɔrɔmi ye 4:5

Wee si wi lè wi ga yarigaa kpéʔele Kolocɔlɔɔ ma í, níì tága wi na, woro wee wi sínni kaangi lè woro yɛ́ʔɛnaa-sìnvyaabèle ma, wi n syɔ́ɔnw bee tágala córo wi ma sínnɛ.

Wɔrɔmi ye 4:7

Níì cán wi n jo: «Bele kakolobyere kùsulugo Kolocɔlɔɔ syɔɔ lè níì be kapeegèle tɔ́n, bele bee i nyɛ dùba pìibēle!

Wɔrɔmi ye 4:9

A yele jo lé dùbaw bee i nyɛ kɛ́nɛw fɔ̀ɔlɔ yagana wóo? Wi wɔ́ɔ o nyɛ sìngɛnɛbèle wóo ì? Níì cán wolo n gi joo n kwɔ́ɔ níì jo: «Kolocɔlɔɔ n Abirahami tágali córo wi ma sínnɛ.»

1 Korɛnti ye 1:30

Kolocɔlɔɔ bárigaw ni yele nyɛ Kirisi Zyezu ni, woro Kolocɔlɔɔ kpéʔele wolo ma sícilimi, ní sínni, ní jéemununi, ní syɔɔli,

2 Korɛnti ye 5:21

Wee wi lè wi ga kapeele pye n nyaa í, a Kolocɔlɔɔ baa wolo kapeeli tugo wi na, koro ga pye wolo í Kolocɔlɔɔ sínni taa woro bárigaw ni.

Galasi ye 3:14

A Kirisi fɔ̀lɔ dángaw bee na koro ga pye dùbawee Kolocɔlɔɔ da kpéʔele lè Abirahami ma, syɛɛnfeleyi í wee bee taa woro Zyezu Kirisi ni, jàngó wolo í Pìicǎnni taa tágali báriga ni, lee nyɔ́ɔ Kolocɔlɔɔ da fàli lè.

Galasi ye 4:15

Sán si yele fundaanri bee nyɛ? Níì cán mii i gi séeraw kpéʔele yele kéeli na níì jo, kapye ki a dée gbǎn pye, yele mǎà dée yele tiimaa nyapiigèle wòlo bi kaan mii ma.

Efɛzi ye 1:3

Wolo Kàfɔw Zyezu Kirisi Kolocɔlɔw wi yɛlɛ ní kpɔ̀ʔɔrɔli ní wi lè wi Tóow, woro wee wi Pìicǎnni kpɔ́ʔɔrɔ féleye myɛ kaan lè wolo ma nyɛ̀ʔɛni tɛ́ɛyɛ ni àmɛɛ wolo nyɛ lè Kirisi ni.

Làlwaw Kaanziin 33:29

Isirayɛli, mɔ i nyɛ dùba pyà. Wìí wi nyɛ mɔ félege? Mɔ i nyɛ syɛɛnfelegaa, gee Yawe syɔɔ lè. Wi i nyɛ mɔ dɛɛmɛni tunmɔzige-yariga, ní mɔ kpɔ́ɔmi ŋɔsée. Mɔ nigoobèle fànʔa a kwɔ́ɔ mɔ yɛ́ʔɛ ma, mɔ si be kpɔ́ɔmi tɛ́ɛyɛ tánʔana.»

Filipikaʔa ye 3:9

mii si pye syɛɛnsiɔn wi ni, sínni bee si a kɔ́ pye mii wólo í, lee li taagi Mowizi làlwaw ma lè í, fwɔɔ lee li taagi lè tágali báriga ni Kirisi na, sínni bee i taagi Kolocɔlɔɔ ma tágali kólogo ni.

2 Timɔte 1:9

Woro wi wolo syɔɔ níì wolo yeri jàngó wolo í pye woro syɛɛncanbéle, wolo kapyegèle kéele si na ban wi wolo syɔɔ í, fwɔɔ woro tiimaa kakɔrirɔli, ní wi kpɔ́ʔɔri kéele na, dee wi da kaan wolo ma lè Kirisi Zyezu ni sáni dulunyanw í séli lè.

Zyaki 2:18

Wàa a wɔ́ɔ gbǎn gi joo wee ma wi joo lè tágali i nyɛ woro ma, si wi pye: «Mɔ n joo tágali i nyɛ mɔ ma, mii si na, kapyegèle i nyɛ mii ma. Mi mɔ tágali tɛ̀ɛn mii na kapyegèle fun ni, mii si a mii wóli tɛ̀ɛn mɔ na mii kapyegèle báriga ni.»

2 Pyɛri 1:1

Mii Siimɔn Pyɛri wi lè Zyezu Kirisi púlo, ní wɔ́ɔ i nyɛ wi pìituɔn, mii a sɛ́bɛw naa tórigo yele ma, yele bele ye tágali taa Zyezu Kirisi sínni báriga ni lè, wi lè wolo Kolocɔlɔw ní wolo Syɔɔfɔw, tágali bee n nyɔɔ n sɔ̀lɔ yáriri myɛ na, loro wonijanni li wɔ́ɔ̄ nyɛ wolo ma.