Wɔrɔmi ye 4:5 - Cebaara Bible 2010

⁵ Wee si wi lè wi ga yarigaa kpéʔele Kolocɔlɔɔ ma í, níì tága wi na, woro wee wi sínni kaangi lè woro yɛ́ʔɛnaa-sìnvyaabèle ma, wi n syɔ́ɔnw bee tágala córo wi ma sínnɛ.

Wɔrɔmi ye 4:5 Iomraidhean Croise

Habakuki 2:4

Wéle, kpɔɔmɔ n syɛɛnaa-sìnzinw fúngo nyìn, kàjáa syɛɛnsinw a sìi taa wi tágali báriga ni.

Mariki 9:23

A Zyezu wi pye: «Mɔ fánʔa ga tɛ́nɛ̀ pye gi na, syɔ́ɔnwee wi ga tága lè, kérigèle myɛ a gbǎn kpéʔele wee bee ma.»

Zyan 5:24

Mii si a tɔ̀nɔ́ gi joo yele ma kányɛʔɛ ni, syɔ́ɔnwee faala wi ga ni mii syɛ́ɛnri lúro lè níì tága mii Tunvɔw na, sìibangwɔɔw i nyɛ wee bee ma, wi tɔlɔgɔ a ní pye kútiiw ni í, ncan wi n yiri kùúw ni n kwɔ́ɔ n jée sìíw ni.

Zyan 6:29

A Zyezu be pye: «Kolocɔlɔɔ fáliw pyele li nyɛ yele í tága wi tundunw na.»

Wɔrɔmi ye 10:3

Pe ga Kolocɔlɔɔ sínni cán í, ní i ŋàʔaná bi peyɛɛ gbéʔele syɛɛnsinbéle, gee bee na pe ga fɔ̀lɔ n peyɛɛ gaan Kolocɔlɔɔ ma wi poro sín í.

Wɔrɔmi ye 3:22

Kolocɔlɔɔ sínni li kaangi syɛ́ɛnbèle ma lè tágali báriga ni, poro bele myɛ be tága Zyezu Kirisi na lè. Níì cán wi o wàa yirigi wàa ni í,

Wɔrɔmi ye 4:24

Ki maa wɔ́ɔ̀ sɛ́bɛ wolo kéeli na níì jo ki a wɔ́ɔ córo wolo ma, wolo bele wo tága wi na lè wee wi wolo Kàfɔw Zyezu nyán n yirige lè kúbèle nínge ni.

Wɔrɔmi ye 4:3

Nyàʔá Kolocɔlɔɔ syɛɛnsɛbɛri joo? Ti n jo: «Abirahami n tága Kolocɔlɔɔ na, a Kolocɔlɔɔ gee bee córo wi ma sínnɛ.»

Wɔrɔmi ye 4:6

Kánmi bee na wee Kolocɔlɔɔ córo lè sínnɛfɔlɔ bi gi taa wi ga yarigaa kpéʔele Kolocɔlɔɔ ma í, Davidi n wɔ́ɔ̀ wee bee dùba kéele joo.

Filipikaʔa ye 3:9

mii si pye syɛɛnsiɔn wi ni, sínni bee si a kɔ́ pye mii wólo í, lee li taagi Mowizi làlwaw ma lè í, fwɔɔ lee li taagi lè tágali báriga ni Kirisi na, sínni bee i taagi Kolocɔlɔɔ ma tágali kólogo ni.

Zyozuwe 24:2

Lǎli bee ni a Zyozuwe syɛ́ɛnmi myɛ pye: «Yawe wi lè Isirayɛli ye Kolocɔlɔw, wi n jo: ‹Booma ni yele tóolɛɛbèle maa pye wodɛ́ɛnbéle ní cábigi jelige na pe lè Tera kpáagi wòolo wi lè Abirahami ní Nahɔri tóow. Pe maa ni báara kolocɔlɔbèle pèle nikwɔɔlɔ ma.